Lewitikas 26:1 - Nobonob Baibel

¹ Ag aib kayak hambuppuak dottolkad hadappig. Ag aib ahilag wanppa kayak hambuppuak dottog laa, o men gappi laa qabappig. Ele amu, ag men hoyak ele laa, keeke amu noobppa dup nona binag mekkulagnu, ahilag wanppa aib meppig. Aɗinu? Da am Yawe, ahilag Kayak.

Lewitikas 26:1 Iomraidhean Croise

2 King 17:10

Ag gona, qauko nakok oh igippa, ad okkai eppelkad bahia ukkak ele oh waalkadppa ele, ag men gappi maadna, kayak hambuppuak Aserah dabmekkulagnu biidod ele galadna, ⌊ag keeke amu ag noolagppa dup nona binalag meppig⌋.

2 King 17:16

Israel ag Yawe, ahilag Kayak, ag nuhig haknunab nai oh amu uun, ag gol aon, golppa makau gaiɗ aɗit dottolah haatna, noolahppa dup nona binalah meppig. Ag kayak hambuppuak Aserah dabmekkulagnu biidod ele hena, ag amu noobppa dup nona binag meppig. Ag hoɗopai ele noolagppa dup nona binalag menana, kayak hambuppuak Bal ele noobppa dup nona binag meppig.

2 King 17:8

ag wan anen anennu danab ah, Yawe he, Israel ag lamadppig ele, ag amu dilag kobol, Yawe Nug kobol amunu ooppa uuaknab dootte amu, ag kobol amu, kobol nau laala ele Israel dilag king ag danab ah hekkulagnu ippunadppig amu, ag amu ele dim lamidppig.

Sam 78:58

Ag kayak hambuppuak dilag mettid lag nakokppa ag kayak hambuppuak noolagppa dup nona binalag meppig amu, kobol amuppa ag heeg, Kayak oo nauhak doyom. Ao, ag kayak hambuppuak dottolkad noolagppa dup nona binalag meeg, Nug ahilagnu dahil doya laa aomanu doyak aɗa dayom.

Sam 97:7

Amu danab ah ag kayak hambuppuak dottolkad noolagppa dup nona binalag metteb ele, ag uɗa nak dooglag. Ao, danab ah oh ag ahilag kayak hambuppuak binalag metteb, ⌊ag uɗalag nekku⌋. Ag kayak hambuppuak oh, ag Nug noobppa dup nona binag meig!

Eksodas 20:2

“Da am Yawe, ahilag Kayak. Da ag Isip, ag appa begbeg maɗi nid daaegeg, da appanu diie, omalatti uɗippig.

Eksodas 20:23

Ag kayak hambuppuak dottolkad aib hoiyadna, ag da noolppa dup nona, da binal menana, kayak amu ele noolagppa dup nona, aib binalag meppig; ag daib noolppa dup nona, da binal mekkulag. Ag kayak hambuppuak noolagppa dup nona binalag mekkulagnu, ag dottolkad golppa, o silwappa ele aib heppig,’ ” awa aum.

Eksodas 23:24

Ag amu dilag kayak hambuppuak noolagppa aib dup nona binalag meppig. Ag kayak hambuppuaknu dabmak ele aib dim lamidppig. Ag kayak hambuppuak dottolkad aoɗna, maduduɗadna, heppeg nauhppeg, men gappi ele heppeg nauheg!

Eksodas 34:17

Yawe Nug nai amu ana, Nug nai tuɗitta aum. “Ag kayak hambuppuak dottolkad golppa, silwappa, o brasppa keeke, aib heppig.

Aisaia 2:20

Haen amuppa danab ah ag geha ahilkad kayak hambuppuak dottolkad golppa, silwappa ele hak, ag amu noolagppa dup nona binalag mekkulagnu eppelagppa heppig, ag dottolkad amu oh geha agappeg, tog, meɗeb ele daattebppa gokkulag.

Lewitikas 19:4

Ag aib kayak hambuppuaknu oolagppa genab dooppig. Ele amu, ag aib kayak hambuppuak dottolag aenppa, keeke hattana, noolagppa dup nona binalag meppig. Da am Yawe, ahilag Kayak.

Lewitikas 25:55

Aɗinu? Israel danab ah ag dahil maɗi nid maɗi ah ele daatteb, da ag Isip wanppanu diie uɗimi. Da am Yawe ahilag Kayak.

Lewitikas 7:33

Ag tuɗi naɗiap amu hanhan aoppeg, teppu amuam mana mettak danab, Aron buɗub aun nug laippu dayaknu ofappan tiig qaɗabppa tauɗowa, ittag ele mana Kayak medatte amu, teppu amuam nuhig daakkuoitte.

Namba 33:52

ag danab wan amuppa daatteb ele lamatteg! Ag ahilkad kayak hambuppuak dottolkad adppa hoyattak, ahilkad kayak brasppa, o aenppa eppelagppa hadappig ele amu, ag heppeg nauhppeg, ag kayak hambuppuak dilag mettid lag nakok oh ele loppaɗadna heppeg nauheg!

Aposel 17:29

Aria, ig Kayak bekkod daattem amunu, ig ihinig dabmakppa, ‘Danab ag gol, silwa, men ele aona, ahilag dabmakppa ag eppelagppa dottog hetteb, amu Kayak Nug keeke amubia daatte,’ aib doomut.

Duteronomi 27:15

“Laa nug kayak hambuppuak dottog aɗi keekeppa ha, lokkumakppa qabatte amu, nug eheɗ laa awaknu anak waappa dayaɗ! Kayak hambuppuak dottolkad danab uɗat amu haknu doyak okkai ele amu, Yawe Nug dottog amunu ooppa uuaknab dootte,” aon akkulag. Ag anam aon appeg, danab ah oh ag, “Genab, anam dayaɗ!” akkulag.

Duteronomi 5:6

“Da am Yawe, ahilag Kayak. Da ag Isip, ag appa begbeg maɗi nid daaegeg, da appanu diie, omalatti uɗippig.

Revelesen 22:15

Amge baɗ mak danab, gappai danab, qe mauhak danab, kayak hambuppuak binag mak danab ele, amu laa oh ag hambuppuak kobol oolag mettan hetteb ele, ag Kayaknu aab okkai dimittim qai bia daaglag.

Ikki Danab 18:30

Dan danab ag anam hena, ag kayak hambuppuak dottolkad amu qappattona, ag Gersom bekka Jonatan, nug am Moses buɗubppan, nug ahilag mana mettak danab daakkunu otippig. Gersom bekka Jonatan, nug buɗub ele ag Israel dilag huu okkai Dan dilag mana mettak danab haen amuppa digmena henan daaegeg uɗie uɗie, Asiria ag uɗin, diin ukkaeg, wan laappa diia ukka laih me dayak danab daappig batak.