Josua 4:11 - Nobonob Baibel

¹¹ Aria, haen ag oh le mataɗna malaeg, mana mettak danab ag Yawenu Tituanak Nainu Kunup amu maon, le gamagppanu uɗiegeg, danab ah laihppa daanna, neekkadna daaegeg wappig.

Josua 4:11 Iomraidhean Croise

Aisaia 52:12

Aɗinu ⌊ag anam hekkulagnu elele daaglag⌋? Yawe Nug ag noolag awa, anuqa gokku. Ao, Israel dilag Kayak, Nug ag dimulagppa oiyaya uɗikku. Anam amunu, ag laa dilag baɗan, oolna ii gomana. Ao, ag oolna ii gomana.

Josua 24:11

Da anam hei, ag Jodan le mataɗna, Jeriko waeg, Jeriko danab ahaeg, ag ele ban heppig. Danab ameg kuɗum laala ele, ag ele ban heppig. Danab amu ag am, Amo danab, Peres danab, Kanan danab, Hit danab, Girgas danab, Hiwi danab, amu Jebus danab ele. Amge da hei, laa amu ag eɗadkkulagnu elele iitta daaeg, da ag eppelagppa maadmi.

Josua 3:17

Israel danab ah ag le letan, laih wan qaɗaiettakppa ukkaegeg, mana mettak danab ag Yawenu Tituanak Nainu Kunup kontrak inak ele, ag kunup amu maoppig amu, ag Jodan le dayomppa gamagppa wan qaɗaiettakppa hippaidna daaegeg, danab ah oh mataɗna, laih wappig.

Josua 3:8

Amu na mana mettak danab aun aɗi ag Tituanak Nainu Kunup kontrak inak ele, ag kunup amu maotteb amu, na ag amelagppa inam appe doyeg! ‘Haen ag Jodan le giginppa gona amu, ag laa ele wana, le ooppa hibaitteg!’ ” Yawe Nug Josua amegppa anam aum.

Josua 4:10

Mana mettak danab ag Tituanak Nainu Kunup maoppig ele amu, ag anam Jodan le gamagppa hippaidna daaegeg, danab ah ag keeke oh Yawe Nug Moses oɗeppa ag hekkulagnu Josua amegppa haknunab aum, ag amu hena malappig. Amu Israel danab ah ag paha Jodan le mataɗppig.

Josua 4:12

Israel dilag huu okkai Ruben, Gad, amu Israel dilag huu okkai Manase mahaib ele, amu dilag ban danab, ag Israel danab ah laa noolagppa, Moses amelagppa aum bia, ag hena, Jodan le mataɗna goppig. Ag bannu bappaidna goppig.

Josua 4:18

Josua anam hekkulagnu mana mettak danab amelagppa a amu, ag Yawenu Tituanak Nainu Kunup kontrak inak ele, ag kunup amu maonna, le uun, laih teppig. Ag uɗinna, ag baelkad wan qaɗaiettakppa meeg, haen amuppanab Jodan le tatam ugakka gottom bia eɗua, ui ele ukkom.