Jon 8:9 - Nobonob Baibel

⁹ Aria, danab nai anam doona, ag laippu laippu dimittim gona malappig. Kaino ag tatam anuqna dimittim waeg, laala dim goppig. Ukkaeg Jesus Nugib dayeye, am ah nug ele Jesus noobppa hibaitta dayom.

Jon 8:9 Iomraidhean Croise

Rom 2:15

Anam amunu, ahilag kobol anamppa Kayak Nug ɗo ig aɗi hekkunignu ippunigtte ag oolagppa yom amu aakku miag atitte. Amu ag ahilag ooppan oiyak ippunittaknu ulum ele ɗo amu aakku yom daatte miagib atte. Aɗinu? Ulum amu nug haen laala dabmak ahilagppa, kobol ag hetteb epeɗiattatta, ag eheɗ hetteb ippuanatta, amu haen laala kobol ag hetteb ele amu, elelenab ippunadtte.

Eklisiastis 7:22

Aɗinu? Na oot unuqagppa na doottem; na deɗ laala haen kuɗum danab laa ag eheɗ laa awaknu anak waappa daaglagnu ame.

Rom 2:22

Ag danab ag ewau pakkua gappai hak kobol ii hemananu atteb amunu, aɗinu ag akka ag ewau pakkua gappai hak kobol hetteb? Amu ag kayak hambuppuaknu dottolkadnu oolkadppa uuaknab dootteb amunu, aɗinu ag akka iitta aɗi dilag kayak hambuppuaknu mettid lakkanu keeke yab aotteb?

Jon 8:10

Nug anam dayeye, Jesus eɗua tutukku dayaya oɗ mettom. “Ah, nahipnu nai yaappig amu, ag adeppa goppig? Laippu laa na nob nau aokkutnu iite heum?” awa aum.

Jon 8:12

Aria Jesus haen laappa baula danab ah amelagppa nai mattiaya aum. “Da am wanppan amahlak daattem. Aun laa nug da dim lamiɗkku amu, nug gatatuppa ii oima. Iitta. Nug bauklelnu amahlak ele daakku,” awa aum.

Luk 13:17

Nug anam a amu nuhikkud kekeɗ ag uɗalag eheɗ neum, amge danab ah laa oh ag nuhignu enanagnab dooppig. Aɗinu? Nug keeke oh ena heum.

Sam 71:13

Laa ag da naippa yaaiɗtteb ele, ag uɗalag nau neeb, padal mekkulagnu ool daatte. Yo, laa ag da guittak meɗaglagnu hetteb ele, laa ag ahilagnu, “Keeke hamunab,” dooppeg, ag uɗa nak nau guittak ele dooglagnu ool hette.

Sam 50:21

Na amu oh heehe, da Kayak, da na bu ii mettami. Ao, da na bu ii nittami amunu, dahil hak amuppanu na da eletai kobol nau amubia hettem dabmeme. Amge da anam ii hettem. Da na daut baten, hettoɗiakppa meidkkul.

Sam 40:14

Na heppe, laa ag heppeg, da padal mekkulnu hetteb ele, ag uɗa nak, ge, ag uɗa nak nau guittak ele dooglagnu oɗ medattem. Ao, laa ag da uug iwe aniɗna, gamag ahak dootteb ele amu, ag bittumttum gonana, uɗa nak nau guittak ele aoglagnu unuqidttem.

Job 20:27

Hab aabppan daup ag nug eheɗ heum heppeg, miag atikku. Ge, wanppan danab ag ahan, ‘Nug eheɗ heum,’ akkulag.

Job 20:5

Kobol amuam inam. Nau hak danab ag wanppa daan, deɗ laala ag gamag ahak dootteb, amge gamag ahak amuam haen tutuib daatte. Ge, Kayaknu nuhig haknu ele uuak danab ag ahilag gamag ahak haen tutuib daatte.

1 King 17:18

Aakku ah nug Elaiya amegppa aum. “Kayaknu danab, na aɗinu dahilppa kobol imu heme? Na uɗin heppe, Kayak Nug dahil hipunin eɗua daugppa dob heeb, nid dahil imu oɗe awa, mauhkkunu uɗimete?” awa oɗ mettom.

1 King 2:44

Imu ele na doottem, na kobol eheɗ kuɗum, da mamel Dawitppa heme amunu, gemu geha Yawe Nug nahip eheɗ hak amunu nob medakku.

Jon 8:2

Jesus Nug Olipnu Qaukoppa ukka dayeye, wakkaɗe buttuanab Nug eɗua uɗia, Kayaknu mettid lag ooppa no, danab ah kuɗum nug gumidna uɗieg, Nug heɗep na daya, nai ippuanattom.

Jon 8:3

Nug anam ippunittak nai madette, Juda dilag ɗo mehuqak danab amu ɗo gumak danab-Parasia ele ag ah ⌊gamu ele⌋ laa ewau pakkua gappai hak kobol heehe anidppig ele, aon dona, danab ah kuɗum noolagppa meeg hibaitta dayom.

Jon 8:8

Jesus Nug anam awowa, Nug baula gomela, eppeg hiqalppa eɗua wanppa yaaya dayom.