Lewitikas 17:9 - Nobonob Baibel

⁹ nug mettid haknu peh lag danab ah appa qagmetteb ele, ag lag amu odppa Yawe mettaknu ii awa watte amu, nug Israel oolagppanu geɗittak daakkuoitte.

Lewitikas 17:9 Iomraidhean Croise

Lewitikas 17:4

amge nug doɗ amu awa, mettid haknu peh lag danab ah appa qagmetteb ele, nug lag amu odppa, Yawe gumitta, doɗ amu mana, Yawe medakkunu ii uɗitte dayeb, nug am danab laa nug hipunin okkai ha, layag qe mauhtte, hipunin amubia hekku. Nug aɗi heum ele, amuam danab laa qe mauhak bia heum amunu, nug Israel oolagppanu geɗittak daakkuoitte.

Eksodas 20:24

Yawe Nug anam anana amu, Nug Moses amegppa nug Israel amelagppa ab dooglagnu nai tuɗitta aum. “Ag doɗ main meɗaglagnu amu, ag wan akkan, qaɗab hena, ag qaɗab amuppa main meɗaglag! Ag ahilag manaknu ofa, amu laippu dayaknu ofa ahilag ele, ag amu hekkulagnu ag doɗ sipsip, meeme, amu makau ele ahilag qaɗab amuppaib main meɗaglag. Da aben ohppa da onil mekkul ele amu, da amuppa ahilagppa uɗien, da ag itittak ena madakkul.

Lewitikas 1:3

Am laa ⌊nug ofa mameg,⌋ nug manaknu ofa hekkunu haaha, nug makau awa dotte dayeb, Yawe Nug mana mettak amunu ena doya aokkunu amu, ofa mameg nug makau dawai laa beɗuppa eheɗ laa iitta ele awa doa, nug Yawe gumitta ukka, mettid haknu peh lag danab ah appa qagmetteb ele, nug lag amu odppa, Yawe medakkuoitte.

Lewitikas 3:7

Nug sipsip nag laate mana mettak ha, nug awa, Yawe gumitta wana, Nug medakku.

Lewitikas 17:8

Yawe Nug Moses amegppa, nug anam akkunu ana, nug ele amegppa aum. “Na inam ele appe doyeg!” awa aum. ⌊Nug anam a amu, Moses nug ag amelagppa aum.⌋ “Ɗo imuam Israel danab, wan laihnu danab, ag uɗin, ag oolagppa daatteb ele, ag oh tonadtte. Am aun laa nug manaknu ofa, o mana mettak laa ha,

Eksodas 30:33

Danab aun laa nug goɗen imubianab laa hekku, o danab aun nug danab hamu laa, nug mana mettak danab iitta, aun nug danab amu igippa goɗen imu gokkaɗkku amu, ag heppeg, danab amu nug Israel oolagppanu geɗittak daakkuoitte,” awa aum.