Josua 2:4 - Nobonob Baibel

⁴ Kingnu danab ag uɗin, Rahap amegppa anam appig, amge Rahap nug matunab danab aɗit diiata lokkumatom amunu, nug aum. “Genab, danab ippa uɗipiɗ, amge da aa adeppanunab ippa uɗipiɗ amu, da ii doomi.

Josua 2:4 Iomraidhean Croise

2 King 6:19

Yawe anam he, Elisa nug Aram ban danab gumatta ukka, inam amelagppa aum. “Ag aab laa, amuppa gokkulagnu oolag daatte ele, ib amu ag ootot aqom. Imuam aab ag gokkulagnu hetteb ele, am aab amu iitta. Ag ib imuppa aab amuppa gokkulagnu, am ele elele iitta. Amge ag ahan, da dim lamiɗppeg, geha da ag omaladppi gota, danab ag anidkkulagnu maditteb ele amu, ag anidkkulag,” awa aum. Nug anam awa a, ag ahan, Elisa dim lamitteg, nug ag omalatte, Samaria aab okkaippa goppig.

Eksodas 1:19

Nug anam a, aria ah aɗit aa Paro aum, aa amunu amegppa inam apiɗ. “Amunu diig am iikku. Hibru ah, ag am Isip ah ele diilag laippu iitta. Hibru ah ag ah ɠagattag; ag nid menuglagnu ii bahi qetteb, paha menutteb. Ag anam hetteb amunu, i geha ukkauɗuɗ, ag nid menutteb,” aoya apiɗ.

Jems 2:25

Amubianab amu ib imuag ah onig Rahap, nug danab Josua he gopiɗ ele amu, nug aa diiata, laugppa atognoata, aab amuppan danab anatmananu ib laih maate goya, aben laappa dayoya, eɗuya, aa abenlahppa gopiɗ, diig amunu Kayak Nug Rahapnu, “Genab tutukku hak ah,” awa aum.

Josua 2:3

King Jerikonu nug anam doya, nug danab he, nai inam aon, Rahap gumidna gona, nug amegppa appig. “Danab na lautppa daattep amu, aa am wan imu oh lokkumakppa italkkulahnu uɗipiɗ amunu, na omalatppe, dimittim uɗipeɗ, aqatpput mauhkkulahnu mekke,” aon appig.

Josua 2:5

Tuqan aab okkai aɗnu od manak haenppa danab amu gopiɗ. Da ib attem gopiɗ amu, da ii doottem. Paha dim lamateg! Aɗinu? Ag anam hekkulag amu, ag anatna aɗalatkkulag,” awa aum.

Josua 6:17

⌊Am tatam nug ag amelagppa inam aum.⌋ “Aab okkai ooppa amu, danab ah, keeke ele oh am Yawenuib nuhig pelemppa daatteb. Ib baag ah Rahap, nug ihinkad lokkumakppa atu italak danab diia atognoatom amunu, nug, nug laugppan laala ele ag aakkuib anam ii daamana.

Josua 6:25

Amu Rahap nug lokkumakppa atu italak danab, Josua maate Jeriko gopiɗ ele, nug aa diiata lokkumatom amunu, Josua nug ib baag ah Rahap, am nuhigppan ele, ag nug laugppa oh daappig ele, nug ag diia atognoattom. Josua anam he, Rahap nug haen amuppa Israel oolagppa digma daye uɗie uɗie, gemu ⌊nai imu yaak haenppa⌋ ele, nug Israel oolagppa daatte.