Jon 12:3 - Nobonob Baibel

³ Ee lanana, Maria nug leppu muttuɗig enanag, uug nuhig 350 gram, nuhig daden okkai ele amu, nug amu awa, Jesus baeg gokkaɗ qettowa, ikki uɗugppa Nug baeg oppiom. Ag leppu amu bala laa onig nad, amuppaib heppig. Anam he, leppunu muttuɗig lag amu oh tona malom.

Jon 12:3 Iomraidhean Croise

Sam 132:2

Dawitnu amu, nug keeke laa hekkunu Yawe noobppa nuhig nai ɠagattag qetta aum. Ao, nug Laa Ɠagattag Okkai Ele, Jakop Nug binag meum ele amu, nug Nug amegppa keeke laanu genabnab hekkunu nai ana qakkom. Nug inam aakku Kayak amegppa aum.

Solomonnu Ahi 1:12

King nug qaɗaqaɗ teppu eleppa niitte amu; nug da leppu muttuɗig enanag ele beɗulppa laidmi amu doyaya, enanagnab dootte.

Solomonnu Ahi 1:3

Leppu muttuɗig ena ele na laidttem am muttuɗig enanagnab ele. Ao, laa nug leppu muttuɗig ena ele amu gokkaɗeb, muttuɗig huana okku, am na onin am amubia. Ge, am anam, am diig amunu ah bau na waatad daatteb ele, ag nahipnu oolag mauhtte!

Solomonnu Ahi 4:10

O ah dahil, na dahil ah daakkutnu awidmi. Nahip oo mauhaknu amu, da enanagnab doottem, am ubuhi ele. Da wain lakkulnu ool hette, amge nahip oo mauhak amu, am wain lanak eɗitta auta autanab aotte! Spais ena ena digdig am muttuɗig enanag, amge leppu muttuɗig enanag na beɗunppa laidttem amu, muttuɗig amuam spais amunu muttuɗig eɗitta auta autanab aotte.

Luk 10:42

amge keeke laippuib am okkai daatte, am Maria nug keeke ena amu tituanom. Keeke ena nuhig amu ig aɗidta ii aomta,” awa aum.

Luk 7:46

Amu na da ikkil goɗen ii laaidme, amge ah imu nug leppu muttuɗig enanag ele awa uɗia, da bael gokkaɗ qettom.

Jon 11:2

Maria imu, nug am leppu muttuɗig enanag ele Jesus baeg gokkaɗ qettowa, ikki uɗugppa baeg oppiom ele, ah amu aakkuib, nug oɗe danab Lasarus ele, aa eappinag.

Jon 11:28

Marta anam awowa, nug lakka ukka, nug Maria, nug Maria ele aa emakkeg, nug nug onigppa e do, omala nakok giginppa ukka, amegppa aum. “Ippunittak danab uɗiom, uppa uma ibppa dayaya na oninppa ette,” awa aum.

Jon 11:32

Maria nug ukka, Jesus aben amuppaib dayeye anttom. Antta, nug guguitta wana, Jesus baegppa gateg qaun o, gomela, nug amegppa aum. “Naɗi, na ippa daalom amu Lasarus ii mauhlo,” awa aum.

Jon 19:39

Nikodemus, danab amu nug anukka digmakppa Jesus tuqan gumitta ukkom ele amu, nug ele uɗiom. Nug spais aɗit, muttuɗilah ena ele kaboliateg, keeke amunu uug am 30 kilogram amu, nug amu awa uɗiom. Spais laa onig am Mir, laa onig am Alo.