Joel 3:4 - Nobonob Baibel

⁴ Ag Tair, Saidon amu Pilistia danab ah ele, ag dahilnu aɗi nai laal elete? Ag da keeke laanu nob nau meɗaglagnu hettebte? Ag anam hekkulagnu hetteb dayeb amu, ag dabmeig! Da pahanab ahilag hak nau dahilppa heppig amu, da amunu nob nau ag madakkul.

Joel 3:4 Iomraidhean Croise

2 Stori 21:16

Jehoram nug nai amu awe, dimppa Yawe Nug he, Pilistia danab, Arebia danab ele ag Kus danab gukkuattak daatteb ele, ag Jehoramnu oolag nauhom.

Aisaia 14:29

“O ag Pilistia danab ah oh, king laa nug uug matte, ag uug maoppig amu, nug aakku iitta meum, amge diig amunu ag Pilistia ag amunu aib gamalag ahom. Aɗinu? King amu buɗub, nug mameg nau ahilagppa heum amu, buɗub amu nug nau hak amu eɗittak, naunab hadakku. King mauhom ele nug am mat nau, danab emaleb mauhkku, o iitta ehanittak awa, ii mauhma, bau daakku bia dayom, amge nug buɗub am mat nau, danab emaleb, laippun, pahanab mauhkku aakkuib, amubia daakku.

Aisaia 34:8

Aɗinu amu oh bekkunu daatte? Yawe Nug danab ah eheɗ hetteb ele, Nug ag eheɗ heppignu nob tutukku mattaglagnu haen tituanom daatte. Ao, Nug danab ah ag Juda danab ah eheɗ hadappig ele, Nug ag bu aoglagnu maɗ tituanom daatte.

Aisaia 59:18

Nug nuhig kekeɗ, ag kobol aɗi aɗi heppig amu, Nug amu andatta amunu, bu elele madakku. Nug danab ah ag nuhig kekeɗ daan oitteb ele, Nug amu dilagnu oppoɗi beebeb, bu madakku. Ao, Nug laa ag nuhignu, “Ihinig kekeɗ,” dootteb amu, Nug ahilagnu ag eheɗ heppignu dabmaama, bu madakku. Nug danab ah wan miagnu, wan umanu ele, Nug ag nob atten awaknu daatteb amu, nug anamib madakku.

Jeremaia 47:1

Paro nug ahe, Pilistia danab Gasa daappig ele ban heppig, amge nug amu ii heppig haenppa Yawe Nug propet Jeremaia nai laa mette doyom. Nai nug doyom am inam.

Jeremaia 47:4

Aɗinu uug amu bekku? Pilistia danab ah oh iitta mekkulagnu haen aakku uɗiom. Ao, laa ag Tair danab ah, Saidon danab ah ele ehanadkkulagnu daatteb, ag oh iitta mekkulagnu haen aakku beum daatte,’ ” awa atte. Yawe Nug heeb, Pilistia danab ah ag nauhkkulag. Ao, Nug heeb, Pilistia danab, ag Kritnu uɗin daan, gemu ag oɗo yaak daatteb amu, ag nauhkkulag.

Jeremaia 51:6

Ag wan laappan danab Babilon daatteb ag, ag Babilon uun ooleg! Ag mauhmananu ag Babilon uun, oolna laih ukkeg! Babilon hipunin heppig, diig amunu ag nauhkkulag. Ag nauhkkulag amunu, ag laa ag appa daappeg, Babilon ag ahilag hipuninnu nob amu aoppeg, ag laa ag ele Babilon beɗulagppa ag nob amu aon nauhmananu, ag appa aib daappig. Babilon danab ah ag hipunin heegeg uɗie, gemu ele heegeg, Yawe Nug eheɗ hak amunu nob tutukku madakkunu haen uɗiom daatte amunu, kekeɗ ag heppeg, Babilon nauhkku.

Joel 2:10

Ag oiyona ukkaegeg amu, wan hab ele uɗalttep; aam, kalam ele gatatu manaeh, hoɗoppai ele ii amahaltteb.

Joel 2:2

Deɗ amuam deɗ amahlak ele iitta; nug gatatuib daakku. Ao, deɗ amuam deɗ lombig hinqaknab atu oh tona daye, amahlak iitta daatte bia daakku. Deɗ amuppa tap-lokus uɗiglag. Ag ban danab huu okkai naɗi bia uɗin, wan tonatteb, o aamnu amahlak buttuanab ba he, qauko oh amahaltteb, tap-lokus ag amubia hetteb. Anukka keeke amubia laa ii beum, butti aɗi ele baula anambia laa ii bema.

Matyu 11:21

“O gadonnab gadon aab Korasin, o gadonnab gadon aab Betsaida ele. Da ahilah danab oolagppa oiyeye, kobol digdig danab hekkunu elele iitta hemi amu, danab laa nug Tair Saidon ele, danab appa daatteb ag am iitta aɗi danab amu, nug danab amu ahilagppa kobol amubia helo, Tair Saidon ele dilah danab ag anukkanab lamen heɗiag ele takkan, uhuɗppa daanna, ag oolag eɗulo.

Matyu 11:22

Da ag amelagppa attem; epeɗiak haen okkaippa Tair, Saidon ele aa nob nau aoglah, amge aa Korasin, Betsaida ele, aa nob nau amu eɗittak aoglah.

Luk 10:13

O gadonnab gadon aab Korasin, o gadonnab gadon aab Betsaida ele! Da ahilah danab oolagppa oiyeye, kobol digdig danab hekkunu elele iitta hemi amu, danab laa nug Tair Saidon ele, danab appa daatteb ag am iitta aɗi danab amu, nug danab amu ahilagppa kobol amubia helo amu, Tair Saidon ele dilah danab ag anukkanab lamen heɗiag ele takkan, uhuɗppa daanna, ag oolag eɗulo.

Luk 10:14

Amunu da ag amelagppa attem; epeɗiak haen okkaippa Tair, Saidon ele aa nob nau aoglah, amge aa Korasin, Betsaida ele, aa nob nau amu eɗittak aoglah.

Luk 18:7

Nug ah amu ehanidkkunu aum amu, Kayak Nug danab ah nuhikkud, Nug ag tituanattom ele amu, ag hanhan tuqan amun ele deɗ oh unuqidppeppeg amu, Kayak Nug ag iite ehanadma? Nug ag baubau oɗmak haknu amelag maama, paha ii ehanadma? Anam iitta.

Aposel 9:4

Anam amu, Saul nug wanppa na qa, wanppa niieye, nai baag laa na, inam nug amegppa a doyom. “Saul, Saul, na aɗinu da eheɗ heiɗttem?” awa aum.

Duteronomi 32:35

Eheɗ haknu nob tutukku eɗua mettak uɗat am dahil. Ao, da geha aun aɗi ag eheɗ hetteb amu, da nob nau madakkul. Ag hanebppa nena qekkulag. Ahilag haen nau geha paha uɗikku. Ag geha hetteb amu, hak amunu ag bu paha aoglag,” awa atte.

2 Tesalonaika 1:6

Kayak Nug kobol tutukkuib hette, amu Nug inam hekku. Aun ag uug madatteb amu, Kayak Nug ag amunu nob nau matta,

Ikki Danab 11:12

Jepta anam hewowa, nug nai awa ukkak danab maatte, Amon dilag king gumidna gona appig. “Ig aɗi laa eheɗ hemut amunu, ag ban hekkulagnu banenig uɗippig?” aon appig.