Joel 2:8 - Nobonob Baibel

⁸ Amu tap-lokus laa nug layag beɗu nakok ii aɗatte; iitta. Ag anen anen gotteb, anam laippu tappa ukkak tutukku gotteb; laa nug layag godeppa ii goma; iitta. Ag gotteb anamib gotteb. Aɗi keeke ag gomananu oo nak daatte amu, ag keeke amunu keeke hamu doon, ag ukkakib gotteb. Ag huuppa ukkaegeg, huu ahilag ii kabolitte; iitta.

Joel 2:8 Iomraidhean Croise

2 Stori 23:10

Nug daup dilag okkai ban haknu keeke amu matte, ag panin aoeg, Jehoiada nug he, danab ag king guman talilidna daanna, ag bannu keeke eppelagppa aɗappig. Ag qaɗab, Yawenu mettid lag ele guguittak daan, ag lag amunu yau uɗitteppanu ukka, yawalti uɗitteppanu aakku daappig.

2 Stori 32:5

Ag amu heeg, Hesekaia nug Jerusalemnu aɗ aben laala nauhak dayom amu, nug babaitta, ⌊ban haknu⌋ lag attan ta ukkak menppa hak ele aɗppa hattom. Nug ele aɗ laa, aɗ tatam dayom, aɗ amu dimittim heum. Amu aben ag wan itan meeg, elele beum, aben amu ele nug ɠagattag qettom. Hesekaia nug amu haaha, nug ban, lat keeke, kuɗum hatta, nug guppiɗ ele kuɗum hattom.

Nehemaia 4:17

Amu laa ag keeke maon, uɗatppa goppig amu, ag eppelag laplap-ppa uɗat hekkulagnu, ban ele hekkulagnu daappig.

Nehemaia 4:23

Amu tuqan da, da awalad amalad, dahilad maɗi nid, amu ban danab da ele daamut ele, ig oh niignignu hetata, ig uɗatnu lamen ii uɗamut. Iitta! Anam ele niimut. Ig anam hetata, ig oh hanhan bannu keeke eppenigppa aɗat oimut. Leppa gomut, haen amuppa ele ig anam ele gomut.

Job 33:18

ag mauhna, moɗppa niimnanu, laa qep elabppa heeb, ag mauhak abenppa wana daamnanu, Nug anam hette.

Job 36:12

Amge Kayak Nug ag daulag bate, ag dooglagnu uutteb dayeb, ag qep elabppa mauhkkulag. Ao, ag doyak iitta ele mauhkkulag.

Prowerb 30:27

Tap-lokus, ag ahilag king laa iitta, me ag oh huu mena gotteb.

Solomonnu Ahi 4:13

Na am dad enanag, amuppa pomigranet ad, meu enanag otteb ele eppak daatteb bia daattem. Dad amuppa keeke muttuɗilkad enanag ele, aria spais ele eppak daatteb. Amuam henna, nad, nad diig laa, safron, kalamus, sinamon, mir, alo, ad frankinsens digdig ele. Aria spais enanag laala ele appa eppak daatteb.

Aisaia 5:27

Ban danab ameg amu ag oh ag danab ɠagattag. Oolagppanu laippu laa nug baeg dagteeb ii na qema. Laa ameg ii nema, laa ele ii niima. Ag matagiɗ imualagppa pehettan tagappeg, laa iinab uhuqma; ag baeg gaɗa baelagppa maadkkulag amu, baeg gaɗa amunu muɗi laa pakkuak iinab daama.

Joel 2:7

Tap-lokus ag ban danab qaiettan, kekeɗ aqaglagnu gukkuadna gotteb, ag amubia hetteb. Ao, ag daup danab ban hekkulagnu aɗ letan gotteb, tap-lokus ag ele anam hetteb. Amu tap-lokus ag oh huuppa daanna, tappa ukkak laippuppa oitteb. Ag gona uɗina, ii gotteb. Iitta. Ag tutukku gokkulagnu gotteb, anamib gotteb.

Joel 2:9

Ag aab okkai ooppa gokkulagnu qaiettan gona, aabnu aɗ am keeke hamu doonna, ag tena letan, aab okkai ooppa nona, lagnu gililppa taadna, gililppa ulah ibuppa nona, lag ooppa yab danab hetteb bia notteb.