Josua 3:10 - Nobonob Baibel

¹⁰ Kanan danab, Hit danab, Hiwi danab, Peres danab, Girgas danab, Amo danab, Jebus danab ele ag wan Jodan le imu heqo laihppa daatteb. Ag amuppa daan, wan amu gumatteb, amge Kayak bau daatte, Nug ag Israel oolagppa daatte, Nug heeb, ag Israel, ag danab amu lamadkkulag. Nug ag amu miagib ippuanatteb anidkkulagnu amu,

Josua 3:10 Iomraidhean Croise

Genesis 15:21

Amo danab, Kanan danab, Girgas danab, Jebus danab ele ag wan imuppa daatteb,” awa aum.

1 King 22:28

King nug anam a amu, Mikaia nug eɗua Ahap amegppa aum. “Na maɗoɗ ele eɗun uɗikkut dayeb amu, Yawe Nug da oɗelppa nai ii aum,” awa aum. Nug anam ana, amu nug tuɗitta aum. “Ag danab ah oh, ag dahil nai doyeg!” awa aum.

2 King 19:4

Asiria dilag king nug he, nuhig ban daup ikki banppa o ban guguittakppa daatte, nug Kayak hanhan bau daatte awa awa qedakkunu uɗia, ⌊anam heum⌋ amunu, Yawe, nahip Kayak, Nug awa awa qettak nai amu Nug doyom ele, Nug nai amu dabmedakkutai. Nug dabmedatta, Nug Asiria dilag king bu medakkutai. Anam amunu, na ig Juda oɗo yaak daattem ele, na Yawe Nug ehanigkkunu unuqidkkutnu oɗ medattem,’ awa atte,” aon appig.

1 Stori 1:14

Jebus danab, Amo danab, Girgas danab,

Sam 42:2

Ao, danab le baag diieb, le antta lakkunu oo huana daatte, anamnab, da Kayak gumitte ukken daakkulnu ool huana daatte. Nug am Kayak bauklel. Ganeb da Nug noobppa daakkul?

Sam 9:16

Yawe Nug hanhan nai doya mala hettoɗia epeɗia elele mettak kobol dim lamidtte amu, danab ah ag amu dootteb, amge nau hak danab ag akka ahilag pelemppa notteb. Ag amu dabmetteg! Sila.

Eksodas 17:7

Israel ag Yawe ma anttak mettan, “Yawe ig ele daattemte?” appig amunu, Moses nug aben amu onig laa, Masa ataɗom. Aria, Israel ag Moses ele nug mehqeppig amunu, Moses nug aben amu onig laa Meriba ele ataɗom.

Eksodas 3:8

da dahilad danab ah ehanatten, ag Isip danab eppelagppa qagaiettak daamnanu, da omalatten goppi, wan okkai laappa gona, aon daaglagnu nemi. Wan amuam enanag, wan ittag ele, amuppa ee meu huan otte. Wan amuppa amu, gemu Kanan danab, Hit danab, Amo danab, Peres danab, Hiwi danab, amu Jebus danab ele daatteb.

Eksodas 33:2

Ag gobeppeg amu, da geha engel laa meppi, nug ag noolag awa, anuqa gokku. Amu nug geha heeb, ag Israel ag ⌊wan amuppan danab,⌋ ag am Kanan danab, Amo danab, Hit danab, Peres danab, Hiwi danab, amu Jebus danab ele, ag ag lamadkkulag.

Aisaia 7:14

Na atnu oɗmak hekkutnu uume amunu, Naɗi Nug nukka geha at laa na ippunidkku. At amuam inam. Ah makkun laa nug oo ele daya, geha nug nid danab menua, nid onig Imanuel ataɗkku.

Jeremaia 10:10

Danab ag kayak hambuppuak anam bappaidtteb, amge Yawe, Nug Kayak genab. Nug hanhan bau daatte. Nug king hanhan daatte. Nug oo nauhe, wan uɗaltte. Wanppan wan anen anen oh ag nuhig oppoɗi bak waappa daatteb ele amu, ag ena ii daamna. Iitta. Ag nauhkkulag.

Hosea 1:10

Anam aakku, me geha haen laa uɗieb, Israel am wan laa onig okkai ele daakku. Deɗ amuppa nuhig danab ah geha yu ihippa abuɗ huanak daatte, amubia ag huanak daaglag. Geha huanaknab, ebaqaknu elele iitta daaglag! Amu aben da ag amelagppa, ‘Ag amu dahil danab ah iitta,’ ami, aben amuppa geha da ahilagnu, ‘Ag amu da Kayak bauklel ele, ag da bekkalad,’ akkul.

Namba 13:29

Amu Amalek danab ag wan amuppa, wan laih onig Negeb, ag appa daatteb. Hit danab, Jebus danab, amu Amo danab, ag am wan laih qauko qauko eleppa, appa daatteb. Kanan danab, ag amu yu guguittak, amu Jodan le naɗi daugppa daatteb,” aon appig.

Matyu 16:16

Jesus anam a amu, Saimon Pita Nug oɗeppa awa aum. “Na am Kristus, na Kayak bauklel ele Bekka,” awa aum.

Jon 6:69

Ig na dooidta, oonigppa genab ele doottem; na aakkuib am Kayak Bekka Oppiaawak Ele,” awa aum.

Duteronomi 31:17

Ag anam heppeg, da ahilagnu ool nauhkku. Da ag uuatte, dimadappi, ahilkad kekeɗ geha hadappeg nauhkkulag; uug naunab, uug digdig laa ele ahilagppa bekku amunu, ag akkulag, ‘Kayak ihinig, Nug ig ele ii daattem amunu, keeke naunab imu ihinigppa beum,’ akkulag.

Duteronomi 5:26

Aɗinu? Ig danab ig mauhttem ele, amu ig oonigppanu danab auntai laa nug, ig hemut bia, nug Kayak, hanhan bau daatte, Nug aab ewak laa ooppanu nai mattieye doya, bau dayom? Laal iitta.

Duteronomi 7:1

Haen Yawe, ahilag Kayak, Nug ag wan nona aon daaglagnu daatte, Nug amuppa omalatta noa, Nug geha heeb, ag Israel, ag wanppan wan laalanu danab ah appa daatteb ele, ag ag lamadkkulag. Danab amu ag am; Hit danab, Girgas danab, Amo danab, Kanan danab, Peres danab, Hiwi danab, Jebus danab ele. Danab ameg eblaih aɗit ele amu, ag am danab ɠagattag ele, ag eɗattak daatteb.

Duteronomi 7:21

Yawe, ahilag Kayak, Nug am ɠagattag okkai ele, danab Nug antta, ebehi oh bodoetta le mette elenu Kayak amunu, ag danab amu dilagnu baɗak eheɗ nau aib dooppig.

1 Tesalonaika 1:9

Aɗinu? Danab aabaab ohppanu ag Tesalonaika, ahilagnu ag mattin, ag Tesalonaika danab ag ig ena atognoigppignu, ag Kayak Bauklel dim lamidkkulagnu kayak hambuppuak dottolkad aakku uuadppignu, ag eɗun Kayak Bauklel, genab ele waappa daan nuhig uɗat hekkulagnu,

Hibru 10:31

Amu danab laa nug hipunin nuhignu, Kayak bauklel ele eppegppa epeɗiak aokkunu gokkunu am keeke hamu iitta. Keeke amuam keeke baɗak, uug naunab ele.

Josua 11:3

Nug ahilagppa me ukke, amu nug ele Kanan dilag king laih kaɗag uɗitteppanu, amu laih qaban uɗitteppanu ele batak, nug ahilagnu nai me ukkom. King amu ag am, Amo dilag king, Hit dilag king, Peres dilag king, Jebus dilag king ele, ag laih qauko qauko ele daappig. Amu nug Hiwi danab, ag Hermon qauko guguittak daappig, ahilagnu ele nai me ukkom. Wan atu amu onig Mispa.

Josua 12:8

Wan amuam wan maha qauko qauko ele, amu wan maha qauko nakok qauko okkai diigppa, Kanan wan ooppa qaban uɗitteppanu daatteb, amu atu onig Araba, aria qaukoppa wan laih laih oh qauko igippa tette, am atu taɗak Juda wanppa daatte, amu wan onig Negeb ele. Kanan danab ag aben amu ohppa daappig, ag am Hit danab, Amo danab, Kanan danab, Peres danab, Hiwi danab, amu Jebus danab ele. Imuam king anen anen Israel ag eɗadppig.

Josua 21:45

Yawe Nug Israel dilagppa aɗi keeke ena hekkunu nai ana qakkom amu, Nug aakku he, meu beum. Laippu laa meu ii oum am iitta.

Josua 22:31

Ag oolagppa ena, elele doona, mana mettak danab Pinias, Eleasar bekka, nug nai nob ma, Ruben, Gad amu Israel dilag huu okkai Manase mahaib dilag danab amelagppa aum. “Ag Yawe ippunikkomnu oo metta ii uuak kobol dim lamidkkulagnu ii uun, kobol nau ii heppig amunu, gemu ig doottem, Yawe Nug ig oh oonigppa aakku daatte. Amu gemu ag heeg, Yawe Nug ig Israel bu ii iqama,” awa aum.

Josua 24:11

Da anam hei, ag Jodan le mataɗna, Jeriko waeg, Jeriko danab ahaeg, ag ele ban heppig. Danab ameg kuɗum laala ele, ag ele ban heppig. Danab amu ag am, Amo danab, Peres danab, Kanan danab, Hit danab, Girgas danab, Hiwi danab, amu Jebus danab ele. Amge da hei, laa amu ag eɗadkkulagnu elele iitta daaeg, da ag eppelagppa maadmi.

Josua 3:9

Yawe Nug Josua amegppa anam a, Josua nug Israel danab ah amelagppa aum. “Ag inam dona, ag Yawe, ahilag Kayak, ag nuhig nai doyeg!

Josua 9:1

Aria, Jodan lenu qaban uɗitteppanu king oh ag aɗi keeke beumnu dooppig. King amu ag am Hit, Amo, Kanan, Peres, Hiwi, amu Jebus ele dilag king. King amu ag wan laih qauko qauko ele, amu qauko nakok qauko okkai diigppa daatteb, amuam laih qaban nedeppan wan laih, amu laih Mediterenia yu ihi ukka, Lebanon batakppa, ag appa daappig.

1 Samuel 17:26

⌊Ag nai amu mattieg, Dawit nug nai amu doya, genab madippigtai dookkunu,⌋ nug Israel ban danab laa guguitta dayom ele amegppa ana, oɗ metta aum. “Danab laa nug nob, Pilistia danab amu ele ban heya, Israel ted nug danab amu qeeb mauheb, amuppa nug heeb, uɗa nak nau guittak ele ihinigppa daatte iitta meeb amu, aria geha Saul nug keeke aɗi ena nuhignu hekku? Ele amu, Pilistia umu, nug am iitta aɗi laa amu, nug nukka nuhignu attem dabmette amunu, nug aha, Kayak bauklelnu ban danab ig, nug guhig ahaknu nai ihinignu ette,” awa aum.

1 Samuel 26:6

Dawit nug ukka ta, nug Saul, nuhikkud ban danab ele ag attem niitteb am anttom amunu, nug Hit danab onig Ahimelek, amu Seruia bekka Abisai, Joap amag amu, nug aa amelahppa aum. “Aa oolahppa, aun nug geha da ele haen tutu dayaknu aab kalak imuppa goɗa, Saul gumidɗa wakkunih?” awa oɗ matom. Nug anam oɗ me, Abisai nug nob ma aum. “Da geha na ele oh gokkunih,” awa aum.