Josua 12:22 - Nobonob Baibel

²² Kedes dilag king, amu Jokneam dilag king, Karmel appanu ele.

Josua 12:22 Iomraidhean Croise

1 King 4:12

Ahilut bekka Bana, nug am aab Tanak, Megido amu Betsan ele, amu wan aab ewam amu taliliattak daatteb, amu gumom, amge nug Betsannu wan taliliak amu nug laihigib gumom. Laih nug gumom am wan Saretan guguittak, Jesrilnu yau uɗitteppanu, laih amu, aria Betsannu ukka Abel Mehola, ukka Jokmeam batak.

Aisaia 35:2

Keeke kuɗumnab atu taɗak appa mappatadppeppeg, wan amuam bala mabatak ena ele, amubia enanag daakku. Wan amunu keeke oh danab nug oo gamag ahak doyaya, baag okkainab ele ahi edatte, amubia wan amunu keeke oh ag danab daaloblob am gamalag aheb, ahi ettalob. Yawe Nug heeb, gemu laih atu taɗak daatte amu, atu amu qinob Lebanon wan binag ele daatte, am binag amubia ele daakku. Ao, Yawe Nug heeb, atu taɗak amu, am qauko Karmel, uɗem naɗi onig Saron ele, aa aben enanagnab, onig ele, am wan amubia daakku. Yawe Nug heeb, atu amu anam bekku amunu, danab ah atu ohnu ag anam anidna, ag Yawenu binag amahlak oppiaawak ele anidkkulag. Ao, ag Kayak, Nug am ihinig Kayak, ag nuhig ɠagattag okkai naɗi ele anidkkulag.

Jeremaia 46:18

Yawe Nug Jeremaia amegppa anam ana, nug imu ele Jeremaia amegppa a, nug Isip dooglagnu aum. “Yawe Nukka Ɠagattag Oh Ele, Nug King, Nug inam atte. ‘Da genab bau daattem, genab amubia laa nug ɠagattag okkainab uɗieb, Isip ele ban hekkulag. Laa uɗikku amu, nug laa eɗattak daatte. Aɗinu? Nug qauko onig Tabor, qauko laala ooppa daatte, amge danab nug neekka antta, qauko laa ii dabmette, amubia nug laa eɗattak daatte. Ao, nug qauko onig Karmel, yu guguittak daatte, danab nug neekka antta, keeke laa ii dabmette, amubia nug laa eɗattak daatte.

Josua 12:21

Tanak dilag king, amu Megido dilag king ele.

Josua 15:23

Kedes, Hasor, Itnan,

Josua 15:55

Amu Josua, nuhig ehanittak ele ag aab laala ele Juda madappig. Aab amuam Maon, Karmel, Sip, Juta,

Josua 19:11

Sarid appanu amu, tom ukka, qaban uɗitteppanu ukka, Mareal wanppa ukka, Dabeset aab beeppa waum. Appanu amu tom ukka, atu oolnu noak nakok Jokneam guguittak waum.

Josua 19:37

Kedes, Edrei, Enhasor,

Josua 20:7

Yawe Nug anam aum amunu, Israel danab ag ii doyaya laa qe mauhomnu ehanattak aab daaglagnu tituanadppig. Aab ag tituanppig ele amu, laa am Galili appa aab Kedes, aab amuam Naptali wanppa, qauko qauko daattebppa dayom. Laa am Sekem. Sekem am Epraim wanppa qauko qauko daattebppa dayom. Laa am Kiriat Arba, onig laa am Hebron. Nug Juda wanppa qauko qauko daattebppa dayom.

Josua 21:32

Ag amu mattona amu, Israel ag aab laala Israel dilag huu okkai Naptali wanppanu ele madappig; amuam Galili appa aab Kades, Hamotdor, amu Kartan ele. Ag aab amu, amu aab amunu gikkiɗah dad okkai ele madappig. Galilinu aab Kedes am danab nug ii doyaya laa qe mauhomnu ehanittak aab okkai laa. Aab amu oh ebqak amu ewam.

Josua 21:34

Israel ag Gerson buɗub aab anam mattona, ag ag Lewi buɗub laa Merari, nug buɗubnu baelkadppa ele aab madappig. Ag Israel dilag huu okkai Seblonnu aab laala madappig. Amuam ag Jokneam, Karta,

1 Samuel 25:2

Aria, enub danab laa, nuhig en am okkainab ele, nug onig am Nabal. Nabal nug am Kalep huuppan danab, amu nug appag diig am atu onig Maon, appa. Nug wau onig amu Abigel. Abigel nug iɗu tuqak enanag; nug dabmak pahaettak ele, amge Nabal nug am danab oo nauhe oiyak ele. Nug laa guittak paha medakkunu ha oiyom. Nabal nug meeme 1,000 am sipsip 3,000 ele. Anam amu, nug nuhig wan maha laa aab Karmel guguittak dayom, amu haen laa nug appa sipsip uɗilag hoyak uɗat heum.