Josua 11:1 - Nobonob Baibel

¹ Haen Hasor dilag king, Jabin, nug kobol beum amu doya, nug oo qeqaɗak nai laa me, king imu dilagppa ukkom; Madon dilag king Jobab, Simron dilag king, amu Aksap dilag king ele.

Josua 11:1 Iomraidhean Croise

2 Samuel 10:15

Aria, Israel heeg, Aram dilag daup ag oolppig, Aram ag amu anidna, ag ahilag daup ag eɗun ban hekkulagnu dabmena, ag heeg, daup ag baula qagmeppig.

1 King 4:11

Ben Abinadap, nug Solomon aɗeg laa onig Tapat, nug awom, nug am aab Napot Dor, amu wan aab amu taliliom ele, amu gumom.

1 King 9:15

Amu King Solomon nug danab kuɗum ag ɗo waappa kingnu uɗat haknuib daappig diiom. Am amunu nai am iikku. Nug diia he, ag Yawenu mettid lag buuona, ag Solomon, nuhig lag enanagnab buuna, amu Jerusalem talilidkkunu aɗ ele itappig. Nug ele he, ag wan itan meeg, aben laa aakku elele beum. Amu Solomon nug he, ag aab Hasor kalan, aab Megido kalan, amu aab Geser ele kalappig.

2 King 15:29

Haen Peka nug king dayeye, Tiklat Pileser, Asiria dilag king, nug banelag uɗia, Israel eɗatta, nug ahilag aab Iyon, Abel Betmaka, Janoa, Kedes, Hasor ele oh diia, nug Gileat wan, Galili wan, amu Naptali wan oh ele awa, nug danab ah aab, o wan amuppa daappig am diia, Asiria ukka he, ag aguppa daappig.

Aisaia 26:11

O Yawe, na nau hak danab ah ele nob nau madakkutnu na eppen humame daattem, amge ag amu ii dabmetteb. Anam amu, na nahipad danab ah ehanadkkutnu yag-nab-bak doottem ippunadppe, nau hak danab ag amu anidna, dabmak eheɗ aoppig dooppeg, uɗalag nekkunu ool daatte! Ge, na heppe, aab aɗu na nahipad kekeɗ dilagnu bappaidme amu, aab aɗu amuam hipunin danab ah ewadkkunu oɗ medattem.

Aisaia 43:2

Ag dahilad daatteb amunu, haen uug nau, uug amuam danab nug le umanab noa ukkak mataɗa laih gotte, amubia uug nau amu ahilagppa bekku amu, da ag ele daagnig. Ag dahilad daatteb amunu, haen uug nau, uug amuam danab nug le ui ele mataɗa laih gotte, amubia uug nau amu ahilagppa bekku amu, da ehanatten heppi, ag nena ii qemana. Ag dahilad daatteb amunu, haen uug nau, uug amuam danab nug aab aɗuppa oiyaya gotte, amubia uug nau amu ahilagppa bekku amu, da ehanatten heppi, ag aab ewakppa guittak ii aomna. Ge, aab aɗu amu ewattebeb, ag guittak ii aomna.

Josua 10:43

Anam daye amu, Josua nug Israel ban danab ele ag eɗun, ahilag haen tutu dayaknu aab kalappigppa, Gilgal appa goppig.

Josua 11:10

Aria, Josua nug kekeɗ lamattaknu eɗua uɗia, nug aab Hasor eɗitta, nug Hasor dilag king qep elabppa qeum. Aɗinu? Hasor am kekeɗ haen amuppa ban heppig ele amu, am ahilkad aab okkai dilag aab anuqak dayom.

Josua 12:19

Madon dilag king, amu Hasor dilag king ele.

Josua 12:20

Simronmeron dilag king, amu Aksap dilag king ele.

Josua 19:36

Adama, Rama, Hasor,

Josua 9:2

King amu ag keeke beumnu doon, ag ahan, ag ahilkad ban daup aɗaeg ooho, ag Josua, Israel ele ban hekkulagnu dabmeppig.

Ikki Danab 4:17

Amu Barak nug nuhig daup ele ag Siseranu ban danab aqaegeg amu, Sisera nug oola ukka, Ken danab Heber wau Jaelnu pehppa noum. Aɗinu? Heber baekkudppa ag amu Hasornu King Jabin ele, ag oolagppa maɗoɗ dayom amunu, Sisera nug oola, appa ukkom.

Ikki Danab 4:2

Ag eheɗ heppig amunu, Yawe nug ag diia, King Jabin eppegppa meum. Nug am Kanan dilag king; nug Hasor dayom. Nuhig ban daup ikki am Sisera. Sisera nug am Haroset Hagoim, appa daattom.

Ikki Danab 5:19

King ag uɗin, ag ban heppig. Ao, Kanan dilag king ag uɗin, ban heppig. Ag uɗin, aab Tanak, Megido lenag naunau guguittak, appa ag ban heppig. Ag uɗin ban heppig, amge ag ban ii eɗidna, ag silwa laa, o aɗitai keeke ena laa ele ii aon goppig.