Jon 8:3 - Nobonob Baibel

³ Nug anam ippunittak nai madette, Juda dilag ɗo mehuqak danab amu ɗo gumak danab-Parasia ele ag ah ⌊gamu ele⌋ laa ewau pakkua gappai hak kobol heehe anidppig ele, aon dona, danab ah kuɗum noolagppa meeg hibaitta dayom.

Jon 8:3 Iomraidhean Croise

Esekiel 16:38

Ah nug ewau pakkua gappai hak kobol hette amu, nug ɗo daatte bia bu aokkunu daatte; amu da ɗo atte bia nahip-ppa haknu akkul. Ao, ah nug laa qe mauhtte, nug ɗo daatte bia bu aokkun daatte; amu da ɗo atte bia nahip-ppa haknu akkul. Ɗo nug laa nug laa qe mauhtte, nug ele mauhkkun atte amunu, da nahip hak amunu da oppoɗil beeb dayeye, na eheɗ hemenu nob tutukku metten, da na mauhkkutnu akkul. Ao, ɗo nug ah nug ewau pakkua gappai hak kobol hette, nug mauhkkun atte amunu, da nahip hak amunu oo nauhak laa, oo nauhak amuam dahil dooi laa aomanuppa bette, oo nauhak amu beeb doyeye, da na mauhkkutnu akkul.

Esekiel 23:45

Ah aɗit aa anam heeheh, danab kuɗum aa ele niippig, amge qinob genab tutukku hak danab ag ah aɗit amu epeɗiatna, ag hettoɗiak danab ag ah nug ewau pakkua gappai hette, ah ag heeg, laa mauhtteb ele epeɗiadna aeg, bu aotteb, amubia genab tutukku hak danab ag ah aɗit amu epeɗiatna, bu aoglahnu akkulag. Aɗinu? Aa ewau pakkua gappai kobol heya, danab ah laa ele aqaeh mauheg, tiilag aa eppelahppa daatte,” awa aum.

Namba 15:33

Laa ag danab aab awewe anidppig ele amu, ag nug aon omalna, Moses, Aron ele, am Israel danab ah laa oh ele dilagppa goppig.

Matyu 2:4

Ottaieg amu, Herot nug ɗo mehuqak danab, mana mettak danab okkai ele, nug amu oh qagmaatta, ag oɗ matta aum. “Kristus Nug aab attenppa bekku?” awa aum.

Jon 8:2

Jesus Nug Olipnu Qaukoppa ukka dayeye, wakkaɗe buttuanab Nug eɗua uɗia, Kayaknu mettid lag ooppa no, danab ah kuɗum nug gumidna uɗieg, Nug heɗep na daya, nai ippuanattom.

Jon 8:4

Anam dayeye ag Jesus amegppa appig. “Ippunittak danab, ah imu nug ewau pakkua gappai hak kobol he anidppig.

Jon 8:9

Aria, danab nai anam doona, ag laippu laippu dimittim gona malappig. Kaino ag tatam anuqna dimittim waeg, laala dim goppig. Ukkaeg Jesus Nugib dayeye, am ah nug ele Jesus noobppa hibaitta dayom.

Jon 9:13

Danab nug ameg gaɗuak ele dayom anam a amu ag nug omalna, ɗo gumak danab-Parasia, ag gumadna goppig.

Aposel 4:7

ag totol danab aɗit amu diiatna, ag hettoɗiakppa maatna oɗ matappig. “Aa ɠagattag aɗippa, o aa aun onigppa uɗat amu hepiɗ?” aon oɗ matappig.

Rom 7:3

Amu gamu nug bau dayebeb, wau nug uuitta, danab laa aweb amu, ag ah amunu, “Ewau pakkua gappai hak ah,” aon akkulag. Amge gamu mauhom dayeb, ɗo amu nug baula ii tonatte amunu, nug danab baula aweb, nug aakku ewau pakkua gappai hak ah ii daama.