Josua 2:6 - Nobonob Baibel

⁶ Danab king he uɗippig amu, Rahap nug amelagppa anam aum, amge nug matu lokkumakppa atu italak danab aɗit amu diiata, lag koɗokko, uɗem ukkak amuppa lokkumatom. Nug plaks gumu lag koɗokkoppa duqak niitte, amuppa tonata lokkumatom.

Josua 2:6 Iomraidhean Croise

2 Samuel 11:2

Dayaya, tueb laappa Dawit nug niiak aben nuhigppanu aha, nug laug, koɗokko uɗem ukkak ele amuppa ta oiyom. Nug oiyaya, neekke ukke, nug ah laa le layeye anttom. Ah amu nug iɗu tuqaknab ele.

2 Samuel 17:19

Aa amuppa noeh, lag amu mameg wau nug le moɗ amu ameg tonaknu keeke awa, amuppa ameg tona, nug ee aeg ele awa, ameg tonaknu keeke ee aeg amu ele tonom amunu, danab laa nug neekkeb ukkeb, le moɗ uukku daatte ii anidma.

1 King 18:13

Haen Jesebel nug Yawenu propet danab aqe mauheg amu, da Yawenu propet danab 100 men oɗe okkai laalappa diie, lokkumatti daappig. 50 laa da men oɗe laappa lokkumattoya, 50 laa am men oɗe laihppa lokkumatti daappig. Maatti daaegeg, da ag ee, le ele mattai lappig. Am na da amu hemi amu, na doottemtai?

1 King 18:4

Amu haen kuin Jesebel nug Yawenu propet danab aqeeqe, Obadaia nug propet danab amunu 100 diia, men oɗe aɗit, amuppa lokkumattom. Nug propet danab 50 laa amu men oɗe laappa lokkumattowa, 50 laa amu men oɗe laappa lokkumatte daaegeg, bret, le ele matte, lanan daappig.

2 King 11:2

Amge ag laippu ii qeppig. Atalia nug he, laa ag oh Juda dilag king ele tiig laippu aqappeg mauhkkulagnu heegeg, King Jehoram aɗeg laa Jehoseba, nug Ahasia ele aa am eappinag, nug Ahasia bekka Joas lokkuma awa, nug ah Joas gumom ele, Atalia nid amu qeeb mauhmanu, nug niiaknu oo laappa lokkumate, ag nug qeeg ii mauhom.

Eksodas 2:2

Aa ewau beya daapiɗ, dimppa ah amu nug oo ele daya, nug nid danab laa menuom. Menua, nug nid yuɗ amuam nid ena antta, nug kalam ewam lokkume dayom.

Jeremaia 36:26

King nug danab ewam dilag nai doya, kobol ena laa ii heum. Iitta. Nug nug bekka laa Jeramel, Asriel bekka Seraia, amu Apdel bekka Selemia ele, ag ahan gona, yaak danab Baruk, amu propet danab Jeremaia ele aɗalatna, maniguittakppa maatkkulagnunab amelagppa aum. Nug ag amu hekkulagnu aum, amge Yawe Nug danab aɗit amu lokkumatom amunu, ag mattialatna anatkkulagnu elele iitta.

Matyu 24:17

Danab nug nuhig lag koɗokko uɗem ukkakppa daatte, nug aguppa dayaya, nug oolkkunuib dabmaama, nug lag ooppa noa keeke aib awom. Iitta! Nug oola ukkaɗ!

Duteronomi 22:8

Amu haen na lag bau henana, na at, lag koɗokko uɗem ukkak taliliattak hekkutoitte. Anam hak dayeb, laa nug na qa mauhkku dayeb amu, amuam na, na baenadppa ele, am ag beɗulagppa iitta. Ag amunu oolagppa aab iitta daaglag.

Kolosi 3:3

Aɗinu? Ag oolagppa genab dooppig, haen amuppa ag wan imuppan oiyak nau am uuna, gemu ag Kristusnu uɗatppa bauklel aoeg, Kristus Nug bauklel amu atognoowo, Kristus, ag ele, ag oh Kayak ouqak daatteb.

Hibru 11:23

Moses anig mameg ele aa ele Kayaknu oolahppa genab doopiɗ amunu, anig nug Moses menue, nid enanag anidya, kalam ewam lokkumeh niittom. Aa Paronu oolah ii baɗeɗe hepiɗ.

Jems 2:25

Amubianab amu ib imuag ah onig Rahap, nug danab Josua he gopiɗ ele amu, nug aa diiata, laugppa atognoata, aab amuppan danab anatmananu ib laih maate goya, aben laappa dayoya, eɗuya, aa abenlahppa gopiɗ, diig amunu Kayak Nug Rahapnu, “Genab tutukku hak ah,” awa aum.

Josua 2:5

Tuqan aab okkai aɗnu od manak haenppa danab amu gopiɗ. Da ib attem gopiɗ amu, da ii doottem. Paha dim lamateg! Aɗinu? Ag anam hekkulag amu, ag anatna aɗalatkkulag,” awa aum.

Josua 2:7

Rahap nug anam a, kingnu danab ag aab okkai uun, dimittim gona, lokkumakppa atu italak danab aɗit mattialatppig. Ag gona, ib laa Jodan leppa gotte, ag ib amuppa neekkeg ukke, Jodan leppa, le baag qak daattebppa batappig. Amu haen ag aab okkai uun, dimittim ukkaeg amu, danab ag aabnu aɗ od maippig.

Josua 2:8

Danab aab okkaippanu ag anam heppig, amge lokkumakppa atu italak danab aɗit aa ii niipiɗppa, Rahap nug lag koɗokko uɗem ukkakppa ta, amelahppa aum. “Yawe, Nug wan imu ag Israel danab ah mattom, ig ahilagnu baɗattem; ge, ig, ig wan imuppan danab ah oh, ig ahilagnu baɗak okkai doottem amu, da amu doottem.

Josua 6:25

Amu Rahap nug lokkumakppa atu italak danab, Josua maate Jeriko gopiɗ ele, nug aa diiata lokkumatom amunu, Josua nug ib baag ah Rahap, am nuhigppan ele, ag nug laugppa oh daappig ele, nug ag diia atognoattom. Josua anam he, Rahap nug haen amuppa Israel oolagppa digma daye uɗie uɗie, gemu ⌊nai imu yaak haenppa⌋ ele, nug Israel oolagppa daatte.