Josua 22:13 - Nobonob Baibel

^13-14 Ag anam heppig, amge ag ii goppig daanna, ag Eleasar bekka Pinias, nug mana mettak danab amu, ag nug, aria Israel dilag ikki danab ebqak eblaih laih ele, ag nug ele Gileat wanppa gona, ag Ruben danab, Gad danab, amu Israel dilag huu okkai Manase mahaib danab ele, ag ag ele nai mattiglagnu maatte goppig. Danab okkai eblaih laih ele amu, ag am Israel dilag huu okkai eblaih laih ele anen anen dilag ikki danab. Ag Israel ooppan baelkadppan anen anen dilag ikki danab aakku.

Josua 22:13 Iomraidhean Croise

1 Stori 9:20

Anukkanab, Eleasar bekka Pinias nug od gumak danab okkai dayom. Nug daye, Yawe Nug ele daapiɗ.

Esra 7:5

Buki mameg am Abisua. Abrisua mameg am Pinias. Pinias mameg am Eleasar. Eleasar mameg am Aron. Aron nug mana mettak ikki danab dayom.

Eksodas 6:25

Eleasar, nug Aron bekka, nug Putiel aɗeg awe, nug Pinias menuom. Danab amu oh ag amu Israel dilag huu okkai Lewi ooppan aab ikki amu, ag ikkilkad danab aakku.

Prowerb 20:18

Na ulum nai awona, na aɗi hekkutnu maittak awe! Ao, na banppa gokkut dayeb amu, na ulum nai awona ukke!

Namba 25:7

Ukkaeheh, mana mettak danab Aron bekka Eleasar, nug bekka Pinias, nug danab ah amu omala, nug baekkudppa daappigppa ukke antta, nug Israel laa oh, mettid haknu peh lag danab ah appa qagmetteb ele, nug lag amu odppanu aha uuatta ukka, ban laa awa, nug danab amu dim lamitta, peh lagppa noum. Nug dim lamatta noa, ban ewa, aɗit oh yaalatom; danab atula ukka, ah amu ele oh atulatom. Nug anam he, oɗe nau danab kuɗum aqe mauhtteb ele, Kayak he, Israel dilagppa ba, ag aqaaqa dayom ele, oɗe amu aakku malom.

Namba 31:6

Ag babaittak daaeg amu, Moses nug maatte, bannu goppig. Amuam Israel dilag huu okkai anen anenppanu danab 1,000 otialattak ele. Nug he, mana mettak danab Eleasar bekka Pinias, nug ele oh goppig. Pinias nug mettid haknu peh lagppanu keeke laala, amu trampet, attem attem iwaladppeg ban danab ag dooglagnu am awe ele goppig.

Namba 32:1

Ruben buɗub, Gad buɗub, ele amu, ag makau, sipsip ele huana bekkadppig. Ag neegna amu, wan onig Jaser, am wan laa onig Gileat ele, wan aɗit amu aa gikkiɗah huana ele anatppig. Aben amuppa makau, sipsip ele daaglagnu enanag anidppig.

Matyu 18:15

Amu laa ele, na layap nug nahipnu eheɗ heeb amu, na goppe, aa aya daayya, nuhig eheɗ hak amu ippunidkkut. Ippunidppe, nug nahip nai dookku amu, nug na layap daakku.

Duteronomi 13:14

Anam beeb, ag amunu dooglag dayeb amu, ag hettoɗiak okkai, elelenab hekkulagoitte. Ag hettoɗiak anam henan, danab amu ag genab kobol amu, Kayak Nug kobol amunu ooppa uuaknab dootte ele, ag kobol amu ag oolagppa heppig anidkkulag dayeb,

Josua 24:33

Amu dimppa amu Aron bekka Eleasar nug mauhe, ag nug Gibea appa boumppig. Aben amuam Epraim wanppa, qauko qauko daattebppa dayom. Ag nug bekka Pinias wan amu matu mettaeg, ag Eleasar appa boumppig.

Ikki Danab 20:12

Am Israel ag anam daanna, ag nai meeg, Israel dilag huu okkai Benyamin dilagppa ukke appig. “Ag oolagppan danab laa eheɗ hak naunab laa heppig!

Ikki Danab 20:28

Eleasar bekka Pinias, Aron alag, nug appa, Tituanak Nainu Kunup guguittak, Yawe noobppa mana mettak danab dayom. Amu Israel ag Yawe oɗ medappig. “Ig lainkad Benyamin ele baula ban hekkunigte, o iitta, ig uugnigtai,” aon od mettan appig. Ag anam oɗ meeg, Yawe aum. “Ag goppeg, ag ele ban heig! Butti amu, da ag eppelagppa maadkkul,” awa aum.