Josua 8:4 - Nobonob Baibel

⁴ Ag gokkulagnu daaegeg, nug ag inam hekkulagnunab ag amelagppa aum. “Doyeg! Ag gona, ban hekkulagnu amu, aab okkai dimugppa aab okkainu uma iitta, appa ag lokkumna bappaidna daappeg, haen beeb ahan, ban heig!

Josua 8:4 Iomraidhean Croise

2 King 7:12

Ag aeg, king nug tuqan amuppaib nai amu awa, nug aha, nuhikkud ban daup ikki amelagppa inam aum. “Aram dilag dabmak amu da doottem; ig eenu tutu metta, enug daattem amu, ag amu dootteb. Amunu ag haen tutu dayaknu aab kalak amu uun gona, ahilag aab dimittim aben laappa lokkumppig daatteb. Ag anam daappeg, ig aab uut dimittim gopput, ag uɗin, ig aɗaegna, ihinig aab okkai imu geha ag aoglag. Ag diig amunu anam hetteb.” King nug ag amelagppa anam aum.

2 Stori 13:13

Abaiya nug anam awa eum, amge Jeroboam nug matu he, nuhig daup laa ag Juda daappigppa taliliadna wana, ag Juda dimulagppa ban hekkulagnu lokkumna uɗiegeg, Jeroboam nuhig daup laa ag Juda noolagppa daappig.

Eklisiastis 7:19

Danab laippu nug doyak dabmak ena ele daatte dayeb amu, nuhig ɠagattag am aab okkainu gumak danab eblaih laih ele dilag ɠagattag eɗidtte.

Eklisiastis 9:16

Anam amunu, da ami. “Doyak dabmak ena ele am ɠagattag eɗidtte.” Amge danab laa oh ag daɗek danab nug doyak dabmak ena ele, ag haen elab iitta doyak dabmak ena nuhignu ena iinab doon, nuhig nai ele dab-ii-metteb.

Aposel 23:21

Amge ag hambubutteb amunu, na ahilag nai amu aib dim lamidme. Aɗinu? Ag Juda danab 40 eɗittak amu ag Pol qeppeg mauhkkunu inam nai ɠagattag qettan appig. ‘Ig ee le ele paha ii lamata. Iitta. Ig hamu daapput ukkeb, ig Pol qepput mauheb dimppa ig eɗut ee lakkunig.’ Ag anam appig. Ag anam hekkulagnu mattin bappaidppig amu geha iikku ag na ahilag nai amu doon, aɗi appe dooglagnu ameg mak daatteb,” awa aum.

Josua 8:16

Ag anam hena ukkaegeg, Ai dilag king nug he, Ai danab oh ahan, Josua, nuhikkud daup ele lamadna goppig. Josua, nuhikkud daup ele ag anam heeg, Ai danab ag oh aab okkai uuppig.

Josua 8:3

Yawe anam aum amunu, Josua nug Israel ban daup ele ag gona, Ai ele ban hekkulagnu bappaidppig. Amu haknu amu, Josua nug nuhikkud ban danab oolagppanu ban danab nakok kuɗum, ag ban danab ɠagattagnab amu, nug ag otiatta, tuqanppa maatte goppig.

Ikki Danab 20:29

Yawe anam aum amunu, Israel dilag ban danab laala ag ban haknu lokkuma dayak aben Gibea talilidna aon daappig.

Ikki Danab 20:33

Anam amu, Israel ban danab ag oolna gona, Baltamar appa wana amu, ag eɗun ban hekkulagnu bappaidppig. Ag anam heeg, Israel dilag ban danab laa ag Gibeanu qaban uɗitteppanu, appa aben aon, lokkumna daappigppanu ahan uɗippig.

Ikki Danab 20:36

Aakku Benyamin danab ag dooppig; Israel ag ag eɗadppig. Amge amu ii nak haenppa Israel ban danab ag Israel daup lokkuma dayak abenppanu ahan, Gibea aab aoglagnu oolagppa genab dooppig amunu, Benyamin ban danab ag Israel lamattegeg, ag oolna goppig.

Ikki Danab 9:25

Sekem danab ah ag meitta dayak aben Abimeleknu qauko nakok ikkilkadppa heppig. Ag amu hena daaegeg, ag danab ah ag ib amuppa goppig ele, ag ahilag keeke yab aɗualadppig, amge laa nug Abimelek amegppa amunu aum.

Ikki Danab 9:32

Ag anam aakku hettebde amunu, na nahip daup ele ag tuqanppaib uɗin, aab dimittim, dad okkaippa lokkumna aben aon dayeg!

1 Samuel 15:2

Yawe Nukka Ɠagattag Oh Ele, Nug inam atte. ‘Israel danab ah, ag Isip uun uɗiglagnu uɗiegeg, Amalek danab ag eheɗ hadappig amunu, da Amalek heppignu bu madakkul.

1 Samuel 15:5

Ag appa qagmeeg, Saul ag ele oh ahan, Amalek dilag aab okkaippa gona, aab amu guguittak amu, Saul he, nuhikkud danab laa ag appa le ippu qaɗaiettomppa lokkumna daappig.