Lewitikas 1:5 - Nobonob Baibel

⁵ Nug eppeg makau gaiɗ igippa mewowa, nug appa Yawe noobppa makau baag otaɗkkuoitte. Nug amu ha maleb, Aron bekkod, ag am mana mettak danab, ag geha tiig aon, Yawe mettanna, ag mettid haknu peh lag danab ah appa qagmetteb ele, ag lag amu odppa qaɗab daatte, ag qaɗab gigin waɗele ohppa tauɗ qettaglag.

Lewitikas 1:5 Iomraidhean Croise

2 Stori 35:11

Ag daanna, Lewi buɗubppan mana mettak danab iitta ag Pasowanu sipsip nakkud baalag otaɗadna, tiilkad mana mettak danab mattaegeg, mana mettak danab ag tiig qaɗabppa tauɗegeg, Lewi buɗubppan mana mettak danab iitta, ag doɗ gaɗalkad toladppig.

Eksodas 29:11

Ag eppelag igippa meppeg, na da, Yawe, da noolppa dahil mettid haknu peh lag danab ah appa qagmetteb ele, na lag amu odppa makau amu baag otaɗppe mauhaɗ!

Eksodas 29:16

na sipsip amu baag otaɗppe mauheb, tiig amu na aon, qaɗab gigin waɗele ohppa tauɗppe ukkaɗ!

Eksodas 40:6

Amu dimppa amu, na manaknu ofa haknu qaɗab dahil mettid haknu peh lag, amuam dahil mettid haknu peh lag danab ah appa qagmetteb ele, na mettid haknu peh lag amunu od gukkuittak lag dimittim me!

Aisaia 52:15

Ag dabmak huanaknab aoglag, amubia danab ah wan atu kuɗumnu ag ottaikkulag. Anam amu king ag nuhignu oɗelag qamutna, dabmak kuɗum aoglag. Aɗinu? Keeke ag nuhignu ii dooppig amu, ag anidkkulag. Ge, laa ag nuhignu keeke laalanu a ii dooppig ele amu, ag amu doon, ag amu diignu doyak tutukku aɗaglag.” Yawe Nug anam atte.

Esekiel 36:25

Ag wan ahilagppanab daappeg, da le oppiaawak ele awen, ahilagppa tauɗppi ag oppiaawak daaglag. Da heppi, dubuttid, da noolppa daakkun elele iitta ahilagppa laa ii daama; ag baula kayak hambuppuak dottolkad noolagppa dup nona binalag ii memana.

Esekiel 43:18

Qaɗab anam daatte amu, Yawe Nug da amelppa aum. “Danab bekka, da Naɗi Yawe, da inam attem. Ag qinob qaɗab amu hena malappeg amu, mana mettak danab ag amuppa manaknu ofa hekkulagnu, ag doɗ tiig aon, qaɗabppa tauɗkkulagnu ɗo am inam.

Lewitikas 1:11

Amu nug Yawe noobppa, qaɗab heqoppa, laih yawalti uɗitteppanu, nug appa, nug doɗ baag otaɗkkuoitte. Aron bekkod, ag mana mettak danab, ag tiig aon, qaɗab gigin waɗele ohppa tauɗ qettaglagoitte.

Lewitikas 1:15

Mana mettak danab nug ai amu awa, qaɗabppa wana, baag itoɗieb mauheb, ikki pakkua, qaɗabppa meeb eokku. Nug heeb, tiig amu madmad qaɗab daugppa nekkuoitte

Lewitikas 16:15

Nug amu ha malowa, Aron nug danab ah dilagnu ib etta hipunin haknu ofa hekkunu nug meeme baag otaɗeb mauheb, tiig awa, nug Oo Gun Ele, Oo Gunnab Ele makkulaknu lamen, nug lamen amu ooppa, nug makau tiigppa heum bia anam meeme amu tiigppa hekku. Nug tiig amu Tituanak Nainu Kunup ameg, ameg amuam eheɗ haknu nob nau tiigppa iitta me elele medatte ippunadtte amu, nug ameg amu tauɗ qedakku. Nug anam hewowa amu, nug haen eblaih aɗit tiig amu aben Tituanak Nainu Kunup ameg noobppa daatte, aben amuppa tauɗ qedakku.

Lewitikas 17:11

Aɗinu? Keeke oh bau daatteb ele amu, ag tiigppa bau daatteb. Qaɗabppa amu, mana mettak danab nug heeb, ahilag eheɗ haknu nob nau tiigppa iitta meeb elele medakkunu hette amunu, da ag eheɗ haknu nob nau tiigppa iitta meeb elele medakkunu hekkulagnu tiig ag mattami.

Lewitikas 3:13

Nug awa wana, nug eppeg igippa mewowa, mettid haknu peh lag danab ah appa qagmetteb ele, nug lag amu odppa baag otaɗkkuoitte. Aron bekkod ag meeme tiig aon, qaɗab gigin waɗele ohppa tauɗ qettaglag.

Lewitikas 3:2

Laa nug mana mettak hette ele, nug eppeg doɗ amu igippa mewowa, nug mettid haknu peh lag danab ah appa qagmetteb ele, nug amu odppa baag otaɗkkuoitte. Mana mettak danab, Aron bekkod, ag doɗ tiig amu qaɗab gigin waɗele ohppa tauɗ qettaglag.

Lewitikas 3:8

Nug awa wana, nug eppeg igippa mewowa, mettid haknu peh lag danab ah appa qagmetteb ele, nug lag amu odppa baag otaɗkkuoitte. Aron bekkod ag sipsip tiig aon, qaɗab gigin waɗele ohppa tauɗ qettaglag.

Lewitikas 4:29

Nug eppeg am ib etta hipunin haknu ofa hekkunu doɗ amu igippa mewowa, amu manaknu ofa haknu abenppa, amuppa baag otaɗkkuoitte.

Lewitikas 4:33

Nug eppeg am ib etta hipunin haknu ofanu doɗ igippa mewowa, aben manaknu ofa baag otaɗttebppa ele, appa Yawe noobppa baag otaɗkkuoitte. Amuam ib etta hipunin haknu ofa aakku.

Lewitikas 4:7

Mana mettak danab nug amu hewowa, nug tiig laa qeqeɗi waɗele oh, kalu muttuɗig ena ele manaknu qaɗabppa daatteb, qaɗab amuam mettid haknu peh lag danab ah appa qagmetteb ele, lag amu ooppa, Yawe noobppa daatte amu, nug qeqeɗi amuppa mekku. Makau tiig laa oh amu, nug mettid haknu peh lag danab ah appa qagmetteb ele, lag amu odppa, manaknu ofa haknu qaɗab diigppa, appa gokkaɗkku.

Maika 6:6

Amge da Yawe noobppa ukken daakkulnu amu, da aɗi keeke awe wain medakkul? Ge, da Kayak, Nug am keeke oh ikkilag, da ukken Nug noobppa daakkulnu amu, da aɗi keeke ena awe wain, Nug noobppa gatel qaun oin, gomelen medakkul? Da Nug noobppa wakkulnu amu, da nuhig qaɗabppa manaknu ofa kuɗum manen medakkulte? Ge, da Nug noobppa wakkulnu amu, da makau gaiɗ maɗ laippu awak ele kuɗum nuhig qaɗabppa manen medakkulte?

Namba 18:17

Amge ag makau okkai ebehi ele, o iitta sipsip, o iitta meeme nalkad ⌊dawai⌋ tatamnu manan, da meɗaglagnu henana amu, ag doɗ amu tituanakppanu eɗua uhuqak hekkulagnu elele iitta. Amu oh am dahilnu tituanak daatteb. Ag doɗ amu manan, da meɗaglag. Ag mana mettak hekkulagnu amu, ag tiilkad qaɗabppa tauɗna, ittalkad manadkkulag. Mana mettak amuam aab aɗunu ofa, nuhig muttuɗignu da, Yawe, da oolppa ena doottem.

Hibru 10:11

Aria, mana mettak danab oh ag deɗ deɗppa maɗi ahilagppa hippaidtteb. Ag baubau mana mettak iɗu iɗu amuib hetteb, amge mana mettak anam am hipunin uhuqaknu elele iittanab.

Hibru 12:24

Amu ag Jesus, Nug am gamag danab, Nug nug tituana nai qakkak bau heum daatte ele amu, ag nuhigppa wappig. Kain nug Abel qe mauhom, haen amuppa Abel tiig neum, amunu nob nau mak dayom, amge Jesus ehanigkkunu he, Nug tiig neum amu, ag amuppa wappig.

1 Pita 1:2

Ag Jesus Kristus oɗe dim lamidkkulagnu, Jesus tiigppa oppiak bena daaglagnu amu, Kayak, ig Mamenig, Nug anukka ag doyattom, amu amuppa Nug, ag nuhikkud danab ah daaglagnu tituanatte, nuhig Ouɗi he, ag oppiaawak daatteb. Ag amu, Kayaknu ehanittak okkai hamu mettak, amu nuhig maɗoɗ ele ahilagppa naɗi daaglahnu ool daatte.

1 Samuel 1:25

Aa goya teya, aa makau amu baag otaɗoya, maiya, Yawe mettoya, aa nid nakok amu omalya, Eli toppa goya daaeheh,