Josua 10:6 - Nobonob Baibel

⁶ Ag anam heeg, Josua nug Gilgal appa dayeye, Gibeon ag nai nuhignu laippun meeg ukkom. Nai meeg ukke appig. “Amo dilag king oh ag laih qauko qauko eleppa daatteb ele, ag aɗaeg o, ig banenig uɗin daattebde! Anam amunu, na pahanab uɗin, ig ehanikke! Na ig, nahip maɗi nid maɗi ah ele, na ig aib uuigme. Ig padal mematanu uɗin ehanikke!” aon appig.

Josua 10:6 Iomraidhean Croise

2 King 4:24

Aria, ah nug paha dayaknu keeke donki qaɗeppa ma qakka, attan ta, nug maɗi nid amegppa aum. “Haen i goɗaɗa amu, na heppe, donki nug paha paha ukkaɗ! Donki heppe, qinonob gokkunu ool dayeb amu, geha da na amenppa akkul,” awa aum.

Sam 125:2

Qauko ag Jerusalem talilidna daaeg, kekeɗ ag banenig uɗin, Jerusalem tekkulagnu ib ena iitta, amubia Yawe Nug danab ah nuhikkud taliliatta atognoadtte; gemu am hanhan ele anamib daatte.

Aisaia 33:22

Aɗinu keeke amu bekku? Yawe Nug ihinig gumak danab daatte. Nug ɗo nuhig ig megatte. Yawe Nug ihinig king daatte. Nug ehanikkebeb padal ii memata.

Namba 13:29

Amu Amalek danab ag wan amuppa, wan laih onig Negeb, ag appa daatteb. Hit danab, Jebus danab, amu Amo danab, ag am wan laih qauko qauko eleppa, appa daatteb. Kanan danab, ag amu yu guguittak, amu Jodan le naɗi daugppa daatteb,” aon appig.

Luk 1:39

Engel ukke haen amuppa Maria nug aha, paha Juda wanppa qauko qauko daattebppa, appa aab laappa ukkom.

Duteronomi 1:15

amunu, da ag Israel da ahilkad huu okkai anen anen oolagppan ikki danab ag epeɗiadppig ele, ag am danab doyak dabmak ena ele, danab ag Israel, ag ahilagnu ena elele dooppig amu, da danab amu ag Israel danab ah ameg laala 1,000, ameg laala 100, ameg laala 50, amu ameg laala 10 dilag okkai danab daan gumadkkulagnu, ag ahilkad huu okkaippan ehanittak anuqak danab ele daaglagnu otiadmi.

Josua 10:5

Nug nai anam me ukke, Amo dilag king tanig ele amu, amuam aab Jerusalem, Hebron, Jarmut, Lakis amu Eklon ele, ahilkad king, ag nai amunu oolag laippu mena, ag laippu daaglagnu qagmena, ag oh aɗa mak gona, Gibeon ele ban hekkulagnu dabmeppig. Anam amu, amu dilag king ag heeg, ban daup ahilkad oh ag aben ban hekkulag ele, ag amuppa teeg, ag Gibeon ele ban heppig.

Josua 10:7

Gibeon ag nai anam aeg, Josua nug Israel ban daup oh ele ag Gilgal uun, ahan Gibeon danab ehanadkkulagnu goppig. Ban danab ena ena oh, amu ag oolagppa daappig.

Josua 21:11

Ag aab Kiriat Arba, onig laa Hebron, Juda wanppa qauko qauko daattebppa dayom amu, ag aab amu, amu aab amunu gikkiɗah dad okkai ele madappig. Arba amu Anak mameg.

Josua 5:10

Israel ag Gilgal appa Jerikonu uɗem okkaippa haen tutu dayaknu aab kalan daappigppa daanna, kalam amuppa, deɗ 14ppa amu, deɗ amu tueb ag Pasowanu Hobul gamag ahak ele heppig.

Josua 9:15

Ag anam hena, Josua nug ahe, ag ele maɗoɗ daaglagnu nug tituanna nai qagappig, amu Israel dilag ikki danab ag nai qakkak amu aɗi aum amu, ag anamnab hekkulagnu ahilag nai ɠagattag qettan appig.

Josua 9:6

Ag Gilgal appa Israel dilag haen tutu dayaknu aab kalakppa tena, amu ag Josua, am Israel danab ele inam iikku amelagppa appig. “Ig ag ele maɗoɗ daagnignu, ig nug tituanta nai qakkagnignu oɗ mattagnignu wan umanabnu ahat uɗimut,” aon appig.

Josua 9:8

Israel ag anam appig, aria Hiwi danab ag appig. “Ig ahilkad maɗi nid daagnignu hettem,” appig amunu, Josua oɗ matta aum, “Ag am atteg? Ag adeppanu uɗippig?” awa oɗ mattom.