Josua 6:4 - Nobonob Baibel

⁴ Na heppe, mana mettak danab eblaih aɗit ele ag anen anen ag trampet sipsip qeqeɗippa hak mawadna, Tituanak Nainu Kunup noobppa daana, anuqna gokkulag. Aria, deɗ eblaih aɗit amuppa amu, mana mettak danab ag ahilkad trampet amu aɗan iwaladppeppeg, ag, amu ag laa oh ele, ag aab okkai amu laippu tappa ukkak hena talilidppeg, haen eblaih aɗit ele batakku.

Josua 6:4 Iomraidhean Croise

Genesis 2:3

Nug anam ha amu, deɗ amu Kayak Nug tituana, ititta, nuhig tituanak daakkunu meum. Aɗinu? Nug uɗat oh he ukke, malak dayeye, Nug hik awom.

1 King 18:43

Nug anam ha, nug nuhig maɗi nid amegppa aum. “Gona neegppe, yuppa ukkaɗ!” awa aum. Nug anam awa a, nug ukka, neekke yuppa ukke, nug eɗua doa, inam aum. “Da keeke laa ii anidmi,” awa aum. Anam amu, haen eblaih aɗit ele batak Elaiya nug maɗi nid, nug amu haknu aum.

2 King 5:10

Tena daaegeg, Elisa nug nai awa ukkak danab laa nug ukka, Naman amegppa inam akkunu a, ukka aum. “Na gona, Jodan leppa haen eblaih aɗit ele le laappe, geha nahip oɗe amu iitta meeb, na beɗun eɗua ena daakku,” awa aum.

2 King 5:14

Ag anam aeg, aakku Naman nug Jodan leppa ukka, nug noa, Jodan le haen eblaih aɗit ele layom; nug Elisa, Kayaknu danab, nug aum bia heum. Naman nug Jodan le laye amu, aria nug beɗuppa gaɗa oɗe nau ele, oɗe amu iitta me, nug beɗu gaɗa am bau, ena, nid nakok gaɗalag bia ena beum.

2 Stori 13:12

Kayak Nug ig ele daattem. Nug ihinig okkai daatte. Nuhig mana mettak danab ag ig ban hekkunignu trampet iwalppeg, ig amuppa ban haknu ewak doot, ban hekkunig. O Israel dilag daup, ag Yawe, Nug ag mamelkad aɗi dilag Kayak, ag Nug ele aib ban heppig. Aɗinu? Ag amu hekkulag dayeb amu, ag Nug ii eɗidmana,” awa aum.

2 Stori 20:17

Ag gona, appa anadkkulag, amge ag ban laa ii hemana. Iitta. Ag gona, ag ban helob bia ban hak abenppa hippaidna, ɠagattag daappeg, Yawe Nug ehanatteb, ag nuhig ehanittak anidkkulag. O Juda dilag daup, ag laa Jerusalemnu, ag laa Juda wanppa laih laihnu amu, ag aib baɗappig. Ag ahilag dabmak am qe nak aib dayom. Ag butti gona, ban hekkulagnu bia kekeɗ neekkatteg, Yawe Nug ag ele daaglag!” awa aum.

2 Stori 20:19

Ag amu heeg, Lewi buɗub oolagppan laala, ag Kohat, Kora ele buɗulti ag ahan, hippaidna daanna, ag Yawe, Israel dilag Kayak, ag Nug baalag okkaippa binag meppig.

2 Stori 20:21

Jehosapat nug anam a, nug danab ah ele nai mattin, nug danab laa ag Yawenu ahi, ag ahi amu ettaladnana, ag Yawe, Nug dagom onig ɠagattag ele, Nug oppiaawak ele, ag amunu Nug binag okkainab menana, ag daup noolag aon gonana, ag ahi inam ettaglagnu tituanattom. Ag Yawe amegppa, “Ena heme,” aon aig! Aɗinu? Nuhig oo mauhaknab kobol hanhan alet daatte.

Job 42:8

Ag eheɗ anam madippig amunu, ag makau gaiɗ eblaih aɗit ele, sipsip dawai eblaih aɗit ele, ag amu ele aon, dahil maɗi nid Job gumidna gona, ag doɗ amu manaknu ofa daaglagnu manadna meɗeg! Ag amu heppeg, dahil maɗi nid Job nug ahilagnu da unuqilkku. Nug anam unuqilkku, da nuhig unuqittak doyen, diig amunu da ag dahilnu dab-ii-maama hak kobol dim lamidppig amu, da kobol amunu bu madappi aolob ii madapa. ⌊Da ii madapa, amge ag bu aoglagnu daappig.⌋ Aɗinu? Ag dahil maɗi nid Job, Nug dahilnu nai tutukku mattiom bia ii madippig. Ag eheɗ madippig,” awa aum.

Aisaia 27:13

Ge, danab trampet okkai iwale, danab dotteb, amubia Yawe Nug heeb, laa kekeɗ ag lamatteg, Asiria wanppa gona qettoɗna daatteb, laa Isip wanppa gona qettoɗna daatteb ele amu, ag appanu eɗun uɗin, Jerusalem appa qaukoppa, qauko amuam Kayaknu tituanak daatte, ag appa Yawe noobppa dup nona Nug binag mekkulag.

Lewitikas 14:16

Gokkaɗowa, nug eppeg hiqal naɗiap meeb, goɗenppa nob, amu awa, haen eblaih aɗit ele Yawe noobppa tauɗ qedakku.

Lewitikas 4:6

Nug noa, eppeg doɗo laa meeb, tiig amu ooppa nob, taula awa, nug haen eblaih aɗit ele Yawe noobppa Oo Gun Ele, Oo Gunnab Ele makkulaknu lamen guguittak tauɗ qedakku.

Sekaraia 4:2

Nug anam he ahai, nug oɗ meɗom. “Gemu na aɗi anidttem?” awa oɗ meɗom. Oɗ meɗe, da nug amegppa ami. “Da lam maattaknu balal, golppa hak, amu tappiɗ igippa daatte anidttem. Am lam eblaih aɗit ele lam maattaknu balalppa daatteb. Amu tappiɗppanu goɗen lamppa gokkunu ippu am eblaih aɗit, laippu lam anen anenppa gotteb.

Sekaraia 4:6

Da ai, nug aum. “Nai imuam Yawe Nukka Ɠagattag Oh Ele Nug na Serubabelnu na amenppa atte. Da na uɗat hekkutnu ool hette amu, na uɗat amu danab dilag ɠagattagppa, o danab ebehilagppa ii hemana. Iitta. Dahil Ouɗi Nug ɠagattag metteb, na hekkut,” awa aum.

Namba 23:1

Balak nug Balam omale, Israel daappigppa goya anatta, nug aum. “Qaɗab eblaih aɗit ele doɗ mana mettaknu aqana meɗana, makau gaiɗ eblaih aɗit ele, amu sipsip dawai eblaih aɗit ele, qaɗab amuppa manattaknu babaitte!” awa aum.

Josua 6:13

Mana mettak danab eblaih aɗit ele, ag trampet eblaih aɗit ele aɗaladppig, ag Yawenu Tituanak Nainu Kunup amu noob aon anuqna, ag laippuppa tappa ukkak gonana, ag trampet amu iwaladppig. Daup laa ag mana mettak danab trampet amu iwaladppig ele ag noolag aon anuqna tappa ukkak heegeg, daup laa ag Yawenu Tituanak Nainu Kunup maoppig ele, ag ag dimulagppa tappa ukkak heppig. Haen amu ohppa mana mettak danab ag trampet iwalegeg gaappig.

Josua 6:3

Na amu ban danab oh ele, ag oh tappa ukkak laippuppa aab okkai amu deɗ eblaih laippu ele, deɗ anen anenppa talilittak laippu taliliglag.

Josua 6:5

Ag amu henana, haen mana mettak danab ag iwalak eeɗak elab heppeg doon amu, ban daup oh ag huananab eig! Ag anam heppeg, aɗ aab okkai taliliak daatte amu, aɗ amuam loppaɗa, na qekku. Aɗ loppaɗa neeb, ban danab anen anen, ag noolkadppa tutukku aab okkai ooppa nokkulag,” awa aum.

Revelesen 1:20

Na da eppel naɗiap-ppa hoɗoppai eblaih aɗit ele anidme, lam maknu balal eblaih aɗit ele, ele anidme amu, amunu diig am inam. Hoɗoppai eblaih aɗit ele am Kristen tamaniak eblaih aɗit ele, amu dilag ikki danab. Lam maknu balal eblaih aɗit, amuam Kristen tamaniak eblaih aɗit amu aakku,” awa aum.

Revelesen 1:4

Da Jon, da Kristen tamaniak eblaih aɗit ele Asia wanppa daatteb ele, da ahilagnu iikku yaattem. Kayak Nug gemu daatte, anukka dayom, dimppa uɗikkunu ele daatte, Nug, amu nuhig Ouɗi, kobol ena oh nuhigppa ambak daatte, Nug Kayaknu sia king noobppa daatte, amu Jesus Kristus, Nug keeke imu ohnu aɗi anttomnu mattiak danab dayaya, oo metta ii uuak kobol dim lamitta ippunikke anidttem, Nug danab mauhppig ele dilag eɗua hibaittak danab anuqak, wanppanu king oh dilag okkai ele daatte amu, ewam amu oh ag ahilag ehanittak okkai hamu mettak, ahilag maɗoɗ ele amu, ag danab ag tamaniak eblaih aɗit ele ooppa daatteb, ahilagppa daaglahnu ool daatte. Kristus, Nug ihinignu oo mauhe, Nug tiigppa ihinig hipunin oh uhuqom,

Revelesen 10:3

nug laionnu gayak bia baag okkaippa eum. Nug anam e amu, hakkaɗ eblaih aɗit ele ag baalkadppa nai madippig.

Revelesen 15:1

Amu dimppa da epponak keeke okkai laa hab aabppa be anidmi. Da engel eblaih aɗit ele ag keeke nau danab uug okkai madatteb eblaih aɗit ele danab ah aqadkkulagnu gumatteb, da ag anadmi. Amuppa oppoɗi bak Kayak Nug danab dilag hipuninnu dootte amu, oppoɗi bak amu nug gogppa tette.

Revelesen 15:7

Doeg amu hab daup waɗele Kayaknu bauklel aotteb ele, ag oolagppanu laippu laa nug tappiɗ golppa hak ele eblaih aɗit ele engel eblaih aɗit ele amu mattom. Tappiɗ amuppa oppoɗi bak Kayak Nug danab dilag hipuninnu dootte tappiɗ eblaih aɗit ele amu, amuppa daatte. Oppoɗi bak amuam Kayak hanhan alet daatte, am nuhig oppoɗi bak aakku.

Revelesen 16:1

Anam dayeye, da baag laa Kayaknu mettid lag ooppanu engel eblaih aɗit amelagppa aawo doomi. Nug inam aum. “Ag tappiɗ eblaih aɗit ele, oppoɗi bak Kayak Nug danab dilag hipuninnu dootte, amuam tappiɗ amuppa daatte amu, ag tappiɗ amu aon gona, wanppa gokkaɗeg!” awa aum.

Revelesen 5:1

Laa Nug sia king ⌊anuqak,⌋ appa dayom ele amu, Nug eppeg naɗiap-ppa buk itoɗiak laa anidmi. Buk amu ooppa, dimugppa ele oh yaak ele, amu buk amuam qataqak eblaih aɗit ele.

Revelesen 5:6

Anam aum amu da Sipsip Nag laa, Nug sia king ⌊anuqak⌋ guguittak hibaitte, hab daup waɗele Kayaknu bauklel aotteb, ikki danab ele ag Nug talilidna daaegeg, Nug ag gamagppa dayeye anidmi. Sipsip Nag amu laa ag matu qeeg mauha, eɗua hibaitte anidmi. Nug qeqeɗi eblaih aɗit ele amu ameg eblaih aɗit ele. Qeqeɗi eblaih aɗit, ameg eblaih aɗit ele, amuam Kayak Ouɗi kobol ena oh nuhigppa ambak daatte ele, Nug ippunigtte. Amu Kayak Nug me, wan ohppa ukkom.

Revelesen 8:2

Amu dimppa da engel eblaih aɗit, Kayak noobppa hippaidna daatteb ele amu, da ag anadmi; ag trampet eblaih aɗit ele aakku mattaeg aoppig.

Revelesen 8:6

Mim ne, engel eblaih aɗit ele, ag anen anen trampet ele, ag trampet amu iwalkkulagnu bappaidppig.