Josua 7:1 - Nobonob Baibel

¹ Amge Israel ag keeke Yawenuib nuhig pelemppa daappig, ag keeke amunu Kayak ippunattomnu oo metta ii uuak kobol ii dim lamitteg, laa nug keeke amunu laala awom. Danab onig Aakan nug keeke amu laa yab awom amunu, Kayak nug Israel dilagnu oo huana nauhom. Aakan nug Karmi bekka. Karmi nug Simri bekka. Simri nug Sera bekka. Aakan nug Israel dilag huu okkai Juda, amuppanu.

Josua 7:1 Iomraidhean Croise

Genesis 34:27

Appinlah aoya ukkaeheh, Jakop bekkod laa ag uɗin, danab mauhppig ele amu, ag ahilag keeke oh diin goppig. Ag sipsip, makau, donki, ag waalkad, amu nid naunau ele, ag enulag oh, laulagppanu amu omelagppanu ele, ag amu oh diin goppig. Aɗinu? Sekem nug ag appinalagppa eheɗ heum.

2 Samuel 24:1

Yawe Nug Israel dilagnu baula oo nauhak huanak doya he, ⌊Satan nug⌋ Dawit Israel uug madakkunu, Dawit amegppa aum. “Na ahan, Israel danab ah, Juda danab ah ele ebaqe!” awa aum.

2 King 5:24

Ag gona, laugppa tena, Gehasi nug keeke amu oh maɗi nid aɗit eppelahppanu awa, lag ooppa mawa ukka mewowa, nug he, maɗi nid aɗit aa eɗuya Naman gumidya gopiɗ.

1 Stori 21:7

Amu Dawit nug Joap Israel danab ebaqakkununab aum amu, Joap nug amunu ena iinab doye, Dawitnu haknunab nai amuam Kayaknu neekkakppa ele eheɗ dayom amunu, Nug Israel danab ah bu mattom.

2 Stori 24:18

Ag anam aeg, Joas nug ahilag nai dim lamittom amunu, Juda danab ah ag ahan, ag Yawe, ag mamelkad aɗi dilag Kayak, ag Nug laugppa gona, Nug noobppa dup nona binag mekkulagnu uunna, ag kayak hambuppuak Aserah dabmekkulagnu biidod, kayak hambuppuak laala dottolkad ele noolagppa dup nona, ag binalag meppig. Juda danab ah, laa Jerusalemnu, laa Juda wanppa laih laihnu amu, ag amu heppig amunu, ag beɗulagppa aab ele daaeg, Kayak Nug danab ah amu dilagnu oppoɗi beum.

Esra 9:6

da unuqitten ami. “O Kayak dahil, da uɗa nak nau doottem. Da uɗa nak nau guittak ele doottem waappa dayeye, da amel hume, na neekkidkkulnu elele ii doottem. Aɗinu? Ig hipunin okkainab hemut, ikkinig eɗitta tak. Ao, ig beɗunigppa aab okkainab daatte, ⌊aab ewawa⌋ habppa tette, ⌊amubia⌋.

Job 35:8

Na nau hettem dayeb amu, na danab, na bia, na amu dilagppa hettem. Ge, na genab tutukku hak kobol hettem dayeb amu, na danab laa, nug ah ooppan laa aakku, na nuhigppa hettem.

Eklisiastis 9:18

Doyak dabmak ena ele am ban haknu keeke digdig eɗidtte; amge hipunin danab laippu nug he, ena hak kuɗum nauhtte.

Daniel 9:7

O Naɗi, keeke oh na hettem am genab tutukkuib, amge ig Juda danab ah, ig Jerusalem danab ah, ig Israel danab ah oh amu, ig eheɗ hemut amunu, gemu ig uɗa nak naunab doottem. Ig na ippunigmenu oo metta ii uuak kobol ii dim lamidmut amunu, na he, ig wan atu piɗe piɗe matatuta gota daattem. Ig laa ig miag daattem, ig laa ig umanab daattem, amge ig oh am uɗa nak nau doottem.

Lewitikas 10:6

Aakku Moses nug Aron, amu nug bekoɗ aɗit, Eleasar, Itamar ele amelagppa aum. “Ag mauhmananu, Yawe Nug Israel dilag tamaniak danab ah oh dilagnu oo nauhmanu, ag aib heppeg, ikkilag uɗug mauhnoak dayom, o iitta aib lamen ahilkad pattiɗadppig. Israel laala, amu na laipad ele ag amu, ag Nadap, Abihu ele dilah, Yawe Nug aab aɗuppa he nauhpiɗ ele, ag ahilahnu mahiglagnu nai iitta.

Jona 1:7

Ag anam heeg ukke, uub gumak danab ag akka akka appig. “Doppeg, ig ihinig kobolppa om yaata, aun nug aɗi eheɗ heum amunu ig mauhkkunignu hettem amu, ig anidtu,” aon appig. Aakku ag om yaan gona, Jona he, yu eheɗ ahom anidppig.

Josua 22:16

“Yawenu danab ah oh, ag ag Ruben, Gad, am Manase mahaib danab ah dilagnu, ag heppignu diig dooglagnu oolag daatte. Ag aɗi diignu ag Israel dilag Kayak ippunattomnu oo metta ii uuak kobol ii dim lamidna, Nug oɗe tappaeg neum? Ag attem hena, Yawe dimettan, nuhig nai tappaeg ne, qaɗab laa, Nug ii aum bia heppig?

Josua 22:18

Anam aakku, amu gemu ag baula eɗun, Yawe dim lamidmananu hetteb. Ag gemu Yawenu nai tabappeg nekku dayeb amu, geha butti amu, Nug ig Israel, Nug ihinig ohnu oo nauhkku.

Josua 22:20

Am haen Sera bekka Aakan, nug keeke Yawenuib nuhig pelemppa dayom amu, nug amunu Yawe ippunittomnu oo metta ii uuak kobol ii dim lamitte, Yawe Nug Israel danab ah ig oh bu iite mekkom? Nug nukka aakkuib hipunin amunu ii mauhom,” aon appig.