Josua 4:3 - Nobonob Baibel

³ Na tituanattona, na ag amelagppa appe, danab amu ag men ebqak 12 Jodan le gamagppanu human mawatteg! Ag men aoglagnu amu, ag mana mettak danab hippaidna daattebppanunab aon mawadppeg, na danab ah oh ele ag gona, aben ag tuqan daaglagppa meig!” Yawe Nug matu anam Josua amegppa aum.

Josua 4:3 Iomraidhean Croise

Genesis 28:22

Aben da men eppami ele imu amu, am Kayak noobppa dup noa binag mak aben daakku. Amu Kayak Nug aɗi aɗi keeke oh da meɗeb amu, da amunu obatak eblaih tanig ele ooppanu obatak laippu Kayak medakkul,” awa aum.

Sam 103:2

Da Yawe onig humeme, da Nug aɗi ena dahilppa heum, da amunu ii daul atima.

Sam 11:4

Yawe Nug nuhig mettid lag nuhignu tituanak daatte, Nug amuppa daatte. Ao, Yawe Nug hab attan sia king nuhigppa gumak haaha daatte. Nug keeke oh dabmetta autanab aotte. Nug wanppan danab ah ohnab epeɗiadtte.

Luk 19:40

Aon aeg amu Jesus Nug ag anam appig amunu amelagppa aum. “Da ag amelagppa attem, imu ag oɗelag qamutppeg amu, men ag ekkulag,” awa aum.

Josua 24:27

Nug anam ha, Josua nug danab ah oh amelagppa aum. “Men imuam danab nug nai oh Yawe Nug ig amenigppa mattie doyom bia daatteb. Men imuam nai oh Yawe ig amenigppa aum aakku dooppig. Anam amunu, men imuam danab laa nug laa aɗi heehe anttomnu mattiak danab daatte bia dayaya, ag eheɗ hena, Kayak pehettak ii dim lamidkkulag dayeb amu, am anam ippunadkku,” awa aum.

Josua 4:4

Yawe Nug Josua amegppa anam a, Josua nug Israel danab 12, Israel dilag huu okkai anen anennu laippu laippu anam onilagppa ewa qagmattom.

Josua 4:8

Yawe Nug Josua amegppa anam hekkunu a, nug Israel danab ah ag anam haknunab amelagppa aum amunu, Israel ag anamib, Josua aum bia heppig. Ag Jodan le gamagppanu men 12 aoppig. Amuam Israel dilag huu okkainu ebqak Israel ooppa daatte bia aoppig. Ag Yawe, Nug Josua amegppa aum bianab heppig. Aria, ag men 12 amu mawadna, ahilag haen tutu dayaknu aab kalappig, ag amuppa gona maadppig.

1 Samuel 7:12

Israel ag Pilistia anam lamatteg, Samuel nug men naɗi laa awa, aab aɗit Mispa, Sen ele gamalahppa qappe dayeye, nug, “Yawe ehanikke uɗie uɗie, iikku batom,” anana, nug men amu onig, “Ebenisa,” ataɗom.