Josua 4:9 - Nobonob Baibel

⁹ Ag men amu maon gona maatteg, Josua nug qappalattom. Men amuam Jodan le gamagppanu, aben mana mettak danab ag Tituanak Nainu Kunup kontrak inak ele amu, ag kunup amu maon hippaidppigppanu awak. Amu men amu ag daaeg uɗie, gemu ⌊nai imu yaak haenppa⌋ ele daatteb.

Josua 4:9 Iomraidhean Croise

Genesis 26:33

Anam aeg, Aisak nug onig Siba ataɗom amunu, ag gemu, ⌊nai imu yaak haenppa⌋ ele aab amu onig am Berseba daatte.

Genesis 28:18

Aria, wagɗe buttuanab Jakop nug men uɗun nuhig awa, aben amuppa at daakkunu qappa, nug goɗen qaɗeppa gokkaɗom.

2 Samuel 4:3

Danab ag tatam Berot daappig amu, Israel ag uɗin heeg, ag ahan gona, Gitaim daaegeg uɗie, buɗulkad gemu ⌊nai imu yaak haenppa⌋ ele, ag wan laihnu danab, appa daatteb.

1 King 18:31

Nug amu hekkunu amu, nug men 12 qaɗab hekkunu diiom. Jakop buɗub Israel dilag huu okkai 12 daappig, ebqak amubia nug men awom. Anukka Yawe nug Jakop amegppa aum. “Na onin amu Israel daakku,” awa aum.

2 Stori 5:9

Tuqai amuam aa elabnab, noolah Tituanak Nainu Kunup eɗidpiɗ amunu, danab nug Oo Gun Ele, oo amuam Oo Gunnab Ele noobppa dayom amu, danab nug appa dayaya, nug neekkeb ukkeb, anatkkunu elele, amge danab nug lag amu dimittim daakku dayeb, nug neekkeb ukkeb, anidkkunu elele iitta. Gemu ⌊nai imu yaak haenppa⌋ ele Tituanak Nainu Kunupnu tuqai aɗit aa anam daattep.

Eksodas 24:12

Amu dimppa, Yawe Nug Moses amegppa aum. “Na qaukoppa bena, da gumuiɗna uɗin daappe, da ɗo men maha aɗit laappa yaami, ɗo amuam danab ah ulum madatte amu, geha da na men maha aɗit amu medakkul,” awa aum.

Eksodas 28:21

Aria, men 12 amu laib laib ohppa ag Israel bekkod onilag, laa onig am men laappa, laa onig am men laappa, ag anam otaɗadppeg ukkeb, ag Jakop bekkod nid danab 12, ag amu onilag otaɗadna malappeg, ag anen anen Israel dilag huu okkai 12 dilag at dayeg!

Matyu 27:8

Diig amunu amu, ag wan amu onig inam ataɗppig. “Danab Mauhkkunu Daden Awak Wan,” aon appig. Onig amu gemu ⌊nai imu yaak haenppa⌋ ele daatte.

Matyu 28:15

Anam aeg amu ban danab ag men doɗo aona, ag mana mettak ikki danab ag aɗi hekkulagnu appig amu, ag anamib heppig. Anam heeg amu, nai amu Juda danab kuɗum doon malaeg uɗie, gemu ele maditteb.

Duteronomi 34:6

Yawe Nug Moap appa, oolnu noak laa Betpeor guguittak, nug appa boumom, amge haen amuppa, gemu ⌊nai imu yaak haenppa⌋ ele, auntai laa boumak aben amu ii dootte.

Josua 24:26

Josua nug keeke imu ohnu Kayaknu Ɗo Nai Bukppa yom. Ahilag nai laippu qakkak ag daulagppa daakkunu amu, nug men naɗi laa awa, ad ok waappa Yawenu mettid haknu peh lag guguittak meum.

Josua 4:10

Mana mettak danab ag Tituanak Nainu Kunup maoppig ele amu, ag anam Jodan le gamagppa hippaidna daaegeg, danab ah ag keeke oh Yawe Nug Moses oɗeppa ag hekkulagnu Josua amegppa haknunab aum, ag amu hena malappig. Amu Israel danab ah ag paha Jodan le mataɗppig.

Ikki Danab 1:26

Amu beum dimppa amu, danab amu nug Hit dilag wanppa ukka, nug appa aab okkai laa kalom. Nug aab amu onig Lus ataɗom; onig amuam daye uɗie, gemu ⌊nai imu yaak haenppa⌋ ele anamib daatte.

1 Samuel 30:25

Dawit nug anam a, nai amu ɗo ba dayom. Ɗo ba dayom amunu, haen amuppa Israel wanppa ɗo amu ba dayeye uɗie uɗie, gemu ele daatte.

1 Samuel 7:12

Israel ag Pilistia anam lamatteg, Samuel nug men naɗi laa awa, aab aɗit Mispa, Sen ele gamalahppa qappe dayeye, nug, “Yawe ehanikke uɗie uɗie, iikku batom,” anana, nug men amu onig, “Ebenisa,” ataɗom.