Joel 2:3 - Nobonob Baibel

³ Amu tap-lokus amu ag ukkaegeg, aab ewak keeke ewe, iitta mette, amubia aɗi keeke ag gokkulagppa daatte, ag keeke amu heeg, keeke aab ewak bia daatteb. Ao, ag gotteb baelagppa amu, aab ewa dittia huan attannab taata, keeke ewe iitta mette, amubia daatte. Tap-lokus ag gonana, wan ag gokkulagppa daatte, amuam wan atu enanag, dad Iden bia, amge tap amu gotteb baelagppa, keeke laa ii daatte; atu taɗaknab bia. Keeke laa ii uueg daatte; iitta.

Joel 2:3 Iomraidhean Croise

Genesis 13:10

Anam a amu, Lot nug neekke ukke, Jodannu uɗem anttom. Uɗem amuppa amu, le kuɗum ele. Anttak nuhig am Yawe Iden wanppa dad enanag heum bia, o Isip wan, Soar guguittak daatte ele, amubia. Haen amuppa Yawe nug aab okkai aɗit onilah Sodom, Gomora ele ii he nauhpiɗ.

Genesis 2:8

Amge tatam Yawe Kayak Nug dad laa babaitta, dimppa Nug danab ha amu, Nug nug aguppa meum. Aben amu Iden wanppa dayom. Iden wan am ulah kaɗag uɗitteppanu, appa dayom.

Sam 50:3

Ihinig Kayak Nug uɗitte. Nug ii toettama; oɗe ii qamutma. Nug uɗieye, aab ewak naɗinab Nug noobppa dayeye, ulah naɗi Nug talilitta daatte.

Sam 97:3

Aab ewak naɗi Nug noob awa, anuqa ugakka, nuhikkud kekeɗ talilittak daatteb amu ewadtte.

Eksodas 10:15

Tap-lokus ag am-nab-bena, ag Isip wan amu oh tonaeg, wan amu gatatu manak dayom. Anam dayeye, tap-lokus ag gikkiɗah, ad uɗug keeke, lae nena, ag ad meu ais doɗo ii aqom ele, ag amu oh ele lae neppig. Am ad uɗug, o gikkiɗah, o aɗi keeke bau dayom amu, keeke amu ohnab laih Isip dilag wanppa amu, laa ii dayom; ohnab lae neppig.

Eksodas 10:5

Geha ag Isip wan oh tonappeg, na wan beɗu ii anidmana. Amu keeke oh ais doɗo ii aqom amu, tap-lokus ag geha lappeg iitta mekku. Amuam eeib iitta. Iitta. Ag ad oh, uɗulkad bau betteb, am ele lakkulag.

Aisaia 14:17

Danab laa nug he, wan oh atu taɗak bia be, amu aab okkai kuɗum eɗatta, danab ah kuɗum aɗualatta, diia ukke daappig amu, nug ag uuatteb, ag appalag diigppa gokkulagnu oo ii daye he, ag aakku anam daappig amu, danab amuam danab imu iikkuibte?”

Aisaia 15:6

Qanaknu diig laa amu ⌊kekeɗ ag heppeg,⌋ lenag Nimrim ituak daya, nauhak daakku. Aria laa amu, ⌊le daugppan⌋ gikkiɗah bunaɗeb, keeke laa oh ⌊le daugppa⌋ wanppa beum amu, keeke amu ele iitta mekku. Ao, ⌊le daugppan⌋ keeke oh am bunaɗadna malaglag.

Aisaia 33:4

Na kekeɗ hadappe nauhkkulag, amu ahilag keeke dayebeb, tap-lokus keeke oh latteb amu, amubia ig keeke amu oh aognig. Tap-lokus ag keeke oh lakkulagnu ee daatteppa ag qataiettan gotteb, amubia ig nahipad danab ig kekeɗ dilag keeke aognig.

Aisaia 51:3

⌊Yawe Nug Abrahamnu anam heum⌋ amunu, genab Nug heeb, danab ag Sion eɗun bappaidppeg, ag Juda ag oolag mekku. Yo, Nug Sion nauhom antta heeb, danab ag Sion bappaidkkulag. Nug heeb, Juda wanppa aben laala atu taɗak beppig daatteb amu, aben amuam Iden dayom bia daaglag. Ao, Nug heeb, Juda wanppa aben wan meu waknu nakokib elele amu, ag am Yawenu dad bia daaglag. Danab ah ag Sion appa, Juda wanppa ele daaglag amu, ag oolag gamag ahebeb, ag, Yawe amegppa, “Ena hen mekkame,” doon anan, ahi ettaglag.

Aisaia 9:18

Amu nau hak kobol am aab aɗu bia. Aab aɗu keeke qaɗaiettaknab ele ewawa ukka, atuppan ad, keeke laa oh ele ewewe, aab kah huanaknab tette, ⌊amubia hipunin hak kobol am danab ah heeb nauhna autna aoglag.⌋

Aisaia 9:19

Am Yawe Nukka Ɠagattag Oh Ele, Nug oppoɗi beeb, Israel danab ah eheɗ anam madakku. Atu ewa, keeke oh ewa iitta mette, amubia Nug heeb, wan danab ele nauhkkulag. Danab ah ag aab ewaknu aab bia daaglag. Haen amuppa laa nug awag, o amag laa ii ehanidma. Iitta!

Jeremaia 5:17

Wan amuppan danab ag uɗin, datta ee ahilag, ma lakka mak ele lae nekkulag. Ao, ahilag makau, sipsip ele ag aqan lae nekkulag. Ag ahilag grep meu, wain, ad fig meu ele ag lae nekkulag. Ge, ag ahilkad nid, nid ahin ele aqaglag. Ag Israel, ag aab ɠagattag aɗ ele ooppa daan, ‘Ippa ig enaib daagnig,’ atteb, amge kekeɗ amu ag uɗin qep elabppa heppeg, aab amu oh nauhkkulag.

Esekiel 36:35

Iitta. Ag neegna anidna, inam akkulag. ‘Wan imu kekeɗ ag heeg nauhakib dayom amu, gemu wan amu aakkuib dad onig Iden, Kayak eppom amu, dad amubia daatte. Aab kekeɗ ag heeg nauhppig amu, tatam ag hele-ettak daaegeg, gemu aab amuppa danab ah daatteb, aɗ ele itan, anamib daatteb,’ aon akkulag.

Amos 7:4

Naɗi Yawe amu ana, nug tuleglegppa keeke laa ippuniɗom. Tuleglegppa Nug danab ah bu matta he, wanppa aab ewak dayaya he, wanppan keeke oh nauhe, yu ele qaɗaiettom.

Habakuk 1:6

Na ootppa genab ii doomnanu diig am, antte! Da heppi, Babilon danab ag ahan, ⌊ag Juda, ag bu mattaglag⌋. Babilon daup ag am ban danab, ag oo doyak ii doon nau hetteb. Ag aɗi hekkulagnu ahilag dabmakppa bette, ag ahan hetteb. Ag wan atu ohppa paha wana, eɗadna, ahilkad lag, wan keeke, ag aon, ahilag daakkunu aɗatteb.

Sekaraia 7:14

Da hei, ag wanppan wan uma, ulah kilibob he, keeke tamtam laih laih gona daatteb bia daappig. Da hei, ag gona appa daanna, ag aab diig danab iitta wan amuppa daappig. Hak ahilagppa ag heeg, wan ahilag am hele-etta auta autanab awom. Danab ah ag wan amuppa ii oippig. Israel danab ah ag heeg, ahilag wan enanag, ee meu huanak oum ele amu, wan amuam hele-ettak dayom.” Yawe Nug anam atte.