Lewitikas 1:1 - Nobonob Baibel

¹ Yawe Nug nuhig mettid haknu peh lag danab ah appa qagmetteb ele, Nug appa dayaya ewa, Moses amegppa aum.

Lewitikas 1:1 Iomraidhean Croise

2 King 16:13

Qaɗab amuppa amu, nug manaknu ofa nuhig, amu ee aegnu ofa, am wain gokkaɗaknu ofa nuhig ele heum. Nug anam ha, nug laippu dayaknu ofa nuhig ha, nug amunu doɗ tiig awa, qaɗabppa tauɗom.

2 Stori 29:32

Danab ah ag manaknu ofa hena Yawe mettaglagnu amu, ag makau dawai 70, sipsip dawai 100, sipsip gaiɗ 200 ele diin uɗippig. Doɗ amu oh amu, ag manaknu ofa hekkulagnu akkan uɗippig.

Eksodas 19:3

Aria, Moses nug ⌊Kayak ele aa nai mattiglahnu⌋ qaukoppa ta, ⌊nug Yawe gumitta te,⌋ Yawe Nug qaukoppanu Moses onigppa ewa, nug amegppa aum. “Nai laala na Israel danab ah amelagppa appe dooglagnu am inam. Ao, na Jakop buɗub, na ag amelagppa nai appe dooglagnu am inam.

Eksodas 24:12

Amu dimppa, Yawe Nug Moses amegppa aum. “Na qaukoppa bena, da gumuiɗna uɗin daappe, da ɗo men maha aɗit laappa yaami, ɗo amuam danab ah ulum madatte amu, geha da na men maha aɗit amu medakkul,” awa aum.

Eksodas 25:22

Ag amu oh heppeg amu, aria da Tituanak Nainu Kunup kontrak inak ele, da amu ameg attan, engel okkai-kerubim aɗit gamalahppa, da appa dayeye ⌊appi⌋, i oh qagmeɗa daagnih. I geha qagmeɗa, da ɗo nai dahil oh Israel dim lamidkkulagnu, da na amenppa mehuqkkul.

Eksodas 29:42

Mana mettak amu, amuam manaknu ofa, amu buɗub buɗub doobob, ag amu hanhan maɗ ohppa anamib haknu daakku. Ag hanhan da Yawe, da noolppa, dahil mettid haknu peh lag danab ah appa qagmetteb ele, peh lag amu odppa ag anam hekkulag. Aben amuppa amu, da na ele qagmeɗa, da na ele nai mattignih amu,

Eksodas 3:4

Amu Yawe Nug Moses ad nakok amu anidkkunu gukkuitta ugekke antta, Kayak Nug baag aab ewak amu ooppanu, “Moses, Moses,” awa aum. A amu, Moses nug aum. “Da iikku daattem,” awa aum.

Eksodas 33:7

Amu Moses nug peh lag laa awa, haen tutu dayaknu aab kalak dimittim nakok piɗe bia buuttom. Nug peh lag amunu, “Yawe ele qagmaknu peh lag,” aum. Nug anam heehe, am aun laa nug Yawe keeke laanu oɗ medakkunu heum ele amu, nug peh lag amuppa gottom.

Eksodas 39:32

Mettid haknu peh lag amu, lag amunu uɗat oh anam heeg, uɗat amu aakku malom. Israel ag keeke oh Yawe Nug Moses amegppa haknunab aum, ag Nug aumbianab aakku heppig.

Eksodas 40:29

Moses nug amu ha malowa, nug manaknu ofa haknu qaɗab, mettid haknu peh lag danab ah appa qagmetteb ele, nug qaɗab amu mettid haknu peh lag amunu od oɗe guguittak meum. Amu Moses nug qaɗab aguppa mewowa, nug manaknu ofa, amu ee aegnu ofa ele mana, Yawe mettom. Yawe Nug Moses amegppa haknunab aum, nug aumbianab aakku heum.

Lewitikas 7:38

Yawe Nug Sinai qaukoppa Moses amegppa haknunab nai amu, Israel ag Sinai atu taɗakppa, ag mana mettak Yawenu aon wakkulagnu mattom.

Lewitikas 9:16

Aria, nug aakku manaknu ofanu doɗ awa, Yawe toppa ukka, amu Yawe nug anam haknu aum, ib amu dim lamitta heum.

Namba 1:1

Israel danab ah ag Isipnu ahan ukkaeg, maɗ aɗit bia uue, ag atu taɗak onig Sinai, appa daappig. Maɗ amunu kalam ebqak aɗitnu deɗ tatam amuppa, Moses nug mettid haknu peh lag danab ah appa qagmetteb ele, nug appa dayeye, Yawe Nug amegppa aum.

Namba 7:89

Anam heppig dimppa, haen Moses nug mettid haknu peh lag danab ah appa qagmetteb ele, nug peh amu ooppa, Yawe ele nai mattiglahnu nottom amu, nug Yawe baag doottom. Amu Tituanak Nainu Kunup kontrak inak ele mettid haknu peh lag ooppa aben gunnab, appa dayom. Tituanak Nainu Kunup amunu ameg amu golppa hak, amu ameg amuam eheɗ haknu nob nau tiigppa iitta me elele medatte ippunadtte. Tituanak Nainu Kunup amu ameg noob laih laih amu, engel okkai-kerubim aɗit dottolah hippaidya daattep amu, Yawe Nug aa gamalahppa daatte. Am Yawe Nug Moses amegppa nai mattiom amu, Nug baag am engel aɗit amu gamalahppanu uɗiom. Ib amuppa Yawe Nug Moses amegppa nai mattiom.

Jon 1:17

Yo, ɗo amu ig Moses nuhigppa aomut, amge ehanittak okkai hamu mettak kobol, amu doyak diig genabib ele amu, ig Jesus Kristus nuhigppa aomut.

Duteronomi 27:6

Ag men ii kuhak ele aakkuib akkan, qaɗab amu qekkulag. Ag qena malona, ag amuppa manaknu ofa manadna, Yawe, ahilag Kayak, ag Nug mettaglag.