Joel 2:5 - Nobonob Baibel

⁵ Tap-lokus ag qauko eɗadna ukkaegeg, ahilag oqotti am bannu karis ukkaegeg, oqotti otte bia, o qahak ewewe, oqotti otte, anam bia, o daup huanaknab ban hekkulagnu qagmetteb, am amubia oqotti otte.

Joel 2:5 Iomraidhean Croise

Job 39:20

Nate hee, hos ag tap-lokus ooltteb bia oolkkulagnu elele daatteb; Ao, nate hee, hos ag huana hiɗapna heeg, danab ah ag eheɗ nau baɗatteb?

Eksodas 5:12

Anam daye, aria Israel danab ag akka brik hekkulagnu gikkiɗah bunaɗak mattin, qagmena akkan uɗiglagnu Isip dilagppa aben ohppa goppig.

Aisaia 30:30

Yawe Nug heeb, danab ag Nug baag enanag ɠagattag ele dooglag. Nug heeb, ag Nug, ɠagattag okkai okkai ele neebeb anidkkulag. Nug oo nauhak huanaknab, aab aɗu keeke oh ewewe iitta mette ele, Nug amu oh ele nekku. Nug gu huanak neebeb, amemɗi awak, hakkaɗ baag huanak, ais doɗo hab waappanu nak ele nekku.

Aisaia 5:24

⌊Ag anam hetteb⌋ amunu, wit keeke gumu qaɗaiettak ewa iitta mette, amubia ag nauhkkulag. Ao, gikkiɗah qaɗaiettak aab aɗuppa ewa malatte amu, amubia ag nauhkkulag. Amu ad diɗilag beɗaeg, ad bunaɗtte; bala, ⌊uɗulag ele⌋ na qa iitta mette bia amu, ag anam nauhkkulag. Aɗinu? Ag am Yawe Nukka Ɠagattag Oh Ele, ag nuhig ɗo doyaknu uuppig oitteb. Ao, ag Israel dilag Kayak Oppiaawak Ele, ag nuhig nai dimedappig oitteb.

Jeremaia 50:42

Daup amu ag lat, ban ele aɗaglag. Ag laa guittak mettaglagnu uug laa ii doomna. Ag laa dilagnu oo gai-iitta doya oo matta ehanittaknu kobol nakok laa dim ii lamidmana. Ag hos attan daanna oippeppeg, oqotti ahilag am yu heehe, oqotti otte amubia. O Babilon danab ah, ag ag ele ban hena aqaglagnu ag huu men uɗiglagnu bappaidkkulag.

Matyu 3:12

Nug ee aeg mumuɗaknu abenppa ulah ee aeg dappunkkeg iwale ukkaknu uɗat hekkunu daatte. Nug uɗat amu ha, elelenab mewowa, Nug wit meu oh ee aeg mumuɗaknu abenppanu awa ukka, ee maknu lakka mekku. Mewowa, Nug ee aeg dappunkkeg aab aɗu ii qauhtte eleppa maneb eweb, ee aeg mumuɗaknu aben amuam keeke iitta, oppiaawak daakku,” awa aum.

Revelesen 9:9

Ag momolagppa amu keeke qahaɗ aenppa hak bia ele, haulag amu bannu karis kuɗum hos eeɗadna banppa ukkaegeg oqotti otteb, amubia oqotti oppig.