Josua 1:7 - Nobonob Baibel

⁷ Ge, na ɠagattag daan, na ootppa ɠagattagnab doye! Na aɗi aɗi hekkutnu henana, na enaib hekkutnu na ɗo oh, dahil maɗi nid Moses na mettom ele amu, na amu oh dim lamitte! Na ib apiɗidna, na naɗiap-ppa, o nanehppa aib gome.

Josua 1:7 Iomraidhean Croise

1 King 2:2

Dawit nug aum. “Da danab oh mauhtteb bia, da mauhkkulnu haen aakku miag daatte amunu, na gumak danab ena, ɠagattag ele daanna, uɗat nahip he!

1 King 2:3

Amu na Yawe, nahip Kayak, na nuhig nai ig hekkunignu mekkom, nuhig kobol oh ele dim lamitte! Na gona, adeppa adeppa daanna, appa na keeke aɗi hettem, amu keeke amu ena bekkulagnu, na nuhig ɗo iɗu iɗu oh, amu nuhig haknunab anak oh ele, Nug Moses oɗeppa ig mekkom amu, na amu oh dim lamitte!

2 King 22:2

Josaia nug Yawenu neekkakppa kobol genab tutukku ele dim lamittom; nug alag Dawit kobol oh heum bia, nug heum. Nug ib ena dim lamittom. Nug ib eheɗppa ii ukkom.

1 Stori 22:13

Na Yawenu ɗo iɗu iɗu, Nug Moses ig Israel ig dim lamidkkunignu mettom ele, na nai amu oh pehettak, elele dim lamidkkut dayeb amu, na ena daakkut. Na ɠagattag, ootppa ɠagattag qettak ele doon oiye! Na aib baɗame; na dabmak qe nak ele aib doome.

2 Stori 15:7

Amge Asa na, Juda danab ele, ahilagnu amu, ag ɠagattag dayeg! Ag eɗun, bittumttum aib goppig. Aɗinu? Ag ⌊Yawe tutukku dim lamidkkulag dayeb amu, ag⌋ noob ena aoglag,” awa aum.

2 Stori 26:5

Sekaraia nug Usianu ehanittak danab laa. Nug Usia ebehi oh Yawenu bodoetta le mekkunu ippunittom amunu, Sekaraia bau dayom, haen amu oh Usia nug Yawe antta dim lamidkkunu Nug mattiom. Amu nug Yawe antta dim lamidkkunu Nug mattiom, haen amu oh Kayak Nug he, Usia nug aɗi heum am ena beum.

Job 1:8

Satan nug anam a, Yawe Nug Satan aum, amu doya, Nug aum. “Na dahil maɗi nid Jobnu attem dabmettem? Wan ohppa danab laa nug bia laa iitta. Nug dahil neekkakppa danab ooppa kaliak laa iitta ele. Nug genab tutukku hak danab. Nug dahilnu ebehi oh bodoetta le me, nug eheɗ laa haknu am uua autanab aotte,” awa aum.

Sam 80:19

O Yawe Kayak Nakka Ɠagattag Oh Ele, na eɗun aigppe, nagattoppa wakkunignu oɗ medattem. Ao, na ehanigppe, ig padal ii mematanu, na ig ele daagnignu, na oot ihinignu ena daakkunu unuqidttem.

Prowerb 4:27

Na ib tutukku, amuib mattan oiye! Na aib naɗiap-ppa, o iitta, nanehppa gome. Na kobol eheɗ aib heme.

Prowerb 8:20

Da, Doyak Dabmak Ena Ele, da hanhan genab tutukku hak kobol aakkuib hettem; da hanhan nai doya mala hettoɗia epeɗia elele mettak kobol hettem.

Daniel 10:19

Nug ɠagattag meɗe, ⌊danab da anidmi amu,⌋ nug aum. “O danab, na aib baɗame. Kayak Nug nahipnu ooppa enanag dootte. Na maɗoɗ, ɠagattag ele daye! Ge, na ɠagattag daye!” Nug nai anam da amelppa aawo, da ɠagattag awe, da ami. “O naɗi, na ɠagattag da meɗame amunu, na appe doyei!” awe ami.

Namba 27:23

Nug anam hibaitta dayeye, Yawe aum bia, Moses nug eppeg qaɗeppa ma, baɗ mettom.

Duteronomi 11:8

Ag keeke oh Yawe Nug heewo anidppig amunu, ag haknunab anak nai gemu da ag madattem imu, ag tutukkunab dim lamitteg! Ag amu hekkulagnu diig am, wan ag Jodan le mataɗana, nona aoppeg, ahilag daakkunu daatteb amu, ag nai amu oh dim lamidkkulag dayeb, ag amu hekkulagnu ɠagattag elele.

Duteronomi 12:32

Ag haknunab anak da attem imu oh tutukku dabmettan dim lamitteg! Ag nakok laa aib tuɗidppig, maha laa ele aib otaɗppeg neum.

Duteronomi 28:14

Ag da haknunab anak nai attem imu aib ii dim lamidppig. Ag haknunab anak da attem imu tutukkunab henana, ag aib kayak laala waalagppa daan ag oɗelag dim lamidppig.

Duteronomi 29:8

Ig ahilah wan aot, Israel dilag huu okkai Ruben, Gad amu Israel dilag huu okkai Manase mahaib ele, ag aulag daakkunu mattamut.

Duteronomi 29:9

Amunu ag nug tituana nai qakkak daatte amu aɗan, dim lamitteg! Ag anam hena amu, ag keeke ohppa ag eleleib hekkulag.

Duteronomi 31:7

Moses anam mattiowa, nug Josua he do, Israel ag anttegeg, nug nug amegppa aum. “Na ɠagattag daan, ootppa ɠagattag qettak ele daye! Aɗinu? Na geha anuqna, danab ah imu omaladppe, wan Yawe Nug ag mamelkad aɗi madakkunu nuhig nai ɠagattag qetta amelagppa aum amu, ag amuppa nokkulag. Na aakku anuqna omaladna nona, wan ag aulag daakkunu daatte aon, ag eppelagppa mekkut.

Duteronomi 4:2

Haknunab anak da ag madattem amu, ag nai laa aon, nai da madittem imu ele aib tuɗidppig; ele amu, ag nai da madittem, ag nai amuppanu nai laa ele aib okkulppig. Iitta. Ag haknunab nai imu, da Yawe, ahilag Kayak, da nuhigppanu madattem amu, ag nai amu dim lamittak aakkuib hekkulag.

Duteronomi 5:32

⌊Yawe Nug Moses amegppa anam aum amunu, Moses nug Israel amelagppa aum.⌋ Anam amunu, ag Yawe, ahilag Kayak, ag nuhig haknunab nai oh tutukku dim lamitteg; ag aib dabmak laa aon baolippig!

Josua 1:1

Yawenu maɗi nid Moses nug mauhom dimppa amu, Yawe Nug Nan bekka Josua, Mosesnu ehanittak danab, Nug nug amegppa aum.

Josua 1:8

Na haen oh Ɗo Nai Buk imu ebqena autna awe! Na keeke oh ɗo yaak imuppa tutukku elele dim lamidkkutnu elele daakkutnu, na tuqan, amun ele ippunidtte, na amunu dabmak unuqag aonna daye! Aɗinu? Na anam hekkut dayeb amu, na aɗi aɗi hekkut amu, na heppe, ena beeb, na doyak dabmak ena ele aɗan oikkut.

Josua 1:9

Doye! Daib haknunab nai imu na iite mettami? Na ɠagattag daan, ootppa ɠagattag doye! Da, Yawe, nahip Kayak, da na adeppa gokkut amu, da na ele oh gokkunih amunu, na baɗak eheɗ nau aib doome. Nahip dabmak am qe nak aib dayom.” Yawe Nug anam Josua amegppa aum.

Josua 11:15

Am Yawe Nug nuhig maɗi nid Moses amegppa anam haknunab a, anamnab Moses nug Josua amegppa anam hekkununab aum. Amu Josua nug anamnab hekkunu, anak amubia, nug heum. Nug Yawe, Moses amegppa haknunab aum amu, nug nai amu oh tutukku dim lamitta heum.

Josua 23:6

Amunu ag ɠagattag dayeg! Nai dim lamittaknu amu, ag Ɗo Nai Buk Kayak Nug Moses amegppa a, Moses nug bukppa yom amu, ag buk amuppa yaak oh daatte amu dabmettan autna aon, dim lamitteg! Ag ɗo nai amu uun, laih naɗiap-ppa, o laih nanehppa aibnab goppig.