Luk 1:10 - Nobonob Baibel

¹⁰ Kalu danab ile muttuɗig enanag bette amotom, haen amuppa danab ah kuɗum ag dimittim qagmena, unuqidnana daappig.

Luk 1:10 Iomraidhean Croise

Sam 141:2

Na dahil unuqittak imunu amu, na kalu danab ile, muttuɗig enanag otte bia dookkutnu oɗ medattem. Ao, na da eppel bahii, attan tette ele, na amunu tuebnu doɗ manan mettaglag bia anidkkutnu unuqidttem.

Esekiel 46:3

Amu Sabat ohppa, kalam bau betteppa ele Israel danab ah ag od amuppa ele uɗin, da noolppa dup nona, da binal mekkulag.

Lewitikas 16:17

Aron nug Oo Gunnab Ele, amuppa ukka, eheɗ haknu nob nau iitta mekkunu heebeb amu, haen nug appa daya, eɗua dimittim ii uɗiom, auntai laa nug mettid haknu peh lag danab ah appa qagmetteb ele, nug lag amu ooppa aib noum. Aron nug amu haaha, nug nukka nuhignu, nug baekkudppan dilagnu, amu Israel danab ah oh ele dilagnu, ag eheɗ hak ahilagnu nob nau tiigppa iitta meeb elele medakkunu aakku hette.

Hibru 4:14

Anam daatte amunu, ig ooppa genab doyak ihinig, ig heut miag atitte ele amu, ig amu aɗat auta aotu! Aɗinu? Ig ihinig mana mettak ikki danab, Nug hab aabppa teum daatte. Nug am Jesus, Kayak Bekka.

Hibru 9:24

Amuam Kristusnu mauhakppa beum. Kristus Nug Kayaknu mettid lag ooppa, danab ag eppelagppa heppig ele, Nug amu ooppa ii noum. Iitta! Nug hab aabppanab ukkom amunu, gemu Nug Kayak noobppa miag atia teum dayaya, danab ig ehanikkakka daatte.

Revelesen 8:3

Engel laa ele nug kalu danab ile muttuɗig enanag bette elenu gol tappiɗ aɗa doa, qaɗab noobppa dayom. Dayeye, ag kalu danab ile muttuɗig enanag bette ele okkai medappig. Nug kalu danab ile muttuɗig enanag bette ele, amu Kayaknu danab ah oppiaawak ele dilag unuqittak, nug keeke aɗit amu oh gol qaɗab, amu sia king ⌊anuqak⌋ noobppa daatte, qaɗab amuppa keeke aɗit amu mana, Kayak medakkunu dayom.