Josua 9:2 - Nobonob Baibel

² King amu ag keeke beumnu doon, ag ahan, ag ahilkad ban daup aɗaeg ooho, ag Josua, Israel ele ban hekkulagnu dabmeppig.

Josua 9:2 Iomraidhean Croise

Prowerb 11:21

Imuam na genabnab genab dookkutnu elele, Kayak Nug nau hak danab bu madakku; amge aun aɗi ag genab tutukku hak danab daan oitteb, ag am bu ii mattama.

Aisaia 54:15

Amu Yawe Nug atte. “Laa ag ahan, ag Israel ele ban hekkulagnu uɗiglag dayeb amu, ag dahil nai dim lamidna ii hemana. Iitta. Ag akka amu dabmena hekkulag, amu laa ag anam hekkulag dayeb amu, ag Israel, ag eɗadppeg, kekeɗ amu ag ag waalagppa daaglag.

Aisaia 8:12

“Haen danab ah imu ag, ‘Danab ah laa umu ag eheɗ hekkulagnu nai qagappig,’ aon atteb amu, na paha aib nai amunu genab doome. Amu haen danab ah ag nai amunu baɗan oitteb amu, na amunu aib baɗan oime. Ao, na amunu baɗak okkai aib aome!” awa aum.

Josua 10:5

Nug nai anam me ukke, Amo dilag king tanig ele amu, amuam aab Jerusalem, Hebron, Jarmut, Lakis amu Eklon ele, ahilkad king, ag nai amunu oolag laippu mena, ag laippu daaglagnu qagmena, ag oh aɗa mak gona, Gibeon ele ban hekkulagnu dabmeppig. Anam amu, amu dilag king ag heeg, ban daup ahilkad oh ag aben ban hekkulag ele, ag amuppa teeg, ag Gibeon ele ban heppig.

Josua 11:1

Haen Hasor dilag king, Jabin, nug kobol beum amu doya, nug oo qeqaɗak nai laa me, king imu dilagppa ukkom; Madon dilag king Jobab, Simron dilag king, amu Aksap dilag king ele.

Josua 11:5

King amu oh ag ban daup ahilkad aɗaeg o, ag Israel ele ban hekkulagnu hena, ag gona, haen tutu dayaknu aab Merom le ihippa, appa kalappig.

Josua 24:11

Da anam hei, ag Jodan le mataɗna, Jeriko waeg, Jeriko danab ahaeg, ag ele ban heppig. Danab ameg kuɗum laala ele, ag ele ban heppig. Danab amu ag am, Amo danab, Peres danab, Kanan danab, Hit danab, Girgas danab, Hiwi danab, amu Jebus danab ele. Amge da hei, laa amu ag eɗadkkulagnu elele iitta daaeg, da ag eppelagppa maadmi.

Revelesen 16:14

Ouɗi nau amu ag epponak keeke danab haknu elele iitta hetteb. Ag wanppan wan oh dilag king, ag Kayak Nukka Ɠagattag Oh Ele nuhig deɗ naɗippa, amuam deɗ Nug eheɗ hak danab oh epeɗiadkku amu, ag Nug ele ban hekkulagnu qagmattaglagnu gotteb.