Josua 22:4 - Nobonob Baibel

⁴ Amu Yawe, ahilag Kayak, Nug he, gemu Israel dilag huu okkai laa imu oh ag kekeɗ dilag ii baɗan, ag maɗoɗ, enaib daatteb. Nug ahilagnu aɗi hekkunu nai qakka aum amu he, ag ahilag wan aon daatteb amunu, ag ahilag wan, wan amuam Jodannu le kaɗag uɗitteppanu daatte amu, ag ahan, ahilag wan amuppa gona daaglag. Yawenu maɗi nid Moses, nug ag wan amu mattom.

Josua 22:4 Iomraidhean Croise

1 Stori 22:18

nug aum. “Yawe, ahilag Kayak, Nug ag ele iite daatteb? Nug he, ahilag kekeɗ ag taliliadna daatteb ele, gemu ag ban hemananu toettan iite daatteb? Aɗinu? Yawe Nug he, danab wan imuppa daappig ele eɗatti, gemu wan imuam Yawenu, nuhig danab ah dilag ele daatte.

Eksodas 33:14

Moses nug anam a, aria Yawe Nug aum. “Da amu, da geha ag ele oh gokkunig, amu amuppa da na dahil oo maɗoɗ na medakkul,” awa aum.

Namba 32:18

Ig paha ii uɗimta, iitta. Ig daapput ukkeb, Israel oh ag wan, Yawe ag aulag daakkunu madakkunu aum ele amu, ag amu aon malan daappeg, ig eɗut uɗignig.

Duteronomi 12:9

Gemu ag anam hettebnu diig am, ag aben Yawe, ahilag Kayak, Nug ag madatte, ag amuppa ii wappig. Ag amuppa nona, ag appa gemu hetteb bia ii hemana. Wan amuam hik awak aben; ag aulag.

Duteronomi 29:8

Ig ahilah wan aot, Israel dilag huu okkai Ruben, Gad amu Israel dilag huu okkai Manase mahaib ele, ag aulag daakkunu mattamut.

Duteronomi 3:20

haen Yawe Nug ag maɗoɗ mattom bia Israel laala, ag Yawe, ahilag Kayak, Nug wan Jodan le mataɗa ukkak madatte, Nug ag matteb aoglag, ag lailkad appa ag maɗoɗ daatteb bia daappeg, ag eɗun, da ag wan madattem ele imuppa uɗiglagnu elele,” awe ami.

Hibru 4:8

Amu Josua nug danab amu Kayaknu hik awak mattalo amu, Kayak Nug dimppa deɗ laanu ii mattilo

Josua 1:15

ag wan ahilag, wan amuam Jodan lenu qaban uɗitteppanu daatte, Yawe, ahilag Kayak, Nug ag madatte ele amu, ag wan amu ahilag daakkunu aon malan, aguppa ena daappeg, ag eɗun uɗin, wan imuppa, wan imuam Jodan lenu kaɗag uɗitteppanu daatte, Yawenu maɗi nid Moses nug ag wan imu mattom amu, ag eɗun uɗin, wan imuppa daaglagnu elele daaglag,” awa aum.

Josua 12:6

Yawenu maɗi nid Moses, am Israel danab ele ag King Sihon, am King Og ele, ahilti danab ah ele eɗadppig. Eɗadna amu, Moses nug ahilag wan amu otia, Israel dilag huu okkai Ruben, Gad ele, amu Israel dilag huu okkai Manase mahaib ele ahilag daakkunu ag mattom.

Josua 13:15

Moses nug Israel dilag huu okkai Ruben, nug baegppan wan imu mattom.

Josua 13:8

Aria, Israel dilag huu okkai Manase mahaib, amu Israel dilag huu okkai Ruben, Gad ele, ag ahilag wan, Jodan laih kaɗag uɗitteppanu, ag aulag daakkunu amu, wan amu otia mattak, wan amu Yawenu maɗi nid Moses nug matu obata otia mattom.

Josua 22:3

Ban imu haen matu iitta ii meum, amge ag huu laala ag ahilkad kekeɗ ele ban heegeg amu, ag ii uuadna goppig. Ag Yawe, ahilag Kayak, nuhig ɗo tutukku dim lamitteg uɗie, haen gemu ele anamib daatteb.