Josua 10:3 - Nobonob Baibel

³ Ag baɗappig amunu, Jerusalem dilag king Adoni Sedek nug nai awa ukkak danab maatte, king laala dilagppa nai aon goppig. King amu ag am, Hebron dilag king Hoham, Jarmut dilag king Piram, Lakis dilag king Japia, Eklon dilag king Debir ele.

Josua 10:3 Iomraidhean Croise

Genesis 23:2

nug Kanan wanppa aab onig Kiriat Arba onig laa Hebron, nug appa mauhom. Mauhe amu, Abraham nug Sarah mahidkkunu ukkom.

Genesis 37:14

Josep anam a amu, Jakop nug amegppa aum. “Na gona, awanad anatte! Ag ena daattebtai, amu doɗ ag ele ena daattebtai, na amu anatte! Anattona amu, na eɗun uɗin, appe dookkul,” awa aum. Anam awowa nug he, Josep nug Hebronnu oolnu noak uua, Sekem gokkunu ukkom.

2 Samuel 2:11

Ag nug dim lamittegeg, Dawit nug Hebron appa maɗ eblaih aɗit, kalam eblaih laippu ele Juda dilag king dayom.

2 King 18:14

Anam daye, Asiria dilag king Senakerip nug Lakis aab okkaippa dayeye, Hesekaia nug nai inam me ukkom. “Da eheɗ hemi doottem, amge na geha da iwak uuna, wan dahil uun gokkutnu ool daatte. Na anam heppe amu, na da men doɗo gane medakkulnu oɗ meɗakkut amu, da na medakkul,” awa aum. Nug anam a, aria Senakerip nug Hesekaia amegppa 10,000 kilogram silwa, am 1,000 kilogram gol ele medakkunu aum.

2 King 18:17

Hesekaia anam heum, Asiria dilag king Senakerip nug silwa, gol ele amu awom, amge nug ⌊Juda uuatta ii ukka, nug⌋ he, nuhig ban daup ikki anuqaknab, nuhig ban daup ikki anuqak, nuhig ban daup ikki banppa o ban guguittakppa daatte, aria ban daup ameg naɗi ele ag Lakisnu ahan, King Hesekaia gumidna, Jerusalem goppig. Ag gona, Jerusalem gukkuidna tena daappig. Ag tena daappigppa am le ippu laa dayom. Le am, le ameg nakok attannu, le ippu amuppa noa, aab ooppa ukkom. Appa laa ag lamen hekkulagnu henana, lamen tatam ihona heppig amu, ag appa ihappig.

2 Stori 11:9

Adoraim, Lakis, Aseka,

Jeremaia 34:7

Jeremaia nug nai amu Sedekaia amegppa aum, haen amuppa Babilon dilag king Nebukatnesar nug Jerusalem, amu Juda aab aɗit laa, aa ii neya qepiɗ ele, amuam Lakis, Aseka ele, nug aab ewam amuppa ele ban heum. Aab ɠagattag, aɗ ele Juda ooppa daappig amu, aab amu oolagppa aab ewam amu aakkuib ag ii nena qeppig; Nebukatnesar eppegppa ii daappig.

Maika 1:13

Israel danab ah ag hipunin heppig, hipunin amuib ag Lakis daatteb, ag beɗulagppa ba dayom amunu, ag heeg, Juda danab ah laa ag digmena, hipunin heppig. Anam amunu, ag Lakis danab, ag karis diiadna, hos amu eeɗadkkulagnu qakkalatteg!

Namba 13:22

Ag wan laih laa onig Negeb oppatna gona, Hebron aabppa teppig. Hebron appa amu Ahiman, Sesai amu Talmai, ag am Anak buɗub, ag appa daappig. Danab ag Hebron aab kalaeg, maɗ eblaih aɗit uue, Isip wanppa appa danab ag aab onig Soan kalappig.

Josua 10:1

Adoni Sedek nug Jerusalemnu king dayom. Nug Josua aab okkai Jeriko eɗitte doya, Josua nug he, Jeriko am Yawenuib nuhig pelemppa daye ele doyom. Amu nug Josua, Jeriko dilag king, nug aɗi kobol nuhigppa heum, nug amu ele doyom. Laa amu, nug Josua, Ai eɗitta he, Ainu oh am Yawenuib nuhig pelemppa dayom, nug amu ele doyom. Nug Josua, Ai dilag kingnu aɗi kobol heum amu, nug amu doyom. Josua nug aab okkai Jerikonu heum, amu nug kingnu heum, amubia Ai, amu ahilag king ele, ahilagppa heum. Am Gibeon danab ag Israel ele maɗoɗppa daaglagnu nug tituanna, nai qakkan, ag gemu Israel dilag ehanittak daatteb, amu ele Adoni Sedek nug doyom.

Josua 10:23

Nug anam a, ag king tanig ele amu wan oɗeppanu diippig. King amu ag, Jerusalemnu, Hebronnu, Jarmutnu, Lakisnu, amu Eklonnu king ele.

Josua 10:34

Amu Josua, Israel ban danab ele ag anam hewona, ag Lakisnu ahan Eklon goppig. Ag appa gona, Eklon ele ban hekkulagnu babaittona amu, ag ahaeg Eklon ele ban heppig.

Josua 10:5

Nug nai anam me ukke, Amo dilag king tanig ele amu, amuam aab Jerusalem, Hebron, Jarmut, Lakis amu Eklon ele, ahilkad king, ag nai amunu oolag laippu mena, ag laippu daaglagnu qagmena, ag oh aɗa mak gona, Gibeon ele ban hekkulagnu dabmeppig. Anam amu, amu dilag king ag heeg, ban daup ahilkad oh ag aben ban hekkulag ele, ag amuppa teeg, ag Gibeon ele ban heppig.

Josua 14:15

Am Kalep nug Anak danab Hebron daappig ii lamattom haenppa uɗiak, haen imuag amuppa danab ag aab amunu Kiriat Arba appig. Onig amuam Anak danab onig, binag okkainab, laa oh eɗattak ele onig Araba, nug onig ataɗppig. Israel ag wan amu oh aɗadna malana amu, ag maɗoɗ daappig.

Josua 15:54

Humta, Kiriat Arba, onig laa Hebron, amu Sior ele. Aab amu oh ebaqak am eblaih waɗele. Aab amu taliliattak aab naunau daappig amu, ag amu ele madappig.

Josua 15:63

Wan, aab ele amu aakku, Josua, nuhig ehanittak ele ag Israel dilag huu okkai Juda madappig. Amge Juda ag Jebus danab Jerusalem daappig ele amu, ag danab amu lamadkkulagnu elele iitta amunu, Jebus danab ag aguppa daaeg uɗie, gemu ⌊nai imu yaak haenppa⌋ ele, ag aguppa daatteb.

Josua 18:28

Sela, Haelep, Jebus, onig laa am Jerusalem, Gibea, Kiriat Jearim ele madappig. Aab amu oh ebqak amu 14. Aab naunau laala aab amu taliliattak daappig amu, ag amu ele ag madappig. Wan imu aakku, ag aulag daakkunu, Josua, nuhig ehanittak ele, ag Israel dilag huu okkai Benyamin baelkadppa madappig.