Josua 2:1 - Nobonob Baibel

¹ Israel danab ah ag aben onig Sitim appa daappig. Haen ag appa daanna, Nan bekka Josua nug lokkumakppa atu italak danab aɗit maate, Kanan wan lokkumya italkkulahnu gopiɗ. Nug aa Jeriko aab okkai italya autyanab aoglahnu aum. ⌊Jeriko am aab okkai, aɗ ele.⌋ Josua maate goya, Jeriko gopiɗ. Aa tuqan appa daaya, niiglahnu amu, aa ah laa, nug am ib baag ah onig Rahap, aa nug laugppa gopiɗ.

Josua 2:1 Iomraidhean Croise

Genesis 42:9

Ele amu, Josep awakkud ag Josep noobppa teeg, Josep anatta, nug anukka ahilagnu tul niiom, tul niiak amu nug daugppa doum. Aria, anam amu, nug ag amelagppa aum. “Ag am lokkumakppa atu italak danab. Ag ig wanenig laih atten ban haknu daup iitta, ag amu anidkkulagnu uɗippig,” awa aum.

Maika 6:5

O danab ah dahilad, ag da, da Yawe, ag da kobol genab tutukku ele hanhan hettem dooglagnu, ag Moap dilag king Balak, nug ag Israel eheɗ hadakkunu dabmeum ele amu, ag nuhig nai nau amu dabmenana, ag Beor bekka Balam nug aɗi nai eɗua, Balak amegppa aum amu, ag amu oh dabmenan dayeg! Laa amu, ag Israel, ag Sitim daanna, ag ahan, Jodan le mataɗna, Gilgal goppig amu, ag amu ele dabmenan dayeg!” Yawe Nug anam awa atte.

Namba 13:1

Amu Yawe Moses amegppa aum.

Namba 13:2

“Danab laala ag Kanan wan, da ag Israel madattem amu, ag tutukku anidkkulagnu maadppe ukkeg! Israel dilag huu okkai anen anen, huu amu ag tatam beppig daatteb amu, na anen anen amuppanu, ikki danab laippu tituanadna maadppe, ag gona wan anidkkulag,” awa aum.

Namba 25:1

Amu Israel ag Sitim appa daanna, Israel danab ag digmena, Moap ah ele niippig.

Namba 33:49

Ag Moap uɗemppa Jodan le guguittak haen tutu dayaknu aab kalan daappig amu, ag amuppa aab elab kalappig. Ag digmak Bet Jesimot appanu daaeg ukka, Abel Sitim waum.

Matyu 1:5

Salmon wau Rahap ele, aa bekkalah am Boas. Aria, Boas wau Rut ele, aa bekkalah am Obet. Obet bekka am Jesi.

Matyu 10:16

Doyeg, da ag maatti, ag sipsip wulp oolagppa gotteb bia gotteb amunu, ag dabmak tutukkunab aona, keeke heig! Amu ele ag keeke oh qinonob henana, kobol nau laa hekkulagnu aib dabmeppig.

Epesus 5:5

Aɗinu? Ag dootteb, gappai danab, danab nug ooppa oppiaawak iitta, amu baubau awaknu hik qak danab, danab amu nug kayak hambuppuak dim lamidtte, danab amunu laa nug Kayak, Kristus ele dilah ɗo maɗoɗ ooppa ii daama.

Hibru 11:31

Rahap, nug am ib baag ah, nug Kayak aɗi hekkunu aum doya amu, nug Kayaknu ooppa genab doyom amunu, nug lokkumakppa atu italak danab aɗit laa, aab italaknu uɗipiɗ ele, nug aa ele laippu dayaknu ooppa eleleib doya ehanatom amunu, nug padal mak eheɗ hak danab ag aoppig ele amu, nug amuppa padal ii meum.

Jems 2:25

Amubianab amu ib imuag ah onig Rahap, nug danab Josua he gopiɗ ele amu, nug aa diiata, laugppa atognoata, aab amuppan danab anatmananu ib laih maate goya, aben laappa dayoya, eɗuya, aa abenlahppa gopiɗ, diig amunu Kayak Nug Rahapnu, “Genab tutukku hak ah,” awa aum.

Josua 1:18

Ig hepput, aun laa nug nahip haknunab nai tappeb nekku amu, nug mauhkku. Amge laippuib na hekkutnu daatte amu, na ɠagattag daanna, ootppa ɠagattag doye!” aon appig.

Josua 2:2

⌊Amge danab laa doyata,⌋ Jerikonu king amegppa aum. “Antte! Israel danab aɗit laa tueb imu ippa uɗipiɗ. Aa ihinig wan lokkumakppa italakkulahnu uɗipiɗ,” awa aum.

Josua 21:31

Helkat, amu Rehop ele, aab amunu gikkiɗah dad okkai ele madappig. Aab amu oh ebqak amu waɗele.

Josua 3:1

Lokkumakppa atu italak danab aɗit aa eɗuya uɗiya, Josua gumidya uɗieh, deɗ amu uue, wagɗe buttua Josua ahe, nug Israel danab ah oh ele ag ahan, Sitim uun, Jodan leppa goppig. Ag gona, nakok dimppa ag Jodan le mataɗkkulagnu amu, ag aguppa haen tutu dayaknu aab kalan daappig.

Josua 5:10

Israel ag Gilgal appa Jerikonu uɗem okkaippa haen tutu dayaknu aab kalan daappigppa daanna, kalam amuppa, deɗ 14ppa amu, deɗ amu tueb ag Pasowanu Hobul gamag ahak ele heppig.

Ikki Danab 1:23

Amu Josep buɗub ag amu henana, ag lokkumakppa atu italak danab matteg, Betel, anukka danab ah ag aab amunu Lus adappig amu, ag Betel italkkulagnu appa oinna,

Ikki Danab 18:14

Ag appa gona tena, danab tanig ele ag tatam lokkumakppa Lais atuppa gona italppig ele ag, ag laa amelagppa appig. “Uppa uma lag laappa amu, lamen enanag-epod laa, kayak hambuppuak dottolkad danab ag laulkadppa maatteg daatteb, kayak hambuppuak dottog laa adppa hoiyak, aria kayak hambuppuak dottog laa, silwappaib hak laa ele daatte amu, ag doottebte? Am ag attem haknu amu, ag dabmena hekkulag,” aon appig. ⌊Ag anam aeg amu, Dan danab ag kayak hambuppuak amu ele akkan gokkulagnu dabmeppig.⌋

Ikki Danab 18:17

Aakku lokkumakppa atu italak danab tanig ele ag tena, nug humidna, ag kayak hambuppuak dottog adppa hoiyak, lamen enanag-epod, kayak hambuppuak dottolkad danab ag laulkadppa maatteg daatteb, amu kayak hambuppuak dottog silwappaib hak amu ele agappig. Ag amu heegeg amu, mana mettak danab amu, aria ban danab 600, ag bannu keeke ahilkad aɗan daappig amu, ag oh aɗnu odppa daappig.

Ikki Danab 18:2

Ag anam heegeg, Dan danab aab Sora amu Estaol ele, appanu ag ban danab ɠagattag tanig ele, ahilag aab ikkippan otiadna, maatteg gona, ag lokkumakppa atu italna oinna, ag wan adekkuppa daaglagnu neegna oippig. Ban danab ɠagattag amu ag oinna gona, Epraim wanppa, qauko qauko daattebppa tena, ag ukkaeg, Maika laugppa, appa tuqan laippu nug ele daappig.