Josua 8:2 - Nobonob Baibel

² Geha ag Jeriko, nuhig king ele heeg nauhom bia, ag Ai heppeg nauhkku. Amge gemu, haen imuppa amu, ag danab dilagppan doɗ keeke, ag aoglag amu, ag amu oh ag ahilagnu aɗaglag. Amu ag ban hekkulagnu, ag aab okkai dimugppa lokkumna daappeg, haen beeb ag ahan, ban hekkulag,” awa aum.

Josua 8:2 Iomraidhean Croise

2 Stori 13:13

Abaiya nug anam awa eum, amge Jeroboam nug matu he, nuhig daup laa ag Juda daappigppa taliliadna wana, ag Juda dimulagppa ban hekkulagnu lokkumna uɗiegeg, Jeroboam nuhig daup laa ag Juda noolagppa daappig.

2 Stori 20:22

Danab amu ag digmena ahi ettanna, ag Yawe ele binag meegeg, Yawe Nug he, daup laa ag banelag Juda wanppa uɗippig, ag am Amon danab, Moap danab, Edom danab ele amu, ag oolagppa ban ahe, ag akka akka nug qenana mauhadppig.

Sam 39:6

Danab ah ig am danab ah ittotolag bia daattem. Itotolag amu aɗitai laa ii hette. Ig paha paha keeke kuɗum hettem, amge amu oh am meu iitta. Ig en huana awota, ig mauhttem. Ig mauhota, ig en bakkalen qagmettem amu, ig aun men doɗo amu gumakku ii doottem.

Prowerb 13:22

Danab ena, nuhig aug amu, nug mauhakppa ukkeb, aug amu paha ii iitta mema. Dayeb ukkeb, alakkud aoglag; amge hipunin danab aulag ag qagmetteb ele, genab tutukku hak danab ag aoglag.

Prowerb 28:20

Danab laa nug oo metta ii uuak kobol haahaib daatte, nug itittak ena kuɗum aokku; amge laa ag enulag okkai ele daaglagnu hik aqe oitteb, ag am bu aoglag.

Jeremaia 17:11

Danab laa nug laa dilagppa kobol eheɗ ha, en okkai aotte, nug am ai patris ai laanu oppa tona makkultte, nug amubia daatte. Nug enub ele haen elab ii daama. Iitta. Ai laan oppa patris makkulom ele, ai amu ag paha patris uuna, hagagaɗna gokkulag, amubia enub amu iitta mekku amunu, danab nug en kobol amuppa awom ele, laa ag nuhignu nug am danab Kayak dab-ii-maama ii dim lamidtte ele dooglag.” Yawe Nug anam awa atte.

Jeremaia 51:12

Ag Babilon aqaglagnu pilak humeig! Meitta dayak danab laa otiatteg! Aɗi uɗitte anttak danab ag abenlagppa matteg! Lokkuma dayaya, aha ban haknu dabmak babaitteg! Aɗinu? Yawe Nug Babilon dilagnu aɗi hekkunu dabmeum am, Nug hekku. Ao, Nug Babilon danab ah dilagnu aɗi bekkunu ɗo nai mattiom amu, Nug heeb bekku.

Duteronomi 2:35

Ig doɗ oh ihinignu aot, keeke laala aab eɗadmut eleppan ele akkamut.

Duteronomi 20:14

Amge ag ah, nid naunau, doɗ, amu keeke laala ele amu, ag amu ahilagnu aɗualadkkulag. Yawe, ahilag Kayak, Nug kekeɗ dilag keeke ag eppelagppa meum ele amu, ag amu aɗan, uɗatab mettaglagnu elele.

Duteronomi 3:2

Ag ban hekkulagnu uɗieg amu, Yawe Nug da amelppa aum. “Genabnab da ag ehanadppi, ag danab amu eɗadkkulag amunu, ag aib ahilagnu baɗappig. Geha da ag ehanadppi, ag nuhig ban daup oh eɗadppeg, da geha ahilag wan ag madakkul. Ag Amo dilag king Sihon, Hesbon dayaya gumak heum ele, ag nuhigppa heppig bia hetteg!” awa aum.

Josua 10:1

Adoni Sedek nug Jerusalemnu king dayom. Nug Josua aab okkai Jeriko eɗitte doya, Josua nug he, Jeriko am Yawenuib nuhig pelemppa daye ele doyom. Amu nug Josua, Jeriko dilag king, nug aɗi kobol nuhigppa heum, nug amu ele doyom. Laa amu, nug Josua, Ai eɗitta he, Ainu oh am Yawenuib nuhig pelemppa dayom, nug amu ele doyom. Nug Josua, Ai dilag kingnu aɗi kobol heum amu, nug amu doyom. Josua nug aab okkai Jerikonu heum, amu nug kingnu heum, amubia Ai, amu ahilag king ele, ahilagppa heum. Am Gibeon danab ag Israel ele maɗoɗppa daaglagnu nug tituanna, nai qakkan, ag gemu Israel dilag ehanittak daatteb, amu ele Adoni Sedek nug doyom.

Josua 10:28

Haen amuppaib, Josua nug aab Makeda eɗittom. Nug qep elabppa aab amunu danab ah, ahilag king ele aqom. Nug he, aab amunu danab ah ohnab ag Yawenuib nuhig pelemppa daappig; laippu laa iinab tippalom. Nug Jerikonu kingppa heum bianab, Makeda dilag kingppa heum.

Josua 11:14

Ag anam hena, Israel ag keeke ena ena, am makau keeke, banppa agappig ele amu, ag amu oh diippig. Keeke amu oh am aakku ahilagnab dayom, amge ag danab ah amu oh qep elabppa aqaeg mauhadppig. Ag laippu laa iinab uuitteg dayom.

Josua 6:21

Ag aab okkai aon, ag qep elabppa heeg, aabppan danab ah, keeke oh ele am Yawenuib nuhig pelemppa daappig. Ag danab o ah, bau o kaino oh, makau, sipsip, donki, keeke oh ele anam heppig.

Josua 8:12

Matu tuqanppa amu, Josua nug daup 5,000 ag gona, Betel, Ai ele gamalahppa, aab okkai Ainu laih qaban uɗitteppanu appa lokkumna daappeg, haen beeb ban hekkulagnu maatte goppig.

Josua 8:14

Aria, haen Ai dilag king nug aben oolnu noakppa appa Israel anatte amu, nug, nuhikkud ban danab ele ag buttuanab ahan gona, danab nug neekkeb ukkeb, atu onig Araba anidkkunu eleleppa, appa Israel ele ban hekkulagnu goppig. Nug anam heum, amge nug danab ag ban hekkulagnu aab okkai dimugppa, lokkumppig ele, ag haen beeb ban hekkulagnu daappig amu, nug ii doyom.

Josua 8:19

Haen Josua nug amu he amu, danab ag lokkumna daappeg, haen beeb ahan, ban hekkulagnu daappig ele, ag bittalna wana, aab okkai ooppa goppig. Ag pahanab aab okkai aona, amoteg ewom.

Josua 8:24

Israel danab ag aab dimittim danab Ainu oh, laa ag dad okkaippa daappig, laa ag lamatteg, atu taɗakppa oolna goppig ele amu, Israel ag danab amu ohnab aqan malona, ag eɗun nona, aab ooppa daappig oh aqappig.

Josua 8:3

Yawe anam aum amunu, Josua nug Israel ban daup ele ag gona, Ai ele ban hekkulagnu bappaidppig. Amu haknu amu, Josua nug nuhikkud ban danab oolagppanu ban danab nakok kuɗum, ag ban danab ɠagattagnab amu, nug ag otiatta, tuqanppa maatte goppig.

Josua 8:7

Ai ag anam heppeg, ig Israel laa ig ele anam hepput amu, ag lokkumna daaglag ele, ag amu anidna, ag ahilag haen aakku beum doon, ag ahan, ban hena, aab okkai amu eɗidna aoglag. Yawe, ahilag Kayak, Nug ag madakku.

Josua 8:8

Haen ag aab okkai eɗidna aona amu, ag Yawe Nug haknunab aum bia, ag aab okkai amu amotppeg ewaɗ! Da ag aɗi aɗi hekkulagnunab aakku ami; ag anam heig!” awa aum.

Josua 8:9

Josua nug ag anam hekkulagnu aum amunu, ag tuqan amuppa ahan gona, ban hekkulagnu aab dimugppa lokkumna Betel, amu Ai ele gamalahppa daappig. Ag Ainu laih qaban uɗitteppanu, ag appa daappig. Amge tuqan amu, Josua nug am haen tutu dayaknu aab kalakppa, daup danab laa ele daappig.

Josua 9:3

Amge haen Gibeon danab ah ag Josua nug Jeriko, Ai ele dilahppa aɗi heum, ag amu doona,