Josua 1:8 - Nobonob Baibel

⁸ Na haen oh Ɗo Nai Buk imu ebqena autna awe! Na keeke oh ɗo yaak imuppa tutukku elele dim lamidkkutnu elele daakkutnu, na tuqan, amun ele ippunidtte, na amunu dabmak unuqag aonna daye! Aɗinu? Na anam hekkut dayeb amu, na aɗi aɗi hekkut amu, na heppe, ena beeb, na doyak dabmak ena ele aɗan oikkut.

Josua 1:8 Iomraidhean Croise

Genesis 24:63

Deɗ laa tueb Aisak nug ukka, dad okkaippa dabmak unuqag aokkunu oiyaya, nug neekke ukke, kamel anattom.

2 Stori 26:5

Sekaraia nug Usianu ehanittak danab laa. Nug Usia ebehi oh Yawenu bodoetta le mekkunu ippunittom amunu, Sekaraia bau dayom, haen amu oh Usia nug Yawe antta dim lamidkkunu Nug mattiom. Amu nug Yawe antta dim lamidkkunu Nug mattiom, haen amu oh Kayak Nug he, Usia nug aɗi heum am ena beum.

Sam 119:11

Da nahip-ppa hipunin qak hepa, da nahip nai da oolppa mein, dabmak dahilppa ele memi.

Sam 119:15

Da nahip oo yaak nai ɗo bianu dabmak unuqag awen daattem. Ao, da na ib attem tappan gottem ele amu, da amunu ele dabmettem.

Sam 119:97

O ⌊Yawe⌋, da nahip ɗonu oo mauhak naɗi doottem! Da deɗ oh amun tuqan ele da nahip ɗonu dabmak unuqag awewe daattem.

Sam 119:99

Da hanhan nahip ɗonu dabmak unuqag awewe daattem amunu, dahil doyak dabmak ena ele am ippunittak danab dilag eɗidtte.

Sam 19:14

Na oot da meɗan ehaniɗna heppe, da na oot daatte amuib akkulnu, amu da aɗi keekenu dabmak unuqag awewe daakkul amu, da na oot hette biaib amu hekkulnu oɗ medattem. O Yawe, na am kekeɗ niɗamnanu ehanittak dahil, qagaiettakppanu eɗua uhuqaknu ehanittak dahil ele daattem.

Sam 40:10

Da nahip genab tutukku hak kobol da oolppa ii tonai daatte. Iitta. Ao, da nahip oo metta ii uuak kobol na dim lamidttem, aria na danab ah ag padal memananu ehanadttem, kobol nahip amu ele amu, da amunu Israel dilag tamaniak amelagppa madittem. Ge, haen ag qagmeegeg, da nahip oo mauhaknab kobolnu, amu nahip doyak diig genabibnu ele madittem.

Prowerb 3:1

O da bekkal, da aɗi na ippunidttem amu, na aib daut atiom. Ao, na daut atimanu amu, na dahil haknunab nai, nahip dabmakppa meppe dayebeb oiye!

Aisaia 59:21

Amu Yawe Nug atte. “⌊Danab ah ag oolag eɗuom ele⌋, da, ge da, da ag ele imu hekkunignu nug tituana nai qakkak hettem. Da dahil Ouɗi, Nug ahilagppa daatte, amu da heppi, Nug ag, ag bekkalkad aɗelkad ele, amu ag bekkalkad aɗelkad ele amu, Nug ag oh ele gemu, hanhan ele anam daaglag. Laa, dahil nai, ag oɗelagppa daatte amu, da heppi, nai amuam ag oɗelagppa, ag bekkalkad aɗelkad ele oɗelagppa, amu ag bekkalkad aɗelkad buɗulkad oɗelagppa ele gemu, hanhan ele anam daakku.” Yawe Nug anam atte.

Matyu 12:35

Danab ena nug ooppa dabmak ena kuɗum niitte, amuppa nug kobol ena he bette, amge eheɗ hak danab nug ooppa dabmak eheɗ kuɗum niitte, amuppa nug kobol eheɗ he bette.

Matyu 28:20

Ag keeke oh da ag amelagppa haknunab ami amu, ag amu oh ele ippuanatteg! Ag doyeg! Da haen oh ag ele daapput ukkeb, gog tak haenppa batakku,” awa aum.

Matyu 7:21

Danab ah ag da amelppa, ‘O Naɗi, O Naɗi,’ atteb ele, amu oh ag dahil ɗo maɗoɗ ooppa ii nomana. Iitta. Danab nug da Mamel, hab aabppa daatte, nug nuhig dabmak dim lamidtte ele, nugib dahil ɗo maɗoɗ ooppa nokku.

Matyu 7:24

Amunu danab nug nai dahil imu doya dim lamidtte amu, nug danab laa doyak dabmak ena ele, nug danab laa men qaɗeppa lag ukku aɗe, men aɗa dayeye, aria dimppa nug amu attan lag heum bia daatte.

Luk 11:28

Amge Jesus Nug aum. “Anam iitta! Danab ag Kayak nai doon dim lamidtteb ele, ag itittak ena aoppig daatteb,” awa aum.

Jon 13:17

Ag keeke imu aakku dooppig amunu, ag anam hekkulag dayeb, ag itittak ena aoglag.

Jon 14:21

Am aun laa nug dahil haknunab anak awa dim lamadtte ele, nug aakkuib am dahilnu oo mauhtte. Am aun nug dahilnu oo mauhtte amu, Mame Nug ele nuhignu oo mauhkku. Da ele nuhignu ool mauhebeb, da nug da diil miag atiak nug ippunidkkul,” awa aum.

Epesus 4:29

Nai uɗig wak laa ag oɗelagppa aib beum. Iitta. Nai ena danab ɠagattag madatte, danab ehanadtte, nai amuib ag oɗelagppa baɗ! Amuppa danab ag ahilag nai dootteb ele amu, ehanittak mattaglagnu elele.

Duteronomi 29:8

Ig ahilah wan aot, Israel dilag huu okkai Ruben, Gad amu Israel dilag huu okkai Manase mahaib ele, ag aulag daakkunu mattamut.

Duteronomi 29:9

Amunu ag nug tituana nai qakkak daatte amu aɗan, dim lamitteg! Ag anam hena amu, ag keeke ohppa ag eleleib hekkulag.

Duteronomi 30:14

Iitta! Nai amu na dim lamidkkutnu na qata nidatte, na oɗenppa, na ootppa ele daatte.

Duteronomi 31:11

haen Israel oh ag Yawe, ahilag Kayak, ag Nug noobppa aben Nug epeɗikku, amuppa ag qagmena daappeg amu, ag ɗo imu Israel danab ah amelagppa ebqeppeg dooglagoitte.

Duteronomi 31:24

Moses nug ɗo ohnab ye bukppa no amu,

Duteronomi 5:1

Amu Moses Israel danab ah oh qagmaatta, nug ag amelagppa aum. Gemu da ag ɗo iɗu iɗu madattem imu amu, O Israel danab ah, ag nai amu daulag human doyeg! Ag aon oolagppa mena dim lamitteg!

Duteronomi 5:29

O gadon, Israel danab ah ag haen oh inamib henan daalobnu ool daatte. Da ag dahilnu ebehilag oh bodoetta le meeb, ag dahil ɗo oh dim lamidlobnu ool daatte. Ag anam hekkulag dayeb amu, ag, am ag buɗulkad ele haen oh eleleib henan daalob.

Duteronomi 5:32

⌊Yawe Nug Moses amegppa anam aum amunu, Moses nug Israel amelagppa aum.⌋ Anam amunu, ag Yawe, ahilag Kayak, ag nuhig haknunab nai oh tutukku dim lamitteg; ag aib dabmak laa aon baolippig!

Kolosi 3:16

Kristusnu nai enanag meu ele ag oolagppa daakkuoitte! Ag akka akka doyak dabmak ena eleppa nug ippunidnana, nug ehanittak ele heig! Ag oolagppa Kayak amegppa, “Ena hen mekkame” anana, ag sam, mettidnu ahi, amu Kayak binag maknu ahi ele etteg!

Josua 1:7

Ge, na ɠagattag daan, na ootppa ɠagattagnab doye! Na aɗi aɗi hekkutnu henana, na enaib hekkutnu na ɗo oh, dahil maɗi nid Moses na mettom ele amu, na amu oh dim lamitte! Na ib apiɗidna, na naɗiap-ppa, o nanehppa aib gome.

Josua 8:34

Aakku Josua nug Moses nug Ɗo Nai Bukppa ɗo yom, nug amu oh ebqeum. Nai amu laa am itittak ena awaknu, laa am eheɗ laa awaknu anak waappa dayaknu nai.

Revelesen 22:14

Danab nug nuhig lamen iha oppiaawak daatte bia, aun aɗi ag Jesus tiigppa oppiaawak daatteb, amu diig amunu ag aab okkainu od oɗeppa wana, aabppa nona, ad bauklelnu meu lakkulagnu elele daatteb amu, ag itittak ena aoppig daatteb.