Josua 10:29 - Nobonob Baibel

²⁹ Aria, Josua, Israel ele ag Makeda appa anam hewona, ag Lipna banelag goppig.

Josua 10:29 Iomraidhean Croise

2 King 19:8

Anam ba ukke, Asiria dilag ban daup ikki banppa o ban guguittakppa daatte, nug Asiria dilag king nug Lakisnu aha, Lipna ukka, appa dayomnu nai doyom amunu, nug aha ukka, nug king am Lipna appa ban heehe anttom.

2 King 8:22

Anam amu, Edom ag eɗun, Juda waalagppa ii daappig; ahilag nai ele tabappeg nekkunu ii uuppig. Gemu ⌊nai imu yaak haenppa⌋ ele ag anamib daatteb. Haen amuppa ele aab Lipna danab ah ag ahan, tappe nak henana, Juda waappa ii daappig.

2 Stori 21:10

Anam amu, Edom ag eɗun, Juda waalagppa ii daappig; ahilag nai ele tabappeg nekkunu ii uuppig. Gemu ⌊nai imu yaak haenppa⌋ ele ag anamib daatteb. Amu Jehoram nug Yawe, nug mamekkud aɗi dilag Kayak, nug Nug dimetta uuittom amunu, haen amuppa ele aab Lipna danab ah ag ahan, tappe nak henana, Juda waappa ii daappig.

Aisaia 37:8

Anam ba ukke, Asiria dilag ban daup ikki banppa o ban guguittakppa daatte, nug Asiria dilag king nug Lakisnu aha, Lipna ukka, appa dayomnu nai doyom amunu, nug aha ukka, nug king am Lipna appa ban heehe anttom.

Jeremaia 52:1

Sedekaia nug maɗ 21 dayaya, nug king ba dayom. Nug king ba, nug maɗ 11 Jerusalem appa king dayom. Nug anig am Jeremaia aɗeg Hamutal. Nug Lipna aabppanu ah.

Namba 33:20

Ag Rimonperes uun, ahan gona, Lipna appa haen tutu dayaknu aab kalan daappig.

Josua 10:28

Haen amuppaib, Josua nug aab Makeda eɗittom. Nug qep elabppa aab amunu danab ah, ahilag king ele aqom. Nug he, aab amunu danab ah ohnab ag Yawenuib nuhig pelemppa daappig; laippu laa iinab tippalom. Nug Jerikonu kingppa heum bianab, Makeda dilag kingppa heum.

Josua 10:30

Appa ele, Yawe Nug Israel ehanatta, Nug aab amu, am nuhig king ele ag eppelagppa meum. Josua, nuhikkud danab ele ag qep elabppa aab amu qeppig. Nug danab laippu laa ii tippalom. Josua nug Jerikonu kingppa heum bia, Lipnanu kingppa heum.

Josua 12:15

Lipna dilag king, amu Adulam dilag king ele.

Josua 15:42

Josua, nuhig ehanittak ele ag aab laala ele Juda madappig. Aab amuam, Lipna, Eter, Asan,

Josua 21:13

Israel ag aab amu aakku mana mettak danab Aron buɗub madappig; ag aab amu, aria aab amunu gikkiɗah dad okkai ele madappig. Hebron aab am ii doyaya laa qe mauhomnu ehanittak aab okkai laa. Ag Lipna,

Josua 6:21

Ag aab okkai aon, ag qep elabppa heeg, aabppan danab ah, keeke oh ele am Yawenuib nuhig pelemppa daappig. Ag danab o ah, bau o kaino oh, makau, sipsip, donki, keeke oh ele anam heppig.

Josua 8:2

Geha ag Jeriko, nuhig king ele heeg nauhom bia, ag Ai heppeg nauhkku. Amge gemu, haen imuppa amu, ag danab dilagppan doɗ keeke, ag aoglag amu, ag amu oh ag ahilagnu aɗaglag. Amu ag ban hekkulagnu, ag aab okkai dimugppa lokkumna daappeg, haen beeb ag ahan, ban hekkulag,” awa aum.

Josua 8:29

Josua nug Ai dilag king qe mauhe, beɗu am appa ad attan aihe daye ukka, uudoum. Aam noono amu, Josua nug Israel ag king beɗu autna, aon aab okkainu aɗ od oɗeppa buɗieg ukka niikkununab aum. Nug anam a, ag heeg niieye, ag men akkan, qaɗeppa tonan, qagmeeg ukka, qauko nakok bia beum; gemu ⌊nai imu yaak haenppa⌋ ele aakku daatte.