Josua 24:11 - Nobonob Baibel

¹¹ Da anam hei, ag Jodan le mataɗna, Jeriko waeg, Jeriko danab ahaeg, ag ele ban heppig. Danab ameg kuɗum laala ele, ag ele ban heppig. Danab amu ag am, Amo danab, Peres danab, Kanan danab, Hit danab, Girgas danab, Hiwi danab, amu Jebus danab ele. Amge da hei, laa amu ag eɗadkkulagnu elele iitta daaeg, da ag eppelagppa maadmi.

Josua 24:11 Iomraidhean Croise

Genesis 15:19

Gemu amu, Ken danab, Kenis danab, Katmon danab,

Sam 105:44

Nug nuhikkud danab ah, wanppan wan laala danab Nug ii dim lamidppig ele, Nug amu dilag wan amu mattom. Ao, Nug wan amu matte, ag laa ee eppaladppig amu, ag meu amu tuqappig.

Sam 114:3

Le Kokoɗ nug uɗieg anatta, pahanab ib ha mattom! Jodan Lenu le ukkaknu ele uua, aben laippuppa qagmeum.

Sam 114:5

Aɗi heum amunu Le Kokoɗ ag ippulagppan qe meum? Aɗi heum amunu Jodan le ukkak uua, ameg laippu dayom?

Eksodas 13:5

Yawe Nug Kanan wan, wan amuppa Kanan danab, Hit danab, Amo danab, Hiwi danab, amu Jebus danab ag daatteb, Yawe Nug ag Israel ag wan amu madakkunu, ag mamelkad aɗi amelagppa nai ɠagattag qetta aum ele, wan amuam wan enanag, wan ittag ele, amuppa ee meu huana otte amu, Nug wan amuppa omalatteb tekkulag amunu, ag maɗ ohppa kalam imu doobob, ag deɗ imu dabmekkulagoitte.

Eksodas 23:23

Aɗinu? Amu engel dahil nug geha ag noolagppa anuqa ugakka, ag omalatteb gona, ag Amo, Hit, Peres, Kanan, Hiwi, amu Jebus aɗi dilag wanppa teppeg, da geha heppi, danab amu ag oh iitta mekkulag.

Eksodas 23:28

Da heppi, danab ag uun okkai baɗatteb bia, Hiwi danab, Kanan danab, Hit danab ele ag eheɗ baɗappeg, ag Israel ag ag lamadkkulag.

Eksodas 23:31

Am da ahilag wan tom amu oppatppi, tom amu laa am yu oɗe onig Akaba, appanu digma ukka, yu naɗi Mediterenia appa batak daakku. Tom laa am le naɗi Yupretis laih yawalti uɗitteppanu, appa digma ukka, atu taɗakppa laih yau uɗitteppanu, appa batak daakku. Amu danab appa daatteb amu, da geha ɠagattag ag ag eɗadkkulagnu madakkul amunu, haen ag wan amu ooppa nona, ag danab amu lamadppeg gokkulag.

Eksodas 3:17

Da kobol nau ag ahilagppa hetteb amu, da amu anidttem amunu, da imu genab hekkulnu nai ain qagattem. Da geha ag Israel, da ag Isip eppelagppanu diiatten, da ag omaladppi, ag gona, Kanan wan aon, ag appa daaglag. Gemu amu danab laala, ag am Kanan, Hit, Amo, Peres, Hiwi, amu Jebus danab ele amu, ag wan amuppa daatteb. Wan amuam enanag, wan ittag ele, amuppa ee meu huana otte,” ’ ” awa aum.

Eksodas 3:8

da dahilad danab ah ehanatten, ag Isip danab eppelagppa qagaiettak daamnanu, da omalatten goppi, wan okkai laappa gona, aon daaglagnu nemi. Wan amuam enanag, wan ittag ele, amuppa ee meu huan otte. Wan amuppa amu, gemu Kanan danab, Hit danab, Amo danab, Peres danab, Hiwi danab, amu Jebus danab ele daatteb.

Eksodas 33:2

Ag gobeppeg amu, da geha engel laa meppi, nug ag noolag awa, anuqa gokku. Amu nug geha heeb, ag Israel ag ⌊wan amuppan danab,⌋ ag am Kanan danab, Amo danab, Hit danab, Peres danab, Hiwi danab, amu Jebus danab ele, ag ag lamadkkulag.

Aposel 13:19

Nug diia uɗia, Kanan wanppa Nug huu eblaih aɗit ele ⌊Israel eppelagppa⌋ haatte nauheg, Nug wan ahilag awa, Israel matte, ag wan amu maɗ 450 anam daaegeg, ahilkad gumak danab, ag am epeɗiak danab, ag benan gumaegeg, ukke ukke, propet Samuel haenppa batak.

Aposel 7:45

Dimppa Josua nug ig mamelkad aɗi ag diie, Kanan wan imuppa uɗieg, Kayak Nug danab wan imuppa daappig ele amu lamattette, haen amuppa mettid haknu peh lag amu ag maon oippig. Aria, peh lag amu ippa dayeye ukke, dimppa Dawitnu haen batak.

Duteronomi 7:1

Haen Yawe, ahilag Kayak, Nug ag wan nona aon daaglagnu daatte, Nug amuppa omalatta noa, Nug geha heeb, ag Israel, ag wanppan wan laalanu danab ah appa daatteb ele, ag ag lamadkkulag. Danab amu ag am; Hit danab, Girgas danab, Amo danab, Kanan danab, Peres danab, Hiwi danab, Jebus danab ele. Danab ameg eblaih aɗit ele amu, ag am danab ɠagattag ele, ag eɗattak daatteb.

Josua 3:10

Kanan danab, Hit danab, Hiwi danab, Peres danab, Girgas danab, Amo danab, Jebus danab ele ag wan Jodan le imu heqo laihppa daatteb. Ag amuppa daan, wan amu gumatteb, amge Kayak bau daatte, Nug ag Israel oolagppa daatte, Nug heeb, ag Israel, ag danab amu lamadkkulag. Nug ag amu miagib ippuanatteb anidkkulagnu amu,

Josua 4:1

Israel danab ah oh ag anam Jodan mataɗna wana malappig. ⌊Amge amu ii nak haenppa⌋ Yawe Nug Josua amegppa inam aum.

Josua 4:19

Kalam digmaknu deɗ eblaih tanig eleppa, Israel danab ah ag aben Jodan le daugppa daappigppa amu uun, ahan gonana, aben laa onig Gilgal, appa ag haen tutu dayaknu aab kalan daappig. Aben onig Gilgal am wan laa, aab okkai Jerikonu tomnu kaɗag uɗitteppanu daatte, am wan amuppa, tom guguittak daatte.

Josua 4:23

Aɗinu? Yawe, ihinig Kayak, Nug he, Jodan le qaɗaietta, anamib dayeye, ig mataɗta, laih wamut. Yawe, ihinig Kayak, Nug anukka Le Kokoɗppa he, le qaɗaietta, anamib dayeye, ig mataɗta, laih wamut, amubia Nug Jodan leppa heum.

Josua 9:2

King amu ag keeke beumnu doon, ag ahan, ag ahilkad ban daup aɗaeg ooho, ag Josua, Israel ele ban hekkulagnu dabmeppig.