Jon 3:7 - Nobonob Baibel

⁷ Anam daatte, amu da na bau menuak aokkutoitte ami amu, na amunu dabmak kuɗum aib aome.

Jon 3:7 Iomraidhean Croise

Job 15:14

⌊Na, ‘Da beɗulppa aab iitta,’ attem, amge⌋ danabnu amu, laa nug oppiak ele daakkunu elelete? Ge, laa ah oolkadppanu dotteb ele oolagppan laa nug genab tutukku ele hak daakkunu elelete?

Jon 3:12

Da wan kobolnu mattii, ag oolagppa genab ii dooppig amunu, attemun da hab aabppan kobolnu madikkul dayeb, ag oolagppa genab dooglag?

Jon 3:3

A amu Jesus oɗeppa awa aum. “Da genabnab genab na amenppa attem. Danab nug bau menuak ii aokku amu, nug Kayaknu ɗo maɗoɗ ii anidma,” awa aum.

Jon 3:6

Danab nug beɗu bau daakkunu, amuam anig mameg dilahppa aotte, amge danab nug Kayak Bekka bekkunu amu, nug amu Kayak Ouɗi eppegppanu aotte.

Jon 3:8

Ulah nug adekkuppanu uɗia, atten gotte amu, na ii doottem, nug ukkak nuhigib dim lamidtte. Na nuhig oqotti aakkuib doottem. Amubia danab ah Kayak Ouɗippa bau menuak aotteb ele amu, danab ag amunu diig oh anidna, oolag maidkkunu elele iitta,” awa aum.

Jon 5:28

Anam amunu, ag dabmak kuɗum aib aoppig. Aɗinu? Haen laa uɗieb, danab oh mauhppig, moɗppa niitteb ele, ag da baal doona, ag mauhak aben uuna, eɗun hippaidkkulag. Am danab ag kobol ena heppig ele ag eɗun hippaidna, bauklel daaglag. Danab ag kobol eheɗ heppig ele, ag eɗun hippaidna, ag hettoɗiakppa daaglag.

Kolosi 1:12

ag ig Mamenig amegppa, “Ena heme,” akkulag. Aɗinu? Nug he, ag keeke oh, Nug ag aoglagnu tituanom amu, ag amu aoglagnu elele daatteb. Ao, geha ag, amu Kayaknu danab ah oppiaawak ele laa ele, ig oh nuhig ɗo maɗoɗ, amahlak ele ooppa daattem amu, ig oh ele aognig.

Hibru 12:14

Amu ag danab laala ele ag oh maɗoɗ ele daanna oiglagnu uɗat ɠagattag hena, ag oppiaawak kobolppa daaglagnu ele wagai meig! Aɗinu? Danab laa nug oppiaawak iitta ele, nug Naɗi anidkkunu elele iitta.

1 Pita 1:22

Ag gemu ag doyak diig genabib dim lamidtteb, amuppa ag danab oolag ihan oppiak daatteb amunu, ag oo mauhak kobol genabppa ag lailkad dilagnu oolag mauhtte. Ag anam daatteb, amge ag tuɗidna, ag lailkad dilagnu oolkad unuqagppanu oo mauhaknab doyeg!

Revelesen 21:27

Amu keeke oppiak iitta ele aab okkai amuppa ii noma. Laa kobol nau digdig, Kayak nug kobol amunu ooppa uuaknab dootte, amu hambuppuak kobol hette ele amu, nug ele iitta. Am laa ag onilag Sipsip Nagnu buk, amuam buk onig Bauklel Awe Onig Yaaknu Buk, buk amuppa ag onilag yaak daatte ele amu, ag aakkuib aab okkai amuppa nokkulag.