Jon 1:5 - Nobonob Baibel

⁵ Amahalak amu Nug gatatuppa amahaltte, amu gatatu nug amahlak amu eɗidkkunu elele iitta.

Jon 1:5 Iomraidhean Croise

Prowerb 1:22

Nug atte. “Ag danab ah ag doyak ii awak ele, haen gane laa ele ukkeb, ag doyak ii awak kobol ahilag uun oiglag? Ao, ag danab ah ag awa awa qettak nai mattiglagnu enanagnab dootteb ele amu, haen gane laa ele ukkeb, ag kobol amu uuglag? Ge, ag danab ah ag Kayaknu ii dabmena, ii dim lamidtteb ele, ag doyaknu nau ninig ele dootteb amu; haen gane laa ele ukkeb, ag kobol amu uuglag?

Matyu 5:15

Danab ag ele lam amotna, tappiɗ waappa ii metteb. Iitta. Ag lam maknu balal attan meeg, amahlak nuhig danab lakka daatteb, amu oh amahlak madatte.

Jon 1:10

Ao, Kristus, onig laa Nai Kayak Ippunigtte, Nug wanppa dayom; wan imu amu Nug he beum, amge wanppan danab ah ag Nug ii dooppig.

Rom 1:28

Laa ele amu, ag Kayaknu dabmak aɗan oiglagnu uuppig amunu, Kayak Nug ag ahilag kobol nau, dabmak nauppanu bette, ag amu dim lamidkkulagnu uuattom. Amu ag kobol nau, danab ag hekkulagnu elele iitta amu, aakku hetteb.

1 Korint 2:14

Amge danab nug Kayak Ouɗi ii awom ele, nug Kayak Ouɗinu dabmak ii aotte. Aɗinu? Nug dabmak amunu, “Dabmak tutukku iitta,” anam dabmette. Dabmak amunu amu, Kayak Ouɗi Nug danab ehanidkku dayeb, nug dabmak amunu oo maidkku amunu, danab ag Kayak Ouɗi iitta ele, ag am dooglagnu elele iitta.