Lewitikas 17:7 - Nobonob Baibel

⁷ Am danab ah ag aben laih laih ouɗi nau dilagnu mana mettak hena, ag noolagppa dup nona binalag metteb amu, ag mana mettak hak amu uuglagoitte. Ɗo imu buɗub buɗub doobob, ahilagnu hanhan daakkunu daatte,’ ” awa aum.

Lewitikas 17:7 Iomraidhean Croise

2 Stori 11:15

Jeroboam nug danab laa ag mana mettak danab daaglagnu tituanattom. Israel ooppa kayak hambuppuak dilag mettid lag nakok daappig, aben laalappa nug makau gaiɗ dottog, meeme dottog ele qappalattom amu, amuppa ag mana mettak uɗat hekkulagnu maattom.

Sam 106:37

Ag bekkalkad, aɗelkad ele aqan, manan ouɗi nau madappig.

Sam 106:39

Ahilag hak nau amuppa, ag Kayaknu neekkakppa, ag oolagppa dubuttid tak ele daappig. Ag dottog hattak dilagnu dup nona binalag meppig, amuppa ag Yawe amegppa laa nug gappai awom bia heppig.

Eksodas 22:19

Danab o ah aun nug doɗ ele beɗuppa wanak hettep amu, ag nug qeppeg mauhaɗ!

Eksodas 22:20

Da am Yawe, amu ag doɗ main, daib meɗeg! Danab laa nug doɗ laa mana, kayak hambuppuak laa medakku dayeb, ag heppeg, danab amu nug dahilnuib, dahil pelemppa dayaɗ!

Eksodas 27:21

Amu Aron nug bekkod ele ag geha lam amu dahil mettid haknu peh lag danab ah appa qagmetteb ele, ag peh lag amu ooppa, Oo Gun Ele, Oo Gunnab Ele makkulaknu lamen, Tituanak Nainu Kunup kontrak inak ele am lamen amu dimugppa Oo Gunnab Eleppa daatte amu, ag lamen amu guguittak, Oo Gun Eleppa mekkulag. Ag meppeg dayebeb, ag deɗ oh goɗen lamppa gokkaɗppeg noob, tueb meeb amotppeg, geha lam amu deɗ oh tuebnu ukkeb tuqan, tuqannu ukkeb wakkaɗak, aben da daattem amuppa, da Yawe, da noolppa ewawa dayaɗ! Ag Israel gemu daatteb, amu geha dimppa buɗub buɗub doobob, ag buɗulkad amu ele ag ɗo amu haen oh aɗan henana, mana mettak danab ag lam amu amotppeg, tueb digma ukka, buttua batak ewawa dayaɗ!” awa aum.

Eksodas 32:8

Ag haen elab iitta, pahanab da aɗi hekkulagnunab amelagppa ami amu, ag uuna, golppa makau gaiɗ dottog hewona, ag nug noobppa dup nona binag menana, doɗ main, nug mettana, ag atteb. ‘Doyeg! Imu nug ig Israel, ihinig kayak. Nug ig Isipnu aikka, omaikka uɗiom,’ aon appig.” Yawe nug Moses amegppa anam aum.

Eksodas 34:15

Amge ag tutukku dabmeig! Ag danab ah wan ag gemu gona aoglagnu hetteb, ag aguppa daatteb amu, ag Israel, ag danab ah amu ele aib nug tituanppig! Danab ah amu ag kayak hambuppuak noolagppa dup nona binalag metteb amunu, ag danab amu ele nug tituankkulag dayeb, haen danab amu ag ahilkad kayak hambuppuak noolagppa dup nona binalag menana, ag doɗ ele main ag mattaglag, kobol amuam dahil neekkakppa gappai aɗa oiyak kobol bia daatte amu, ag amu henana, haen amuppa ag Israel, ag ag ele oh laippu qagmena, geha ag doɗ main, kayak hambuppuak mettaglag, amu ag oh teppu amu lakkulagnu appeg, ag gona, ag ele teppu amu lakkulag. ⌊Amu amuppa ag kayak hambuppuak noolagppa dup nona binalag mekkulag amunu, ag aibnab ag ele nug tituanak heppig.⌋

Jeremaia 3:1

Amu Yawe Nug atte. “Danab ah aa ewau daattep, ah nug ⌊gappai heeb,⌋ danab nug nuhig ah amu lamitteb, ah nug ukka, danab laa awa, ⌊baula gappai heeb,⌋ danab amu ele nug ah amu lamitteb, danab nug tatam ah amu awa lamittom amu, nug eɗua, ah amu baula aokku am enate? Kobol augigiak amuppa wan am Kayaknu neekkakppa dubuttid tak ele iite daama. Anam, amge ag Juda, ag kayak hambuppuak kuɗum noolagppa dup nona binalag meegeg uɗie, gemu ele hetteb. Ag ib baag ah nug danab kuɗum ele niiglagnu hette, ag amubia hetteb. Ag anam hetteb, amge da tuɗitten, ag eɗue diiadkkulnu onilagppa ettem.

Esekiel 23:3

Ah aɗit amu aa Isip wanppa aa ah makkun appa daayya, aa ib baag ah beya, kobol amu tuɗidya heeheh ukke, ah okkai meya, anamib hepiɗ. Aa heeh, danab ag ahilag kobolppa heegeg, ib baag ah daapiɗ.

Esekiel 23:8

Nug Isip appa ah makkun dayaya, nug digma ib baag ah dayaya he, danab digdig ele niippig. Haen amuppa nug Isip appa kobol amu digmeum amu, nug kobol amu ii uuom. Iitta. Nug haahaib dayom. Nug Isip appa ah makkun daya, anam heehe, danab ag ahilag kobol nug beɗuppa henana, ag nug ele niiglagnu oo hak nau doyegeg, ag amu dim lamidna, nug ele aakku niippig.

Lewitikas 17:8

Yawe Nug Moses amegppa, nug anam akkunu ana, nug ele amegppa aum. “Na inam ele appe doyeg!” awa aum. ⌊Nug anam a amu, Moses nug ag amelagppa aum.⌋ “Ɗo imuam Israel danab, wan laihnu danab, ag uɗin, ag oolagppa daatteb ele, ag oh tonadtte. Am aun laa nug manaknu ofa, o mana mettak laa ha,

Lewitikas 20:5

da geha danab amu baekkudppa ele eheɗ hadakkulnu doyeye dayen, da heppi, geha nug, amu laa oh ag Molek dim lamidna binag metteb ele, ag Israel oolagppanu geɗittak daaglag.

Lewitikas 3:17

Ag ittagte, o tiigte amu iinab lakkulagoitte. Ɗo imu buɗub buɗub doobob, ahilagnu hanhan daakkunu daatte.” Moses nug anam aum.

Jon 12:31

Gemu amu, wan imuppan danab oh dilag epeɗiak haen. Gemu haen imu amu, Kayak Nug heeb, wan imunu gumak danab nug gumak aben nuhigppa ii daama.

Jon 14:30

Wan imuppan okkai nug amu, nug uɗat nuhig hekkunu haen miag beum daatte amunu, da ag ele nai kuɗum baula ii mattimta. Nug dahilppa keeke laa hekkunu ɠagattag iitta,

1 Korint 10:20

Iitta. Amge iitta aɗi ag mana mettak ahilagppa amu ag doɗ main ouɗi nau madatteb. Ag main Kayak ii medatteb. Da ag ouɗi nau ele ouqak daaglagnu amu, da ool ii daatte.

2 Korint 4:4

Danab amu ag Jesusnu oolagppa genab ii dootteb. Aɗinu? Satan, nug wan imunu kayak hambuppuak daatte, nug ag Kristusnu dabmak pehettak aomnanu ib oo neum. Nug anam heum amunu ag Kristus, Nug genab Kayak attem daatte bianab daatte, ag nuhignu Nai Enanu amahlak, Kristus Nug binag amahlak oppiaawak ele ippunigtte amu, ag amu ii anidtteb.

Epesus 2:2

Haen amuppa ag wan imuppan kobol nau, ouɗi nau ikkilag Satan ele dim lamidppig. Gemu ele danab ag Kayak oɗe ii dim lamidtteb amu, ag Satan waappa daatteb.

Duteronomi 31:16

Yawe Nug anam doa, Nug Moses amegppa aum. “Na mauhkkutnu haen miag doum daatte. Na mauhppe amu, danab ah imu ag digmena, danab laa dilag kayak, wan ag amuppa nona daaglag ele dilag kayak amu, ag amu dilagnu dup noa binag mak kobol hekkulag. Ag geha da uuiɗna, nug tituana nai qakkak da ag ele hemut amu tippalkkulag.

Duteronomi 32:17

Ag doɗ manadna, ouɗi nau madappig; ouɗi nau amu ag kayak iitta. Ag doɗ manadna, kayak ag ii doyadppig madappig. Kayak amu ag gemuib doyadppig, anukka ag kayak amu ii doyadppig. Kayak amuam ag mamelkad aɗi ii doyadppig.

Revelesen 9:20

Danab laa oh, daup amu ag keeke nau amuppa ii aqaeg mauhppig ele amu, ag oolag ii eɗue, eppelagppa keeke laala hadappig amu ag ii uuppig. Iitta. Ag tuɗidna, kayak hambuppuak dottolkad golppa, silwappa, brasppa, menppa amu adppa ele eppelagppa hadappig amu, ag amu noolkadppa dup nona, binalkad meppig. Kayak hambuppuak dottolkad amu ag ii neegtteb, ag nai ii dootteb, amu ag ele oiglagnu elele iitta. Aria, ag ouɗi nau binalag mak kobol ahilag ele ii uuppig.