Lewitikas 3:3 - Nobonob Baibel

³ Laippu dayaknu ofa laih amu, nug Yawe medakkuoitte. Amuam Yawe mettaknu aab aɗunu ofa aakku. Maha laih nug mana, Yawe medakku, amuam ittag ooppan keeke aɗak daatte oh,

Lewitikas 3:3 Iomraidhean Croise

Sam 119:70

Beɗup tak danab ag danab ah laa makkuɗadna, guittak mattaglagnu mauhnoak henan, uug ii dootteb, amge da nahip ɗonu enanagnab doottem.

Eksodas 29:13

Na anam hena, dimppa na ittag ooppan keeke aɗak daatte oh aon, gamagnu maha nakok ele aon, aɗitta doɗo aɗit, ittalah ele, na amu ele aon, na keeke amu oh qaɗabppa main da meɗakkut!

Eksodas 29:22

Aria, na sipsip dawai amunu amu, na nug teppunu ittag aon, nug boob ittag ele aon, na ittag ooppan keeke aɗak daatte oh, na amu ele aon, na gamagnu maha nakok aon, aria aɗitta doɗo aɗit, ittalah ele, na amu oh ele aon, na tuɗi naɗiap ele aokkut. Aɗinu? Doɗ imuam Aron bekkod ele ag mana mettak danab daaglagnu baɗ awaknu doɗ.

Prowerb 23:26

O bekkal, na oot da meɗe! Na dahil oiyak anidna, amuib dim lamitte!

Aisaia 6:10

Naɗi Nug anam ana, Nug da amelppa nai tuɗitta aum. “Heppe, danab ah imu ag oolag ɠagattag eppaɗ! Heppe, ag daulag nai dookkunu elele iitta dayaɗ! Heppe, ag amelag amuhak dayaɗ! Amu iitta daalo, ag amelagppa keeke anidna, daulagppa nai doonna, ag nai diig oolagppa tutukku doona, ag eɗun dahilppa dokkulagtai. Ag anam hekkulag dayeb amu, da heppi, ag ena daaglag,” awa aum.

Esekiel 36:26

Da amu hewoya, da ag oolag alag hiɗe, oolag bau madakkul. Da heppi, ag dabmak laa ele aɗan oiglag. Ag oolag alag am ɠagattagnab, men bia, amge da amu hiɗen, oolag bau, oolag ena, ɠagattagnab men bia iitta, oolag amu da ag madakkul.

Esekiel 44:15

Lewi buɗub amu, ag amu hekkulag, amge Lewi buɗub laa, ag Sadok buɗub amu, ag am mana mettak danab daaglag. Haen Israel laa ag da uuiɗna, uma ukkaeg amu, Sadok buɗub ag ahilag uɗat da noolppa mettid lag dahilppa hekkulagnu dayom amu aakku heppig. Ag amu heppig amunu, ag da gumiɗna uɗin, da noolppa dahil ɗo maɗoɗnu uɗat hekkulag; ag doɗ ittag manan meɗan, ag tiig ele gokkaɗkkulagnu aakku daatteb.” Naɗi Yawe Nug anam atte.

Lewitikas 1:12

Amu ofa mameg nug doɗ tuqeb, huppu huppu neeb, amu mana mettak danab nug mana mettaknu huppu huppu amu, ikki, ittag ele am diia, nug qaɗabppa atognoa, aab eotte qaɗeppa mekkuoitte.

Lewitikas 1:8

Aron bekkod, ag mana mettak danab, ag geha doɗ teppu huppu huppu, ikki amu ittag ele diina, ag qaɗabppa atognona, aab eotte qaɗeppa mekkulag.

Lewitikas 16:25

Nug ittag oh ele ib etta hipunin haknu ofa ha qaɗabppa manakku.

Lewitikas 3:16

Mana mettak danab nug qaɗabppa ee bia maneb eokku. Amuam aab aɗunu ofa aakku. Mana mettak amunu muttuɗignu, Yawe Nug ooppa ena dootte. Ittag oh Yawenu daatte amu, ag amu aib daulag atiom! Ag dabmekkulag.

Lewitikas 3:2

Laa nug mana mettak hette ele, nug eppeg doɗ amu igippa mewowa, nug mettid haknu peh lag danab ah appa qagmetteb ele, nug amu odppa baag otaɗkkuoitte. Mana mettak danab, Aron bekkod, ag doɗ tiig amu qaɗab gigin waɗele ohppa tauɗ qettaglag.

Lewitikas 3:4

aria, aɗitta doɗo aɗit, ittalah ele, maɗog guguittak daattep, amu gamagnu maha nakok ele. Danab nug aɗitta doɗo awawa, nug gamagnu maha amu ele awaɗ!

Lewitikas 4:10

Amu nug makau okkai ebehi ele dawai, o makau okkai ebehi ele anig, amuppa laippu dayaknu ofa hetteb, amu bianab aakku hekku. Mana mettak danab nug anam hewowa, nug manaknu ofa haknu qaɗabppa manakkuoitte.

Lewitikas 7:30

Nug Yawe mettaknu aab aɗunu ofa amu hekkunu haaha, nug eppegppanab nuhig mana mettak, amunu laih awa doa, Yawe medakku. Nug awa dokku, amuam doɗ ittag, momo ele. Nug momo amu awa doa, nug huma epponitta mettaknu ofa, Yawe noobppa hekku.

Lewitikas 7:5

Mana mettak danab ag maha amu qaɗabppa manana, amuppa ag Yawe mettaknu aab aɗunu ofa hekkulag. Amuam eheɗ haknu ofa aakku.

Lewitikas 9:10

Anam hewowa, nug ittag, aɗitta doɗo aɗit, gamagnu maha nakok ele, doɗ ib etta hipunin haknu ofa daakkunu, nug doɗ amuppanu awa, qaɗabppa manatte eoppig. Am Yawe Nug Moses amegppa anam haknunab aum bianab heum.

Matyu 13:16

Aria, Jesus nai amu mattia mala, Nug nai baula tuɗitta aum. “Anam, amge ag itittak ena aoppig daatteb! Aɗinu? Ag amelagppa keeke anidtteb, daulagppa nai dootteb, amu ag oolag maidtte.

Matyu 15:8

‘Danab ah imu ag oɗelagppan nai mattiakppa da gumiɗna uɗitteb, amge ag oolag da ii meɗatteb.

Rom 5:5

Amu keeke ena bekkunu dabmak aɗa dayak amu heeb, meu okku; ig meu amu genab anidkkunig. Aɗinu? Kayak Nug nuhig Ouɗi ig mekka, nuhigppa amu Kayak Nug nuhig oo mauhak ig oonigppa me ambette.

Rom 6:6

Amu ig doottem, ig oonig alag, ihinig oiyak alag amuppa beum ele, nuhig ɠagattag ig duttunigmanu, ig ele hipuninnu begbeg maɗi nid ii daamtanu, Kristus ad emaitakppa mauhom, haen amuppa ihinig oiyak alag am ele appa Nug ele mauhom.

Duteronomi 30:6

Ag Yawe, ahilag Kayak, Nug ag meulag ohppa, oolag ohppa ele nuhignu oo mauhak doona, ag bau daaglagnu, Yawe Nug heeb, ag, ag buɗulkad ele ag oolag oppiaawak ele daaglag.

1 Samuel 2:15

Hopni, Pinias ele aa haen oh anam hedapiɗ, amge deɗ laala aa kobol laa ele hepiɗ. Kobol amuam inam. Danab laa nug doɗ mana, Yawe medakkunu uɗia, nug amu hekkunu dayeye, mana mettak danab nug doɗ amunu ittag mana, Yawe ii mettom, haen amuppa Hopni, Pinias ele aa heeh, maɗi nid ahilah nug ukka, mana mettak mameg amegppa inam aum. “Mana mettak danab nug doɗ teppu battiak ele lakkunu oo ii daatte, nug teppu aab aɗuppa manak lakkunu oo hette amunu, na teppu maha laa geha iikku da meɗe! Nug teppu battiak ele awaknu uutte. Nug amu iinab aoma. Iitta! Nug teppu bau aakkuib aokkunab.” Maɗi nid nug anam attom.