Josua 3:1 - Nobonob Baibel

¹ Lokkumakppa atu italak danab aɗit aa eɗuya uɗiya, Josua gumidya uɗieh, deɗ amu uue, wagɗe buttua Josua ahe, nug Israel danab ah oh ele ag ahan, Sitim uun, Jodan leppa goppig. Ag gona, nakok dimppa ag Jodan le mataɗkkulagnu amu, ag aguppa haen tutu dayaknu aab kalan daappig.

Josua 3:1 Iomraidhean Croise

Genesis 21:14

Kayak Nug anam a amu, deɗ amu uue, wagɗe buttuanab Abraham nug ee laa, amu nippud doɗ gaɗappa hak ele awa, le ita, keeke amu oh Hagar gugappa mewowa, amu he gopiɗ. Hagar nug ukka ukka, atu taɗak onig Berseba, amuppa hamu oiyom.

Genesis 22:3

Kayak anam a, wagɗe buttuanab Abraham nug aha, keeke maknu donki gomeppa qakka, aab manaknu ofa haknu oppata me, Aisak, maɗi nid aɗit ele omalatte, aben Kayak aum, amuppa gokkulagnu goppig.

Sam 119:60

Nahip ɗo, da aɗi keeke hekkulnu atte amu, da pahanab dim lamitte hekkul. Da ameg mein daappi ukkeb haknu amu, da amu ii hepa.

Jeremaia 25:3

“Anukka Amon bekka Josaia nug Juda dilag king daye, nuhig king dayaknu maɗ 13ppa Yawe Nug digma he, da nuhig nai doomi. Da haen amuppa digmein dooi uɗie, maɗ 22 ukke, gemu am maɗ 23, amu maɗ 23 amu ooppa haen kuɗum Yawe Nug da, Jeremaia, Nug da nai laa meɗe doyeye, da Yawenu nai aɗi doomi amu, da ag amelagppa ami, amge ag daulag ii human dooppig.

Jeremaia 26:5

ag nai dahilad maɗi nid, ag propet, da ag maatti, ahilagppa haen kuɗum uɗin, nai mattieg ag ii dooppig, ag daulag human, amu dilag nai ii dooglag amu,

Jeremaia 7:13

Ag nau hak amu oh heegeg, da, Yawe, da haen kuɗum ag amelagppa ii hemananu ami, amge ag daulag human, nai ii dooppig. Da ag onilagppa emi, amge ag, ‘Ig iikku daattem,’ ii appig.

Maika 6:5

O danab ah dahilad, ag da, da Yawe, ag da kobol genab tutukku ele hanhan hettem dooglagnu, ag Moap dilag king Balak, nug ag Israel eheɗ hadakkunu dabmeum ele amu, ag nuhig nai nau amu dabmenana, ag Beor bekka Balam nug aɗi nai eɗua, Balak amegppa aum amu, ag amu oh dabmenan dayeg! Laa amu, ag Israel, ag Sitim daanna, ag ahan, Jodan le mataɗna, Gilgal goppig amu, ag amu ele dabmenan dayeg!” Yawe Nug anam awa atte.

Namba 25:1

Amu Israel ag Sitim appa daanna, Israel danab ag digmena, Moap ah ele niippig.

Mak 1:35

Aria, wagɗe buttuanab Jesus Nug lakkanu aha, aab uua, aben danab haen oh ii daattebppa ukka, unuqittatta dayom.

Josua 2:1

Israel danab ah ag aben onig Sitim appa daappig. Haen ag appa daanna, Nan bekka Josua nug lokkumakppa atu italak danab aɗit maate, Kanan wan lokkumya italkkulahnu gopiɗ. Nug aa Jeriko aab okkai italya autyanab aoglahnu aum. ⌊Jeriko am aab okkai, aɗ ele.⌋ Josua maate goya, Jeriko gopiɗ. Aa tuqan appa daaya, niiglahnu amu, aa ah laa, nug am ib baag ah onig Rahap, aa nug laugppa gopiɗ.

Josua 6:12

Ag anam heeg ukke, deɗ amu uue, wagɗe buttuanab Josua ahe, amu mana mettak danab ag baula Yawenu Tituanak Nainu Kunup maoppig.

Josua 6:15

Ag anam heeg ukke, deɗ eblaih aɗit ele haɗaedette, Israel ag ahana, aab okkai talilidna laippuppa tappa ukkak deɗ tatam tatam heppig bia heppig. Amge haen imuppa amu, ag haen eblaih aɗit ele talilippig.

Josua 7:16

Yawe Nug anam a, wagɗeb buttuanab amu, Josua nug Israel dilag huu okkai amu diia, Yawe noobppa wana me, Yawe Nug Israel dilag huu okkai Juda awom.

Josua 8:10

Amu ii wagɗeb buttuanab, Josua nug aha, nuhikkud danab diie, nug, Israel dilag ikki danab ele oh, ag ban hekkulagnu daup danab noolag aon, Ai goppig.

Ikki Danab 20:19

Israel ag anam doona, ag buttuanab ahan gona, Gibea guguittak haen tutu dayaknu aab kalappig.

1 Samuel 17:20

Jesi nug anam aum amunu, Dawit nug wagɗe buttuanab aha, nid laa sipsip gumaknu amegppa a gumattette, nug mameg aum bia nug ee awa, Israel dilag ban abenppa ukkom. Israel ban danab ag ban hekkulagnu ahan, ban haknu abenppanab gonana, ahilag ban hak ehanidkkunu ewak heegeg, haen amuppanab Dawit ukka teum.