Lewitikas 4:3 - Nobonob Baibel

³ Laa amu hekku, nug mana mettak ikki danab daatte dayeb, nug Israel oh ag hipunin hekkulagnu elele daatteb bia hipunin hekku dayeb, nug Yawe toppa makau gaiɗ laa, ib etta hipunin haknu ofa daakkunu, beɗuppa eheɗ laa iitta ele amu awa, Yawe gumitta ukka, Nug medakuoitte.

Lewitikas 4:3 Iomraidhean Croise

2 Stori 29:21

Ag gona, ag makau dawai eblaih aɗit ele, sipsip dawai eblaih aɗit ele, sipsip gaiɗ eblaih aɗit ele, amu meeme dawai eblaih aɗit ele diin goppig. Doɗ amu oh am ib etta hipunin haknu ofa daappig. Hesekaia, danab okkai ele ag mana mettak danab ag doɗ amu manadna, Kayak medappeg, Juda okkai dilag hipunin uhuqak daaglagnu, Juda danab ah dilag hipunin uhuqak daaglagnu, Yawenu mettid lag ele nuhig neekkakppa oppiak daakkunu diin goppig. Ag diin gona, king nug mana mettak danab, ag Aron buɗub amu, nug ag qaɗabppa doɗ amu manadna, Yawe mettaglagnu ag amelagppa haknunab aum.

Esra 8:35

Keeke skelppa mak uɗat ha malak amu, diia ukka laih me dayak danab ah Babilonnu ahan, eɗun uɗippig ele, ag Kayaknu manaknu ofa heppig; amuam Israel oh dilagnu makau dawai 12, aria sipsip dawai 96, sipsip gaiɗ 77 ele. Amu oh am manaknu ofa daappig. Amu ag ele ib etta hipunin haknu ofa haknu, ag meeme dawai 12 ele manadna, Yawe medappig.

Eksodas 29:14

Amge makau teppu, gaɗa, biig, biig ooppan biilag amu, na amu oh haen tutu dayaknu aab kalak dimittim aab aɗuppa manappe ewaɗ! Makau amuam ib etta hipunin haknu ofa.

Eksodas 29:21

Na amu hena malona, dimppa na tiig laa qaɗabppanu aon, laittaknu goɗen ele aon kabolin, na Aron tauɗ qettona, nuhig lamen ele tauɗ qettan, na nug bekkod ele tauɗ aqona, ahilkad lamen ele tauɗ qe! Na anam heppe, Aron, nug bekkod, amu ahilag lamen oh ele am dahilnu tituana mettak daaglag.

Eksodas 29:7

Na qakkona, na laittaknu goɗen aon, na goɗen gokkaɗakppa tituanidnana, nug mana mettak danab daakkunu goɗen igippa gokkaɗkkut.

Eksodas 30:10

Laa amu, maɗ ohppa, haen laippu Aron nug, ⌊amu nug buɗub ele geha ag inam ele hekkulag amu,⌋ nug heeb, qaɗab amu dahil neekkakppa oppiaawak daakkunu, nug ib etta hipunin haknu ofa amu haaha, nug doɗ amunu tiig laih awa, qaɗabppa keeke makau qeqeɗi bia, amuppa maadkku. Ag buɗub buɗub doobob, maɗ ohppa amu, ag anam hekkulagoitte. Da, Yawe, da qaɗab amunu, dahilnu tituanaknab daatte anidttem,” awa aum.

Esekiel 40:39

Oo amuppa amu balal waɗele daatteb; aɗit am oo laihppa daattep, aɗit laa am laih daattep. Amu ag balal amuppa manaknu ofanu doɗ teppu, ib etta hipunin haknu ofanu doɗ teppu, amu eheɗ haknu ofanu doɗ teppu ele meppig.

Esekiel 43:19

Lewi buɗub Sadok, nug buɗub, ag mana mettak danab, ag Lewi buɗub, ag dahil ɗo maɗoɗnu uɗat hekkulagnu da noolppa uɗitteb amunu, na ag ib etta hipunin haknu ofa hekkulagnu, na ag makau gaiɗ laippu matte!” Naɗi Yawe Nug anam aakku aum.

Esekiel 44:27

deɗ nug eɗua, mana mettak danab dilag haɗap-ppa, mettid lag dahilppa dahil ɗo maɗoɗnu uɗat hekkunu gokku amu, nug nukka nuhignu nug ib etta hipunin haknu ofa mana, da meɗaɗ!” Naɗi Yawe Nug anam atte.

Lewitikas 1:10

Am laa nug manaknu ofa hekkunu haaha, nug doɗ aɗppanu sipsipte, o meemete laa awa dotte amu, nug sipsip dawai laa, o meeme dawai laa, beɗuppa eheɗ laa iitta ele awa dokkuoitte.

Lewitikas 1:3

Am laa ⌊nug ofa mameg,⌋ nug manaknu ofa hekkunu haaha, nug makau awa dotte dayeb, Yawe Nug mana mettak amunu ena doya aokkunu amu, ofa mameg nug makau dawai laa beɗuppa eheɗ laa iitta ele awa doa, nug Yawe gumitta ukka, mettid haknu peh lag danab ah appa qagmetteb ele, nug lag amu odppa, Yawe medakkuoitte.

Lewitikas 16:11

Amu Aron, nug makau gaiɗ amu, nuhig ib etta hipunin haknu ofa daakkunu, nug amuppa nuhignu, nug baekkudppanu ele dilag eheɗ haknu nob nau doɗ amu tiigppa iitta meeb elele medakkunu hekku amu, nug doɗ amu awa doa, baag otaɗeb mauhkku.

Lewitikas 16:3

⌊Yawe Nug anam ana, Nug doya dim lamittaknu nai imu ele Moses mettom.⌋ “Aron nug aben Kayaknu tituanak daatte ele amuppa nokkunu amu, nug nai imu tutukkunab dim lamidkkuoitte. Tatam amu, nug ib etta hipunin haknu ofa hekkunu, nug makau gaiɗ laa awa, amu nug manaknu ofa hekkunu sipsip dawai ele awa dokkuoitte.

Lewitikas 16:5

Israel danab ah ag ib etta hipunin haknu ofa hekkulagnu, ag meeme dawai aɗit aon uɗin, ag sipsip dawai laa manaknu ofa haknu aon dokkulagoitte. Ag diin uɗippeg, mana mettak danab nug aokku.

Lewitikas 16:6

Am Aron nug eheɗ haknu nob nau doɗ tiigppa iitta meeb elele medakkunu hak kobol nuhignu, nug baekkudppa dilagnu ele ha, nug makau gaiɗ amu ib etta hipunin haknu ofa daakkunu mana, Yawe medakku.

Lewitikas 4:14

Amu haen ag hipunin heppig, ag amu doona, ag ib etta hipunin haknu ofa hekkulagnu, ag makau gaiɗ aon uɗiglagoitte. Ag doɗ amu aon, mettid haknu peh lag danab ah appa qagmetteb ele, ag lag amu odppa Yawe gumidna wana, Nug mettaglagoitte.

Lewitikas 4:23

Haen nug hipunin heum doya amu, nug meeme dawai laa, eheɗ laa beɗuppa iitta ele amu awa, nug hipunin heumnu mana mettak hekkunu wakkuoitte.

Lewitikas 4:28

Haen nug hipunin heum doya amu, nug mana mettak haknu meeme balat, beɗuppa eheɗ laa iitta ele, amu awa, nug hipunin heumnu mana mettak hekkunu wakkuoitte.

Lewitikas 4:5

Nug baag otaɗa, mana mettak ikki danab amu, nug makau amunu tiig laa awa, mettid haknu peh lag danab ah appa qagmetteb ele, nug lag amu ooppa nokku.

Lewitikas 5:6

Nug nuhig hipunin miag uhuqowa, nug hipunin amu heum, amunu nug sipsip balatte, o meeme balatte laa awa, Yawe toppa wakkuoitte. Amuam nuhig ib etta hipunin haknu ofa aakku. Mana mettak amuppa amu, mana mettak danab nug heeb, eheɗ haknu nob nau doɗ tiigppa iitta meeb elele medakku.

Lewitikas 6:18

Mana mettak danab ag Yawe mettaknu aab aɗunu ofa hadatteb ele, amu maha laa am ahilag daakkunu tituanak daatte amunu, Aron buɗubppan danab aun nug ee aegnu ofanu maha amu lakkun elele, gemu, buɗub buɗub doobob, hanhan ele. Aun laa, o aɗi keeke laa ee amu lauɗidtte amu, ee amu heeb, nug Yawenu tituanak ba daakku,” awa aum.

Lewitikas 8:12

Anam hewowa, amu nug Aron, nug Yawenu tituana mettak daakkunu, nug laittaknu goɗen laa awa, Aron mana mettak danab daakkunu goɗen gokkaɗakppa tituanom.

Lewitikas 9:2

Nug he, ag qagmeeg, Moses nug Aron amegppa aum. “Ib etta, hipunin haknu ofa nahipnu haknu, na makau gaiɗ laa, amu manaknu ofa nahipnu haknu, na sipsip dawai laa ele, doɗ aɗit amu oh aa beɗulahppa eheɗ laa iitta ele amu, na doɗ amu diiatna, Yawe gumidna wana, Nug mette!

Lewitikas 9:3

Anam henana amu, Israel danab ah appe, ag akka ahilagnu, ib etta hipunin haknu ofa hekkulagnu, ag meeme dawai laa aon, ag manaknu ofa haknu, ag makau gaiɗ, maɗ laippu awak ele, amu sipsip gaiɗ maɗ laippu awak ele, doɗ amu, aa oh am laippu laa beɗuppa eheɗ laa iitta ele amu, aria

Namba 16:22

Yawe Nug anam aum, amge Moses, Aron ele aa laippun gatelah qaun o gomelya iɗulah wanppa meya, aa Kayak unuqidya apiɗ. “O Kayak, na danab ah oh dilag Kayak. Na danab laippuib hipunin heeb amu, danab ah oh imu dilagnu oo nauhak doon, eheɗ hadakkutte?” aoya apiɗ.

Namba 8:8

Ag anam hewona amu, ag makau gaiɗ laa, amu ee aegnu ofanu keeke ele, ag keeke amu, doɗ amu ele manan da meɗaglagnu amu, ag aon, peh laugppa wakkulag. Ee aegnu ofa haknu am plaua enanag, olip goɗen ele kaboliak daakku. Amu mana mettak laa, amuam ib etta hipunin haknu ofa, mana mettak amu haknu amu, na makau gaiɗ laa ele aon uɗie!

Rom 8:3

Amu inam. Ig oonig alag nug he, ɗonu ɠagattag am gai-iitta dayom amunu, ɗo nug heeb, ig ena bekkunignu elele iittanab, amge keeke ɗo nug hekkunu elele iitta amu, keeke amu Kayak nukka heum. Kayak Nug nukka Nug Bekka me uɗia, danab beum. Nug beɗu am, ig hipunin danab, ig beɗunig bia tagittom, amge Nug am hipunin laa iitta. Amu Jesus Nug ib etta hipunin haknu ofa dayeb, amuppa Kayak Nug ihinig hipunin uhuqa megakkunu, Nug Jesus me uɗiom. Ib amuppa amu, Kayak Nug danab ah ag hipunin waappa ii daamnanu heum.

2 Korint 5:21

Kristus Nug eheɗ laa ii heum amge Kayak he, Nug ihinig mana mettak dayeye, Kayak Nug hipunin ihinig oh awa, laippu qagma Nug qaɗeppa me, Nug mawom. Anam amunu, gemu Kayak Nug Kristusnu uɗat okkaippa ig anikka, ihinignu, “Genab tutukku hak danab,” awa akkunu elele.

Hibru 5:3

Amu mana mettak danab amu, nug ele hipunin hekkunu eeɗak aotte amunu, Kayak Nug danab amunu hipunin uhuqa medakkunu, danab laa oh dilag hipunin ele uhuqa madakkunu, mana mettak danab amu nug doɗ mana Kayak medakkuoitte.

Hibru 9:12

Kristus Nug meeme tiilkad, amu makau nakkud tiilkad ele awa, Oo Gunnab eleppa ii noum. Iitta! Nug nukka Nug tiig awa, haen laippu aakkuib Oo Gunnab Ele, Nug amuppa noa, Nug tiigppa Nug qagaiettakppanu eɗua uhuqak hanhannu ha mekkom.