Josua 9:24 - Nobonob Baibel

²⁴ Josua nug anam a amu, Gibeon ag nob mena appig. “Ig, nahipad maɗi nid maɗi ah ele amu, ig anam hemutnu diig am, Yawe, ahilag Kayak, Nug nuhig maɗi nid Moses amegppa, nug wan imu oh ag matteb, wan imuppan danab ah ele oh heeb, padal mekkulagnu haknunab nai aum amu, ig amu doomut amunu, ig anam hemut. Ig bau dayak ihinignu dabmeta, ag baɗadta, ig anam hemut.

Josua 9:24 Iomraidhean Croise

Matyu 10:28

Laa ag beɗulag aakkuib qekkulagnu elele, ag dottolag qekkulagnu elele iitta amu, ag amu dilag aib baɗappig. Iitta. Laa nug beɗulag, dottolag ele oh heeb, padal mak abenppa padal mekkulahnu elele amu, ag nuhignu baɗeg!

Job 2:4

Yawe Nug anam a amu, Satan nug nob ma aum. “Na Job ehanitte, nug nahipnu ena dootte. Danab nug ii mauhmanu, nug bau daakkunu nug nuhig en oh laa metteb ehanidkkunu medakku. Nug amu bau daakkunu ii uuma.

Josua 9:9

Josua nug anam a, ag nai nob mena appig. “Ig, ig ahilkad maɗi nid amu, ig Yawe, ahilag Kayak, ig Nug onig okkainu doomut amunu, ig wan umanabnu uɗimut. Ig Yawe, ahilag Kayak, nuhig hak ɠagattag, Isip appa heum amu doomut amunu, ig uɗimut.

Josua 2:11

Haen ig ag king aɗit, ahilti danab ah ele dilagppa heppig doomut amu, ag Israel, ahilagnu amu, ig baɗak okkai doota, ooppa ɠagattag doyak ihinig iitta meum. Aɗinu? Yawe, ahilag Kayak, Nug hab aabppa Kayak daatte, ippa wanppa ele Kayak daatte.

Josua 6:21

Ag aab okkai aon, ag qep elabppa heeg, aabppan danab ah, keeke oh ele am Yawenuib nuhig pelemppa daappig. Ag danab o ah, bau o kaino oh, makau, sipsip, donki, keeke oh ele anam heppig.

Josua 10:2

Anam amu, aria Adoni Sedek nug, amu nuhikkud danab ah ele ag Gibeon danab ag Israel ele maɗoɗ daan, ag ehanadkkulagnu ele nug tituanna nai qagappig doona, ag huananab baɗappig. Ag baɗappig diig amu, Gibeon am aab okkainab; am aab laala king ele, am aab amubia. Laa amu, Gibeon am Ai eɗittak; am ele amu, Gibeon danab oh ag am daup danab ɠagattagnab.