Josua 9:1 - Nobonob Baibel

¹ Aria, Jodan lenu qaban uɗitteppanu king oh ag aɗi keeke beumnu dooppig. King amu ag am Hit, Amo, Kanan, Peres, Hiwi, amu Jebus ele dilag king. King amu ag wan laih qauko qauko ele, amu qauko nakok qauko okkai diigppa daatteb, amuam laih qaban nedeppan wan laih, amu laih Mediterenia yu ihi ukka, Lebanon batakppa, ag appa daappig.

Josua 9:1 Iomraidhean Croise

2 Samuel 24:7

Ag Saidon tewon, eɗun uɗinna, aab Tair aɗ ɠagattagnab eleppa nena, aab oh Hiwi danab daappig, Kanan danab daappigppa ele ebaqappig. Ag amu hewona, ag nena uɗinna, Berseba batak ag ebqak uɗat amu malappig. Berseba am Juda wannu tom yau uɗitteppanu, appa ana daatte.

Eksodas 23:23

Aɗinu? Amu engel dahil nug geha ag noolagppa anuqa ugakka, ag omalatteb gona, ag Amo, Hit, Peres, Kanan, Hiwi, amu Jebus aɗi dilag wanppa teppeg, da geha heppi, danab amu ag oh iitta mekkulag.

Eksodas 23:31

Am da ahilag wan tom amu oppatppi, tom amu laa am yu oɗe onig Akaba, appanu digma ukka, yu naɗi Mediterenia appa batak daakku. Tom laa am le naɗi Yupretis laih yawalti uɗitteppanu, appa digma ukka, atu taɗakppa laih yau uɗitteppanu, appa batak daakku. Amu danab appa daatteb amu, da geha ɠagattag ag ag eɗadkkulagnu madakkul amunu, haen ag wan amu ooppa nona, ag danab amu lamadppeg gokkulag.

Eksodas 3:17

Da kobol nau ag ahilagppa hetteb amu, da amu anidttem amunu, da imu genab hekkulnu nai ain qagattem. Da geha ag Israel, da ag Isip eppelagppanu diiatten, da ag omaladppi, ag gona, Kanan wan aon, ag appa daaglag. Gemu amu danab laala, ag am Kanan, Hit, Amo, Peres, Hiwi, amu Jebus danab ele amu, ag wan amuppa daatteb. Wan amuam enanag, wan ittag ele, amuppa ee meu huana otte,” ’ ” awa aum.

Eksodas 34:11

⌊Nug tituana nai qakkak amuppa amu, da anam hekkul. Ag Israel amu, ag⌋ haknunab nai oh da gemu ag madakkulnu hettem amu, ag dimib lamitteg! Ag dim lamidppeg, da heppi, ag Israel ag Amo danab, Kanan danab, Hit danab, Peres danab, Hiwi danab, amu Jebus danab ele lamadkkulag.

Namba 13:29

Amu Amalek danab ag wan amuppa, wan laih onig Negeb, ag appa daatteb. Hit danab, Jebus danab, amu Amo danab, ag am wan laih qauko qauko eleppa, appa daatteb. Kanan danab, ag amu yu guguittak, amu Jodan le naɗi daugppa daatteb,” aon appig.

Namba 34:6

Aam nodeppanu tom amu Mediterenia yu ihi daakku.

Duteronomi 1:7

Ag ahan, haen tutu dayaknu aab kalak uun gokkulagnu haen doum. Ag ahan, Amo dilag wan qauko qauko ele, amu atu laala, atu amu guguittak daattebppa ele gona, ⌊appan danab ah lamatteg⌋! Amuam laa ag atu onig Araba daatteb, amu laa ag qaukoppa daatteb, amu laa ag qauko qaban uɗitteppanu daatteb, qauko amu diigppa qauko nakok daatteb, laa ag amuppa daatteb, laa ag Negeb daatteb, laa ag uɗem okkai yu guguittakppa, appa daatteb. Ag Kanan danab dilag wan amu oh, Lebanon wan ele, ag appanu ukka ukka, Yupretis leppa batak ukkeg!

Duteronomi 3:25

Na oot meɗan heppe, da Jodan mataɗe, laih wain, wan enanag appa daatte, da amu anidkkulnu oɗ medattem. Da wan enanag amu, am qauko qauko ele, aria, Lebanon wan ele anidlom,” awe ami.

Duteronomi 4:49

Ag danab ag Jodan leppanu kaɗag uɗitteppanu, atu Araba, amu oh amuppa daatte, ag danab amuppanu, ag ag eɗadna, aben amu aoeg ukke, yau uɗitteppanu ukka, Mauhak Le gottuppa noum. Qauko Pisga am wan amunu kaɗag uɗitteppanu tom aakku.

Duteronomi 7:1

Haen Yawe, ahilag Kayak, Nug ag wan nona aon daaglagnu daatte, Nug amuppa omalatta noa, Nug geha heeb, ag Israel, ag wanppan wan laalanu danab ah appa daatteb ele, ag ag lamadkkulag. Danab amu ag am; Hit danab, Girgas danab, Amo danab, Kanan danab, Peres danab, Hiwi danab, Jebus danab ele. Danab ameg eblaih aɗit ele amu, ag am danab ɠagattag ele, ag eɗattak daatteb.

Josua 1:15

ag wan ahilag, wan amuam Jodan lenu qaban uɗitteppanu daatte, Yawe, ahilag Kayak, Nug ag madatte ele amu, ag wan amu ahilag daakkunu aon malan, aguppa ena daappeg, ag eɗun uɗin, wan imuppa, wan imuam Jodan lenu kaɗag uɗitteppanu daatte, Yawenu maɗi nid Moses nug ag wan imu mattom amu, ag eɗun uɗin, wan imuppa daaglagnu elele daaglag,” awa aum.

Josua 1:4

Ahilag wan am yau uɗitteppanu atu taɗak heqoppa, appanu digma ukka ukka, yawalti uɗitteppanu Lebanon wanppa batakku. Laih laa am, aam bedeppan le naɗi onig Yupretis appanu digma, ukka ukka, Hit danab daattebppa, amu oh ukka ele, aam nodeppa appa Mediterenia yuppa batakku. Wan amu oh am ag Israel danab, ahilag daakku.

Josua 10:23

Nug anam a, ag king tanig ele amu wan oɗeppanu diippig. King amu ag, Jerusalemnu, Hebronnu, Jarmutnu, Lakisnu, amu Eklonnu king ele.

Josua 11:17

Israel wan tom gemu am Helak qauko, Seir guguittak, appanu ukka Balgat waum. Amuam qauko Hermon guguittak. Balgat am Lebanonnu atu oolnu noakppa daatte. Josua nug wan amuppanu king oh eɗatta, aɗalatta aqom.

Josua 13:5

Wan, Kanan danab eppelagppa daatte maha laa amu, amuam wan laa Gebal danab, ag aguppa daatteb. Amu maha laa amu Lebanon wan ooppa, laih kaɗag uɗitteppanu, atu amu oh. Wan amuam Balgat, appa digma ukka, Lebo Hamat batak waum daatte. Balgat am qauko Hermon guguittak, yau uɗitteppanu daatte.

Josua 15:12

Judanu tom laih qaban uɗitteppanu am Mediterenia yu ihi aiɗak ukkom. Wan tom amuam Israel dilag huu okkai Juda baekkudppa dilag dayom.

Josua 22:4

Amu Yawe, ahilag Kayak, Nug he, gemu Israel dilag huu okkai laa imu oh ag kekeɗ dilag ii baɗan, ag maɗoɗ, enaib daatteb. Nug ahilagnu aɗi hekkunu nai qakka aum amu he, ag ahilag wan aon daatteb amunu, ag ahilag wan, wan amuam Jodannu le kaɗag uɗitteppanu daatte amu, ag ahan, ahilag wan amuppa gona daaglag. Yawenu maɗi nid Moses, nug ag wan amu mattom.

Josua 22:7

Amu Moses nug matu Basan wan, wan amuam laih Jodannu kaɗag uɗitteppanu daatte amu, nug wan amu Israel dilag huu okkai Manase mahaib ag mattom. Amu Josua nug Israel dilag huu okkai Manase mahaib laa, am wan laa laih Jodannu qaban uɗitteppanu, ag lailkad oolagppa ag mattom. Aria gemu amu, Josua nug Ruben, Gad, amu Israel dilag huu okkai Manase mahaib ele, nug danab amu oh maatteb gokkulagnu heum amunu, ag anam gokkulagnu daaegeg, nug ag itattowa,

Josua 23:4

Antteg! Kanan wan imuppa amu, danab ig ii eɗadmut daatteb, amu laa ig eɗadmut ele amu, da danab amu oh dilag wan da otien, ag Israel, ag ahilkad huu okkai anen anen dilagnu, ag aulag daakkunu ag mattami. Wan amuam Jodan lenu qaban uɗitteppanu ukka Mediterenia yuppa noak, wan amu oh amu, da ag mattami.

Josua 24:11

Da anam hei, ag Jodan le mataɗna, Jeriko waeg, Jeriko danab ahaeg, ag ele ban heppig. Danab ameg kuɗum laala ele, ag ele ban heppig. Danab amu ag am, Amo danab, Peres danab, Kanan danab, Hit danab, Girgas danab, Hiwi danab, amu Jebus danab ele. Amge da hei, laa amu ag eɗadkkulagnu elele iitta daaeg, da ag eppelagppa maadmi.

Josua 3:10

Kanan danab, Hit danab, Hiwi danab, Peres danab, Girgas danab, Amo danab, Jebus danab ele ag wan Jodan le imu heqo laihppa daatteb. Ag amuppa daan, wan amu gumatteb, amge Kayak bau daatte, Nug ag Israel oolagppa daatte, Nug heeb, ag Israel, ag danab amu lamadkkulag. Nug ag amu miagib ippuanatteb anidkkulagnu amu,

Josua 3:17

Israel danab ah ag le letan, laih wan qaɗaiettakppa ukkaegeg, mana mettak danab ag Yawenu Tituanak Nainu Kunup kontrak inak ele, ag kunup amu maoppig amu, ag Jodan le dayomppa gamagppa wan qaɗaiettakppa hippaidna daaegeg, danab ah oh mataɗna, laih wappig.

Josua 5:1

Amo dilag king oh ag Jodan lenu qaban uɗitteppanu daappig, amu Kanan danab ah dilag king Mediterenia yu daugppanu ele, haen ag Yawe Nug he, Jodan le qaɗaiette, Israel danab ah ag mataɗeg dooppig amu, ag baɗak okkai doon, ag Israel danab ele ban hekkulagnu oo ɠagattag qak ii dooppig.

Josua 6:27

Amunu Yawe Nug Josua ele dayeye, Josua nug danab onig, binag okkai ele, doyak amu Kanan wan ohppa ukkom.

Josua 9:7

Ag anam aeg amu, Israel ag nai nob mena, Hiwi danab amelagppa appig. “Ag am miag ippanu iitta amu, ig attem heta doognig? Ag am miag ippanu anam doyadkkunig dayeb amu, ig ag ele nug tituanak ii hemata,” aon appig.