Josua 4:7 - Nobonob Baibel

⁷ Oɗ madappeg amu, ag inam appeg dooglag. ‘Yawenu Tituanak Nainu Kunup kontrak inak ele amu, kunup amu ukka, le daugppa dayeye, Yawe Nug he, Jodan leppa tak imuagppa, attan amuppanu le nekkunu ii heehe, kunup dayomppanu le ippu imuagppa, uppa qagmeum. Haen kunup amu Jodan le mataɗom amu, Yawe he, Jodan le amu otaɗe, nak iittanu eɗua le ibuppa nakok attan titiɗom. Anam beum amu, men amu Israel danab ah ag haen oh amunu dabmekkulagnu at daatte.’ Ag anam aon akkulag.” Josua nug ag amegppa anam aum.

Josua 4:7 Iomraidhean Croise

Sam 111:4

Nug kobol danab hekkunu elele iitta heum ele amu, Nug he, danab ag amu daulag atikkunu elele iitta. Yawe Nug oo bodoette enanag maɗoɗ ele hak kobol dim lamitta, Nug ihinignu oo gai-iitta doya, oo mekka, ehanigtte!

Eksodas 12:14

Yawe Nug anam anana amu, Nug nai tuɗitta aum. “Gemu kobol ahilagppa bekku ele amu, ag amu dabmekkulagnu ag kalam imunu deɗ imu tituankkulag. Am ag buɗub buɗub doobob, ag buɗulkad, ag ele amu dabmekkulagnu, da gemu ag aɗi hekkulagnu attem amu, ag ele deɗ imuppa anamib hekkulag. Ag oh hanhan maɗ anen anenppa deɗ imuppa da, Yawe, ag kobol da hekkul imu daulagppa dokkunu, ag deɗ imu da dabmeɗanna qagmak gamag ahak ele henan daaglagnu dabmekkulag. Am ɗo laa ag dim lamidkkulagnu laa aakku.

Eksodas 28:12

Ag amu hewona amu, ag men aɗit amu lamen enanag-epodnu qatti aɗit gukka laih laih tonat-ttep amu, ag amuppa qakkalatppeg, am geha Israel dilag huu okkai 12 dilag at daaglah. Anam daaglah amunu, am geha Aron nug gugappa ag onilag mawebeb, da Yawe, da anttena, da dahilad danab ah doyeye, deɗ oh dabmekkul.

Eksodas 30:16

Na Israel danab ag qagaiettak amuppa daamnanu uhuqak aoglagnu men doɗo amu da meɗaglag amu, na men doɗo amu ahilagnu aoppe, men doɗo amuam dahil mettid haknu peh lag danab ah appa qagmetteb ele, am lag dahil amu dabmettaknu daakku. Am geha haen oh amuam da Yawe, da hei, Israel danab ag ii mauhppig amu, am amunu at daakku,” awa aum.

Aisaia 66:3

Amge laa nug ⌊dahil nai ii dim lamitta,⌋ nug makau dawai mana, da meɗatte amu, nug am danab layag qe mauhtte bia daatte. Laa nug ⌊dahil nai ii dim lamitta,⌋ nug sipsip nag mana, da meɗatte amu, nug danab nug qai mana, da meɗatte bia daatte. Laa nug ⌊dahil nai ii dim lamitta,⌋ nug ee aegnu ofa da meɗatte amu, nug am danab nug bo tiig awa meɗatte bia daatte. Laa nug ⌊dahil nai ii dim lamitta,⌋ nug kalu danab ile muttuɗig enanag bette ele mana, da meɗatte amu, nug am danab kayak hambuppuak dottolag noolagppa dup noa binalag mette bia daatte. Danab amu ag ahilag dabmakib dim lamidtteb. Ag keeke eheɗ nau, ag amunu oolagppa uuaknab doolob, ag hak amunu enanagnab dootteb.

Namba 16:40

Yawe Nug Moses amegppa a, Moses nug amelagppa nug anamnab hekkunu aum bianab heum. Anam haknu diig am, at amuam Israel danab ag amelagppa hanhan daakku. Anam dayeb amu, ag anidna, auntai laal iitta, Aron buɗubppan ag aakkuib Yawe noobppa kalu danab ile, muttuɗig enanag bette ele amu amotkkulag. Kora laikkud ele ag anam hena mauhppig, am laa ag ele anam helob amu, ag ele mauhlob.

Namba 17:5

Na anam maadppe daappeg, danab laa da nug mana mettak danab daakkunu tituanmi ele amu, nuhig dudqak hokkat amu qaɗu bekku. Ib amuppa da heppi, Israel danab ag nahipnu naittuɗ heegeg da doottem ele amu uuglag,” awa aum.

1 Korint 11:24

Mameg amegppa, “Ena heme,” awowa, pane ne Nug aum. “Imuam da beɗul, amuppa da ag ehanadkkul. Ag dahilnu dabmekkulagnu lanaknu kobol imu heig!” awa aum.

Duteronomi 16:3

Ag teppu amuppanu lanana amu, ag bret yis ele aib lappig. Deɗ eblaih aɗit ele oh amu, ag bret yis iitta lakkulag. ⌊Yawe Nug ag ehanatte,⌋ ag bret amubia lanana, ag Isip pahanab uuppig amunu, ag amubia bret amu lakkulag. Ag hanhan Isipnu ahan uɗin bau daatteb dabmekkulagnu, ag hanhan Isip appa guittak aonna daappig ele dabmekkulagnu amu, ag bret amu lakkulag.

Josua 4:6

Men amuam ag oolagppa at daaglagnu daaglag. Aɗinu? Dimppa, nid naunau ahilkad ag oɗ mattaglag. ‘Men amuam aɗi diignu?’ ana oɗ mattaglag.