Josua 1:16 - Nobonob Baibel

¹⁶ Josua anam ag amelagppa a amu, ag Josua inam oɗeppa aon appig, “Ig aɗi keeke oh hekkunignunab ame amu, ig hekkunig. Na ig adeppa ele gokkunignu appe amu, ig gokkunig.

Josua 1:16 Iomraidhean Croise

Esra 10:4

Keeke imu na eppenppa daatte amunu, ahan, ib attenppa gokkunignu daatte ippunigppe, ig amuppaib gotu! Ig nahip nai dim lamidkkunignu nahip nai ɠagattag qettagnig amunu, na ootppa ɠagattag doon, ahan he!” awa aum.

Namba 32:25

Moses nug anam a amu, Gad buɗub, Ruben buɗub ele, danab amu ag Moses amegppa appig. “Ig am nahip maɗi nid. Ig geha na, ihinig naɗi, na ig aɗi hekkunignunab ame bianab hekkunig.

Namba 32:31

⌊Gat, Ruben ele huuppan danab ag appa Moses guguittak daaegeg, nug Elieser, Josua, amu Israel dilag ikki danab ele amelagppa aawo, Gad, Ruben ele huuppan danab ag dooppig.⌋ Ag Moses nai aum amu doona, ag appig, “Nahip maɗi nid ig, ig geha Yawe aɗi aum amu hekkunig.

Duteronomi 34:9

Moses nug matu eppeg Josua qaɗeppa meum amunu, Nan bekka Josua nug doyak dabmak ena okkai ele. Nug doyak dabmak ele okkai amunu, Israel danab ah ag nug oɗe dim lamidna, keeke ohnu Yawe Nug Moses amegppa haknunab anak aum amu, ag heppig.

Duteronomi 5:27

Na Yawe, ihinig Kayak, na Nug gumidna gona, Nug aɗi nai oh atte amu doyona, na eɗun uɗina, ig amenigppa aɗi mattiom amu appe doota, ig Nug oɗe dim lamidkkunig,” aon appig.

Taitus 3:1

Na danab ah ag ahilkad ikki danab, amu ahilkad danab gumaknu ehah ele waalkadppa daaglagnu daulkadppa dokkunu, ag oɗe dim lamittak danab daan oina, ag aɗi uɗat amu uɗat ena hekkulagnu babaittak daaglagnu,

Josua 1:15

ag wan ahilag, wan amuam Jodan lenu qaban uɗitteppanu daatte, Yawe, ahilag Kayak, Nug ag madatte ele amu, ag wan amu ahilag daakkunu aon malan, aguppa ena daappeg, ag eɗun uɗin, wan imuppa, wan imuam Jodan lenu kaɗag uɗitteppanu daatte, Yawenu maɗi nid Moses nug ag wan imu mattom amu, ag eɗun uɗin, wan imuppa daaglagnu elele daaglag,” awa aum.

Josua 1:17

Ig haen oh Moses oɗe doota dim lamidmut bia, ig na oɗen doota dim lamidkkunig. Ig oonig keeke laippunu aakkuib niitte. Amuam Yawe, nahip Kayak, Nug Moses ele daapiɗ bia, Nug na ele anam daaglahnu oonig hette.