Joel 3:7 - Nobonob Baibel

⁷ Amge antteg! Ag heeg, danab adebatainu ag dahilad danab ah daden maadna, diin goppig amu, da heppi, dahilad danab ah ag ahan eɗun uɗippeg, da ag Tair, Saidon, Pilistia ele ag dahilad danab ah dilagppa heppig, amubia da ahilagppa hekkul.

Joel 3:7 Iomraidhean Croise

Esta 7:10

King nug anam aum amunu, ag Haman aon, balal attan danab aihaknu nug Mordekai aihkkunu heum, amuppa aihppig. King nug anam ha, nug baula oppoɗi bak ii doye, ameg kokoɗ eppak ele ii dayom.

Aisaia 11:12

Naɗi Nug pilak laa, pilak amuam ad elab attan ukkak galaeg daatte, Nug pilak laa amubia galeb daakku. Nug pilak amu anam meeb, pilak amuam danab ah wan atu ohppanu ag anidna, ⌊pilak amuam Naɗi Nug nuhikkud danab ah ag diia ukka laih me dayak danab ah daatteb, Nug ag eɗua diikku ippunadkku⌋. Nug anam ha, Nug Israel danab ah ag diia ukka laih me dayak danab ah wan laalappa daatteb amu, Nug ag eɗua diikku. Ao, Nug Juda danab ah tamtam gona, aabaab daatteb, Nug ag eɗua diikku. Nug nuhikkud danab ah gona aben ohppanab daatteb eɗua diikku.

Aisaia 49:12

Antteg! Dahilad danab ah ag umanabnu uɗiglag. Laa ag yawalti uɗitteppanu uɗiglag, laa ag qaban uɗitteppanu uɗiglag, laa ag yau uɗitteppanu, Aswan appanu uɗiglag.” Yawe Nug anam atte.

Aisaia 66:6

Doyeg! Aab okkai Jerusalemnu oqotti okkai ahatte. Yawenu mettid lagppanu oqotti okkai uɗitte. Am aɗi oqotti? Oqotti amuam Yawe Nug nuhig kekeɗ ag eheɗ heppignu bu elele aakku madatte.

Jeremaia 23:8

Iitta. Ag ahilag nai ɠagattag qa anaknu, ag, ‘Yawe Nug genab Israel buɗub ag wan yawalti uɗitteppanu, amu wan laala, Nug he, ag appa gona, diia ukka laih me dayak danab ah daappig amu, Nug appanu ele omalatte uɗippig, genab amubia nai da akkulnu hettem am genab,’ akkulag. Amu haen amuppa da heppi, ag eɗun, ahilag wanppanab aakku daaglag.” Yawe Nug anam awa atte.

Jeremaia 30:10

Amu Yawe Nug atte. “Da amu hekkul amunu, ag Jakop buɗub, ag dahilad maɗi nid amu, ag aib baɗappig. Ao, ag Israel danab ah, ag oolag uug nau aib qeum. Aɗinu? Da genab ag ehanadppi, ag wan laa, wan laa amuam umanab daatte, ag appanu eɗun uɗin, ena daaglag. Ao, da ehanadppi, ag buɗulkad ag wan laappa diia ukka laih me dayak danab ah daaglag amu, ag appanu eɗun uɗin, ena daaglag. Da amu heppi, haen amuppa ag Jakop buɗub, ag maɗoɗ, ɠagattag ele daappeg, laa ag heppeg ii baɗamna.

Jeremaia 30:16

Anam, amge aun aɗi ag, ag Jakop buɗub heppeg nau daaglag amu, huu amu ag nau aakku aoglag. Ag Jakop buɗub, ⌊da heppi,⌋ ahilag kekeɗ ag diia ukka laih me dayak danab ah daan, laih, ag wanelag iittappa gona daaglag. Jakop buɗub, laa ag ag ele ban hena, ag ahilag keeke aon gotteb amu, laa ag kekeɗ amu ele ban hena, ag ahilkad keeke aon gokkulag. Aun aɗi ag uɗin, ag Jakop buɗub dilag keeke, ag ele diin gotteb amu, da heppi, laa ag uɗin, amu dilag keeke akkan gokkulag.

Jeremaia 31:8

Antte, Israelnu wan laa, yawalti uɗitteppanu daatte, da appanu Israel danab ah diie uɗikkul. Yo, da ag wan batakppanu diie qagmaadkkul. Danab ah kuɗumnab, ag uɗiglag. Kuɗum laa ag beɗulag ena ele, amge laala ag amelag gaɗuak ele, laala ag baelag mauhak ele, laala ag ah oolkad ele, laala amu, ag ah nid menuadkkulagnu miag daatteb ele oh uɗiglag.

Jeremaia 32:37

Qinob da wan oh, da dahilad danab ah ag ahilag eheɗ hak amunu ool huanak nauhe, oppoɗi bak okkainab ele doyen heppi, kekeɗ ag eɗadna diin, wan atu laalappa goppeg, matatun daaglag ele amu, da wan amu ohppanu qagmaatten omaladppi, ag eɗun uɗin, wan imuppa daaglag. Da ag ehanadppi, ag baɗak iittappa daaglag.

Esekiel 36:24

Amu Naɗi Yawe Nug inam ele atte. “Da ag Israel, da ag wanppan wan laalappa daattebnu diiadkkul. Ao, da ag Israel ag wan laalappanu qagmatten omalatte, ahilag wanppa eɗue uɗippi, ag ahilag wanppanab daaglag.

Esekiel 38:8

Aɗinu? Butti haen adekku ban hekkulagnu ewak daakku, ag haen amuppa goppeg, wan laa ele ban hekkulag. Wan amuppan danab ah ag tatam banppa eheɗ aon, wan kuɗumppa daappig, amge Yawe he, ag wanppan wan laa kuɗumppanu eɗun uɗin, ag ahilag wanppa, am Israel wan, wan amuam haen elab hele-ettak dayom amu, ag eɗun, aguppa daatteb. Wan amuppan danab ah ag wan laalappa daaegeg, Yawe he, ag eɗun uɗin, baɗak iittappa daatteb. Amu, Gog, haen amuppa na, amu nahipad ele ag goppeg, danab amu ag ele ban hekkulag.

Joel 3:4

Ag Tair, Saidon amu Pilistia danab ah ele, ag dahilnu aɗi nai laal elete? Ag da keeke laanu nob nau meɗaglagnu hettebte? Ag anam hekkulagnu hetteb dayeb amu, ag dabmeig! Da pahanab ahilag hak nau dahilppa heppig amu, da amunu nob nau ag madakkul.

Sekaraia 9:13

Anam amunu, Juda danab ag dahil lat bia daaglag. Israel danab ag am lat doɗo dahil bia daaglag. Aab Sion am dahil qep elab bia daakku. Da heppi, ag Grik danab ele ban hena, ⌊eɗadkkulag⌋.” Yawe Nug anam atte.

Matyu 7:2

Aɗinu? Ag laa dilagppa epeɗiak kobol attenppa epeɗiadppeg amu, ag epeɗiak kobol amuppa aoglag. Ag lailkad dilagnu aɗi melemelppa keeke hetteb, ag melemel amuppaib geha keeke aoglag.

2 Tesalonaika 1:6

Kayak Nug kobol tutukkuib hette, amu Nug inam hekku. Aun ag uug madatteb amu, Kayak Nug ag amunu nob nau matta,

Jems 2:13

Aɗinu? Danab laa nug layagnu oo gai-iitta doya oo metta ehanittak kobol ii dim lamidtte, nug layag eheɗ heumnu nob nau medatte, nug nob nau amu medakkunu ii uutte amu, Kayak Nug danab amu hettoɗiakppa nob nau medakku. Amge danab laa nug layagnu oo gai-iitta doya oo metta ehanidtte, nug hipuninnu nob nau ii medatte amu, nug geha hettoɗiakppa nob nau ii aoma. Oo gai-iitta doya oo metta ehanittak kobol am nob mettak kobol eɗidtte!

Revelesen 13:10

Am aun nug maniguittakppa gokkunu daatte amu, appa gokku. Aun laa nug qep elabppa mauhkkunu daatte amu, nug qep elabppa mauhkku. Kobol amuam Kayaknu danab ah oppiaawak ele, ag tuɗidna uug doyaya eɗittaknuib dabmak awak kobol dim lamidna, ag oo metta ii uuak kobol ele tuɗidna anamib hekkulagoitte ippunigtte

Revelesen 16:6

Danab imu ag nahipad danab ah oppiaawak ele, amu propet nahipad ele tiilag aɗappig amunu, na tiig lakkulagnu mattame. Ag nob amu aoglagnu daappig, amu na heme, amuppa na elelenab heme,” awa aum.

Revelesen 19:2

Aɗinu? Nug nuhig epeɗia nob mattak am genab, tutukku ele. Kayak Nug ib baag ah onig, ɠagattag ele nug nuhig ewau pakkua gappai hak kobolppa he, wanppan danab ah ag oolkadppa dubuttid ele daappig amu, Kayak Nug eheɗ hak nuhig amunu nob nau mettom. Nug Kayaknu maɗi nid ele aqe mauhppig amunu, Kayak nuhig eheɗ amunu nob nau eɗua mettom,” aon appig.

Ikki Danab 1:7

Ag amu heeg, dimppa Adoni Besek nug aum. “Da king 70 ele ban heta eɗatte, ag eppelkad tanig, amu baelkad tanig ele otaɗadmi. Da amu hein malai amu, ag ee huppu dahil balal waappanu amu lappig. Gemu Kayak Nug da ahilagppa heminu noob meɗom,” awa aum. Am Juda, Simeon danab ele ag nug aon Jerusalem ukkaeg, nug appa mauhom.

1 Samuel 15:33

Agag nug anam dabmeum, amge Samuel nug aum. “Na qep elabppa hee, nid anilkad kuɗum ag nid iitta daappig, amubia na anin nug ah oolagppa nid iitta daakku,” awa aum. Nug anam awowa, nug Gilgal appa, Yawe noobppa Agag makkuɗe mauhom.