Joel 2:1 - Nobonob Baibel

¹ ⌊Uug bekkun daatte amu, danab ah dooglagnu⌋ ag trampet Sion aab okkaippa appa iwaleg! Ao, ⌊danab ah ag haen nau bekkun daatte doon bappaidkkulagnu amu,⌋ ag qauko dahilnu tituanak daatteppa oqotti okkai heig! Yawenu deɗ naɗi uɗitte, uma iitta, miagnab daatte amunu, danab ah oh Israel wanppa daatteb, ag hahaɗeg!

Joel 2:1 Iomraidhean Croise

1 Stori 15:28

Anam aakku ag gona, Yawenu Tituanak Nainu Kunup kontrak inak ele aon uɗinna, ag enana, ag musik haknu keeke doɗ qeqeɗippa hak, trampet ele iwalnana, ag simbal hena, laia, harp ele qeppig.

Sam 119:120

Da nahipnu ebehil oh eheɗ bodoetta le meeme, da beɗul hahaɗtte. Da nahip ɗo tippalen eheɗ heppi, na bu meɗamnanu baɗattem.

Sam 87:1

Aab laa Yawe buuom ele amu, aab amuam qauko nuhignu tituanak daatte, am qauko amuppa daatte.

Eksodas 10:14

Uɗippig ele am, tap-lokus ameg okkai okkai agogaɗnana uɗin, Isip wan laih ohppa amu ag ambena, Isip wan oh tonappig. Anukka Isip wanppa tap-lokus huanaknab anam ii neppig; dimppa ele ag anam ii nemana.

Aisaia 13:6

⌊O Babilon danab ah,⌋ ag huan gayeg! Aɗinu? Yawenu deɗ naɗi miag doum. Deɗ amuppa amu Laa Nukka Ɠagattag Oh Ele Nug geha keeke kuɗum heeb nauhkkulag.

Aisaia 13:9

Antteg! Yawenu deɗ naɗi aakku uɗitte. Deɗ amuam deɗ naunab nau laa. Deɗ amuppa Yawenu oppoɗi bak, nuhig oo nauhak huanaknab ele am geha miag beeb anidkkulag. Deɗ amuam wan atu oh am hele-ettak daaglagnu, hipunin danab am heeb iitta mekkulagnu uɗitte.

Aisaia 2:12

Yawe Nukka Ɠagattag Oh Ele, Nug haen tituanom daatte, amu haen amuppa Nug epeɗiak uɗat okkai hekku. Nug epeɗiak haaha, dada danab ah onilag qeeb nekku. Haen amuam Dada danab ah oh dilag epeɗiaknu haen, Am keeke ⌊hamu⌋ oh, danab ah ag amunu enanag doon, gamalag ahatte ele epeɗiaknu haen ele.

Aisaia 66:2

Da keeke amu oh hattami amunu, ag beppig daatteb.” Yawe Nug anam atte. Amu Yawe imu ele atte. “Aun laa nug nukka nug onig qe ne, nug nug binag ii mette, nug dahil nai dim lamidkkunu dabmak tippalmanu baɗatte amu, da nuhignu enanagnab doottem.

Aisaia 66:5

Ag laa, ag Yawenu nai doon, ag tippalmananu baɗatteb ele, ag nuhig nai imu doyeg! “Ag lailkad ag ahilagnu nau ninig ele dootteb amu, ag da onilnu geɗadna, inam aon aon aqan, deɗ laala appig. ‘Yawe Nug heeb, ig nuhig ɠagattag anidtu! Nug anam heeb, ag oolag gamag aheb anidtu!’ Ag anam deɗ laala appig, amge da heppi, ag uɗalag nekku.” Yawe Nug anam atte.

Jeremaia 16:10

Am na, Jeremaia, na danab ah imu amelagppa anam appe, ag na amenppa inam akkulag. ‘Aɗinu Yawe Nug uug naunab amu ihinigppa heeb bekku? Ig aɗi eheɗ hemut? Ig Yawe, ihinig Kayak, ig nuhigppa aɗi hipunin hemut?’ aon akkulag. Ag anam appeg amu,

Jeremaia 16:7

Laa nug mauhppig lailkad oolag mekkunu ee, o le keeke ii mattama. Ge, laa mameg o anig mauheb, laa nug mauhom laikkud anam ii ehanadma,” awa atte.

Jeremaia 4:5

Yawe Nug da Jeremaia, Nug da amelppa inam ele aum. “Na nai imu Juda danab ah, Jerusalem danab ah ele amelagppa appe doyeg! ‘Trampet iwalak danab ag, ag trampet amu wan ohppa aben ohppa iwaleg!’ Na amu awona, na inam ele appe doyeg! ‘Ag Juda, ag qagmeppeg, ig oh aab ɠagattag aɗ ele anen anen amu, ig oolta, amuppa gotu!’

Jeremaia 5:22

Amu Yawe Nug inam ele atte. “Ag Juda, ag dahilnu ebehilag oh bodoetta iite le mekku? Ao ag da noolppa daanna, ag iite baɗamna? Da yu ihippa, yu tom amu eɗidmanu ihi memi. Ao, yu nug tom amu ii eɗidma, gemu, butti aɗi ele tom anamib aakku daakku. Yu duban nug okkai qekku, amge tom amu loppaɗa, tom laappa ii tema. Ge, yu duban am wagainab meebeb, oqotti huanak okku, amge tom amu ii loppaɗma. Iitta.

Esekiel 12:23

Ag anam maditteb amunu, na inam ag amelagppa appe doyeg! Naɗi Yawe Nug inam atte. ‘Ag oiyak ehanittaknu nai tutu bia laa amu maditteb amu, da heppi, ag nai amu Israel wan ooppa baula iinab mattimna.’ Amunu, na ag amelagppa anam awona, na imu ele appe doyeg! ‘Haen elab iitta amu, aɗi keeke da tuleglegppa propet dahil ippunadmi amu, da heppi, ippunittak oh am meu okku.’

Esekiel 21:12

Qep elab amuam danab ah dahilad aqeb mauhppeg, Israel dilag okkai ele aqeb mauhkkulag. Anam daatte amunu, danab bekka, na gaye! Na mahie! Israel dilag anuqak danab, dahilad danab ah ele ag qep elabppa mauhkkulag amunu, na momon qeute!

Esekiel 33:3

Ag tituanppeg, aria nug kekeɗ uɗippeg anatta, nug wan amuppan danab ah ag kekeɗ uɗitteb dooglagnu trampet iwalak hekkun daakku amunu, deɗ laa kekeɗ uɗippeg antta, danab ah ag nau aomnanu nug trampet amu iwalak hekku dayeb amu,

Esekiel 33:6

Anam, amge aɗi uɗitte anittak danab amu nug kekeɗ ag ban hekkulagnu uɗitteb anatta, nug wan amuppan danab ah ag nau aomnanu trampet ii iwalkku dayeb, kekeɗ ag uɗin, danab laa qeppeg mauhkku dayeb amu, nug hipunin hak nuhigppa dayaya mauhkku, amge mauhom amu, nuhig mauhak am aɗi uɗitte anittak danab beɗuppa. Da aɗi uɗitte anittak danab eheɗ heum dookkul amunu, da bu medakkul.’ ” Yawe Nug anam aum.

Esekiel 7:10

Ag bu aoglagnu deɗ am oqiom daatte; uma iitta. Ui na, keeke le ibuppa daatte ye gotte, amubia ahilag padal mak am naɗi uɗitte. Wan laa ag bu madakku amu, bu amu nug eppegppanab daatte; am bala mapatom daatte, amubia.

Esekiel 7:12

Ag Israel, ag bu aoglagnu haen aakku gogppa teum. Deɗ amu aakku uɗiom daatte. Laa nug keeke daden mette ele, nug aib gamag ahak doyom. Laa nug keeke me, laa daden mette ele amu, nug mahiak aib doyom. Aɗinu? Danab ah imu ag ohnab bu aoglagnu haen aakku oqiom daatte.

Daniel 6:26

Da ɗo imu iikku mei gotte. Danab ah ohnab ag da wan atu gumattem amu, wan amunu aben ohppa, ag ohnab ag Danielnu Kayaknu ebehilag oh bodoetta le maɗ! Danielnu Kayak Nug bau daatte. Ao, Nug hanhan daatte. Nuhig ɗo maɗoɗnu amu, laa nug heeb ii nauhma. Ge, nuhig wan atu gumak am alet, ii tuqa awak daatte.

Daniel 9:16

O Naɗi, na genab tutukkuib hanhan hettem amunu, na amubia gemu ele henana, na Jerusalemnu danab ah, ⌊Juda danab ah oh ele⌋ dilagnu oot nauhom daatte, na amu dilagnu oppoɗi bak doottem amu, na amu uukkutnu oɗ medattem. Jerusalem am nahip aab, am aab amu am qauko nahipnu tituanak daatte, am amuppa daatte. Ig nahipad danab ah, ig, amu ig mamenkad aɗi ele ig hipunin heut, na bu eheɗ mekkame amunu, danab ah wan atu ig taliligna daatteb ele, ag ig, aab Jerusalem ele, ag ihinignu, ‘Keeke hamunab,’ dootteb.

Daniel 9:20

Da, Daniel, da Kayak anam unuqitten, da dahil hipunin, dahilad danab ah, Israel, da ahilag hipunin ele Kayak amegppa miagib mattien ainne, da Yawe, Nug dahil Kayak, Nug heeb, nuhig qauko nuhignu tituanak daatte am eɗua ena daakkun unuqittitti,

Hosea 5:8

Kayak atte. “Gibea appa ag trampet iwaleg! Rama danab ag kekeɗ uɗitteb dooglagnu ag trampet appa iwaleg! Betawen appa ag ban haknu ewak heig! O Benyamin danab, ag ban hak amuppa anuqna ukkeg!

Hosea 8:1

Yawe Nug atte. “Dahilad danab ah ag uug uɗitte dooglagnu na trampet na ottinppa me! Ai igel laa doɗ laa aokkunu notte bia, kekeɗ ag da, Yawe, ag dahilad danab ah aqaglagnu ban haknu uɗitteb. Danab ah dahilad ag nug tituana nai qakkak nai da ag mattami tippalna; dahil ɗo tappaeg neum. Diig amunu amu, kekeɗ ag uɗitteb.

Joel 1:15

Yawenu deɗ naɗinu am gadonnab gadon. Aɗinu? Deɗ am miag uɗiom daatte. Deɗ amuam Laa Nukka Ɠagattag Oh Ele Nug he, nauhak okkai naunab daatte, am deɗ amubia.

Joel 2:11

Amu Yawe Nug nuhikkud daup noolagppa anuqa ugakka, Nug baag okkaippa hakkaɗ qette bia ette. Aɗinu? Nuhikkud daup dilag ebqak am huanaknab; ebqaknu elele iitta. Laa amu, laa Nug nuhig nai meu he bette ele, Nug am ɠagattag okkai ele. Laa ele amu, Yawenu deɗ naɗi am deɗ okkai ele. Deɗ amuam heeb, danab ebehi oh bodoetta le mekkunu deɗ amunu, auntai nug deɗ amu ɠagattag hibaitta daakkunu elele? Laa iitta.

Joel 2:15

Ag trampet Sion aab okkaippa appa iwaleg! Ao, ag danab ah oh ag Yawe noobppa ee ohnu kud mena daaglagnu appeg doyeg! Ag oh Yawe noobppa qagmena dup nona Nug binag mekkulagnu deɗ metteg!

Joel 2:31

Aam nug gatatu maneb, kalam nug kokoɗnab tiig bia daakku. Keeke amu oh bekkulag, amge da Yawe, dahilnu deɗ naɗi, danab deɗ okkai amu antta nug ebehi oh bodoetta le mekku amu, haen deɗ amu ii nak, nekkunu daakku, haen amuppa keeke amu oh bekkulag,” awa atte.

Joel 3:14

Danab huanaknab, ao, danab huanaknab ag aben oolnu noak onig, “Yawe Nug Danab Ah Epeɗiadkku,” ag appa ana daatteb. Aɗinu ag appa daatteb? Aben amuppa, onig am Yawe Nug Danab Ah Epeɗiadkku amu, Yawenu deɗ naɗi paha miag dotte.

Joel 3:17

Yawe Nug atte. “Da anam heppi, ag Israel, ag da am Yawe, ahilag Kayak, da Sion appa daattem dooglag. Sion am qauko dahilnu tituanak daatte. Da appa daappi, Jerusalem am ele dahilnu tituanak daakku. Wan laihnu danab ag baula banelag iinab uɗimna. Iitta.

Amos 3:6

Haen aab okkai laappan aɗi uɗitte anittak danab nug kekeɗ uɗitteb antta, nug trampet iwale amu, aab okkai amuppanu danab ag hamu doon, ii baɗattebte? Iitta! Ag baɗatteb. Ao, aab okkai laa, ⌊amuppan danab ah ag hipunin heeg,⌋ uug nau aab okkai amuppa bette amu, uug amuam Yawe eppegppanu iite uɗitte? Ge, nuhigppan uɗitte.

Amos 5:18

Israel danab ah ag Yawenu deɗ naɗi, ag deɗ amu ameg menan tappaɗidtteb ele, ahilagnu amu gadonnab gadon. Ag aɗinu deɗ amu paha ahilagppa uɗikkunu oolag daye tappaɗidtteb? Deɗ amu geha gatatuib daakku; amahlak laa ii daama.

Amos 8:2

Nug ippuniɗa, da oɗ meɗom. “Amos, na aɗi anidttem?” awa oɗ meɗom. Oɗ meɗe, da ami. “Da kaleg laa, ad meu lep mak inak ele daatte anidttem,” awe ami. Da anam ai, Yawe Nug da amelppa aum. “Israel danab ah ag hipunin heegeg, ad meu lep meum, haen amuppa danab aotte, amubia ag bu awaknu haenppa aakku daatteb. Da uuadppi baula hamu ii oimna. Da bu madakkul.

Obadaia 1:15

Aɗinu ag anam ii helob? Da, Yawe, dahil deɗ naɗi am miag uɗiom daatte. Deɗ amuppa da wanppan wan ohnu danab ah epeɗiadkkul! Ag Edom, ag laa dilagppa heppig amu, amubia ahilagppa bekku. Ao, ag aɗi eheɗ heppig amu, eheɗ hak amuam eɗua, ag qaɗelagppa daakku.

Sepanaia 1:14

Amu Yawenu deɗ naɗi okkai amuam miag uɗiom daatte. Ge, deɗ amuam paha neeb anidkkulagnu miagib daatte Deɗ amuppa, deɗ amuam Yawenu deɗ naɗi aakku, deɗ amuppa danab ah ag eheɗ gaaglag. Ao, ban deɗ amuppa daakku, amu ban danab ag ekkulag.

Sepanaia 1:16

Deɗ amuppa ban daakku. Danab ban hekkulagnu trampet iwalppeppeg, ban haknu ewak ele ekkulag. Ao, ag aab okkai ɠagattag aɗ ele, aria aabnu aɗ daug daugppa ban haknu lag attan ta ukkak menppa hak, ag amu ele aoglagnu ban hekkulag.

Sepanaia 1:7

Ag Naɗi Yawe noobppa toettan dayeg! Aɗinu? Yawenu deɗ naɗi miag uɗiom daatte. Laa amu, danab nug mana mettak hewowa, doɗ amu teppu nuhignu daatteppa hobul hekkunu bappaidtte, amubia Yawe Nug hobul babaittom. Nug he, laa hobul amuppa daaglagnu ag nuhikkud daaglagnu tituanattak daatteb.

Sepanaia 3:11

Ag Jerusalem danab ah ag dahilnu eheɗ heppig, amge haen amuppa ag tuɗidna, uɗa nak akka ahilagnu ii doomna. Amu bekkunu diig amu, da heppi, laa ag dada kobol hena, ag amunu gamag ahak dootteb ele, ag baula aab imuppa ii daamna. Laa ag dada ha laa eɗittaknu dabmak awak kobol dim lamidtteb amu, ag ippa ii oimna.

Sekaraia 14:1

Yawenu deɗ naɗi aakku uɗitte. Deɗ amuppa kekeɗ ag uɗippeg, Israel ag neegna daappeg, kekeɗ ag keeke ahilkad akkan gokkulag.

Sekaraia 8:3

Amu Yawe Nug laa ele inam atte. “Da eɗuen, qauko Sion appa ukken, da Jerusalem daakkul. Da amu heppi, danab laa ag Jerusalemnu, aab okkai amu onig am Yawe Dim lamittaknu Oo Metta Ii Uuak Kobol, akkulag. Amu qauko Sionnu, qauko amuam Yawe Nukka Ɠagattag Oh Elenu amu, ag qauko amunu, qauko amu onig am, Qauko Kayaknu Tituanak Daatte, akkulag,” awa atte.

Malakai 4:1

Yawe Nukka Ɠagattag Oh Ele Nug atte. “Anam amunu, dahil deɗ naɗi aakku uɗitte. Deɗ amuam aab dittiak bia daakku. Deɗ amuppa aab amuam beɗuppa tak danab, amu eheɗ hak danab ele ag wit keeke gumu qaɗaiettak eotte bia ewadkku. Ge, ad laa, ebekkud oh, diɗi ele oh ewa mala nauhtte bia, ag nauhkkulag.

Namba 10:2

“Na appe, danab laa trampet aɗit silwappa haataɗ! Nug hamappa silwa qeebeb bekkulah. Trampet aɗit amu, aa danab ah onilagppa epeɗ uɗin qagmekkulagnu, amu ag haen tutu dayaknu aab kalak anen anenppanu ahan, aben amu uun laih gokkulagnu iwalaknu ele daaglah.

Namba 10:3

Haen danab aɗit aa trampet aɗit amu oh iwalatpeɗ amu, danab ah oh ag doppeg, na ele dahil mettid haknu peh lag danab ah appa qagmetteb ele, ag peh amunu odppa qagmekkulag.

1 Korint 14:8

Amu trampet baag ena ii gayeb am, aun nug aha ban hekkunu bappaidkku?

Pilipai 2:12

Aria gamalad, anukka da ag ele daamut, haen amuppa ag hanhan Kayak oɗe dim lamidttappig, amubia gemu da ag ele ii daattem, da laih daattem amu, gemu ele ag nai nuhig dim lamidkkulagnu huana dabmenana heig! Amu Kayak Nug ag eɗua diiom, ag amu gogppa tekkunu ag nuhignu ag ebehilag oh bodoetta le meeb, ag oolag ottaiebeb, ag Nug oɗe dim lamitteg!

1 Tesalonaika 5:2

Ag akka tutukku dootteb, Naɗinu deɗ am tuqanppa, yabhok danab oitte, amubia uɗikku.

Jems 5:8

Amubia ag ele ag oolag bodoettak ele daanna, ag oolag ɠagattag qettan dayeg! Aɗinu? Naɗi eɗua uɗikkunu miag daatte.

1 Pita 4:7

Aria, keeke oh iitta mekkulagnu haen aakku guguittak daatte amunu, ag unuqittak hekkulagnu elele daaglagnu, ag dabmen autna aona, ag nukka nug nuhig oiyak pehettak atognoak kobol ele dim lamidna dayeg!

Revelesen 6:17

Aɗinu? Deɗ naɗi, amuam aa danab ah hipunin ahilagnu bu aqaglahnu deɗ, deɗ amu aakku beum daatte. Aun nug ɠagattag daya, haen naɗi amu eɗidkku? Auntai laa iitta!” aon appig.