Josua 3:5 - Nobonob Baibel

⁵ Ikki danab ag danab ah anam amelagppa ana malaeg amu, Josua nug danab ah amelagppa aum. “Yawe Nug butti uɗat ɠagattagnab ele ag oolagppa hekku amunu, ag Yawenu tituana mettak daaglagnu hena dayeg!” awa aum.

Josua 3:5 Iomraidhean Croise

Job 1:5

Amu nug bekkod ag anam heegeg ukke ukke, eblaih aɗit ele amu oh ag ag laulkad anen anenppa hobul hena malaeg, Job nug ag Kayak ele ouqa dayaknu elele daaglagnu ag beɗulag oolag ele bappaidkkulagnu nai ahilagppa me ukkom. Job anam he, deɗ amu uue, wagɗe buttua Job nug aha, ahilag anen anennu manaknu ofa hattom. Nug, “Nid dahilad ag Kayak uuidna, hipunin heppigtai,” ana dabmeum amunu, nug anam hettom. Job nug hanhan anamib hettom.

Sam 77:15

Na ɠagattag okkainab ele, amu ɠagattag amuppa na nahipad danab ah qagaiettakppanu eɗua uhuqak dayaknu heme. Nahipad danab ah amu, ag am Jakop, amu Josep ele buɗulti. Sila.

Sam 86:10

Ag amu hekkulagnu diig am, na onin ɠagattag ele, na kobol danab hekkunu elele iitta okkai okkai hettem. Na aakkuib am Kayak.

Joel 2:16

Ge, heppeg, danab ah ag qagmena, Yawenu tituana mettak dayeg! Ag heppeg, ikki danab ag uɗieg! Ge, heppeg, nid naunau, nid yuɗ ele oh uɗin dayeg! Danab nug ah aokkun daatte amu, nug laug oo nuhig uua, qagmakppa uɗiaɗ! Ao, ah nug danab aokkun daatte amu, nug dayak aben nuhig uua, nug ele qagmakppa uɗiaɗ!

Lewitikas 10:3

Aria, Moses, Aron amegppa aum. “Yawe Nug anukka imunu inam aum. ‘Laa ag da gukkiɗna uɗitteb amu, ag da oppiaawak daattem doon, gumiɗna dokkulagoitte. Am danab ah oh, ag da binal okkai ele daattem doon oiglagoitte’ awa aum.” Moses nug anam a, Aron nug bakkum dayom.

Lewitikas 20:7

Da am Yawe, ahilag Kayak amunu, ag dahilnu tituana meɗak daaglagnu hena daan, ag dahilnu, oppiaawak dayeg!

Namba 11:8

Danab ah ag gona, akkan qagmena, amu ganuɗaknu ag eppelagppa men laa, men layag attan daye, maana gamagppa meeg, men attan itoɗieg ganuɗttom, o iitta amu menppa tututtappig. Dimppa ag waappa keeke uhippig; o iitta bret batappatak manappig. Amu lanak baag nuhig am bret goɗenppa manak bia dayom.

Jon 17:19

Da dahilad imu ag da aniɗna, nahip nai pehettak dim lamidna, oppiaawak daaglagnu amu, da na oɗen tutukkunab dim lamidttem.

Josua 3:4

Ag anukka ib imuppa ii uɗippig amunu, danab amu ag ukkaknu ib ippunadkkulag. Amge ag aib Tituanak Nainu Kunup gukkuittak wappig. Lewi buɗub ag Tituanak Nainu Kunup maon, anuqna gona, 900 mita keeke gobeppeg, ag ahan, dim lamadna ukkeg! Ag gukkuittak aib goppig!” aon appig.

Josua 3:6

Josua nug danab ah amelagppa anam a, deɗ amu uue, wagɗe, deɗ amuppa nug mana mettak danab dilag aum. “Ag Tituanak Nainu Kunup kontrak inak ele, ag amu aon, maon anuqna gobeppeg, danab ah dim lamadna ukkeg!” Nug anam a amu, ag anam heppig.

Josua 7:13

Ahan gona heppe, Israel danab ah ag dahilnu tituana meɗak dayeg! Na ag amelagppa inam appe doyeg! ‘Ag buttinu elele daaglagnu, ag Yawenu tituana mettak daaglagnu hena dayeg! Aɗinu? Yawe, Israel dilag Kayak, Nug inam atte. “Keeke dahilnuib pelemppa daatte amu, keeke amu ag oolagppa aakku daatte. Keeke amu ag oolagppa daatte haenppa amu, ag kekeɗ ahilkad eɗadkkulagnu elele iitta daaglag. Ag heppeg, iitta meeb amu, ag eɗun, kekeɗ eɗadkkulag.

1 Samuel 16:5

Betlehem ikki danab ag Samuel anam oɗ mettaeg, Samuel amelagppa aum. “Ao, da ool maɗoɗ ele uɗimi. Da doɗ laa mane, Yawe medakkulnu uɗimi amunu, ag Yawenu tituana mettak daaglagnu hena daan, ag da ele mana mettak amuppa gota daagnig,” awa aum. Samuel nug nai amu mattia mala, nug Jesi, bekkod ele ag Kayaknu tituana mettak daaglagnu ha, Samuel nug ag ele mana mettak amuppa daaglagnu oɗ mattom.