Joel 1:2 - Nobonob Baibel

² Ag ikki danab, ag nai imu doyeg! Yo, ag danab ah Juda wanppa daatteb, ag daulag human doyeg! Ag gemu daatteb ele amu, ahilag haenppa uug imu bia laa beumte? Ao, ag mamelkad aɗi daappig haenppa ele keeke imubia laa beumte? Iitta.

Joel 1:2 Iomraidhean Croise

Job 12:12

Danab ah kaino ele ag doyak dabmak ena ele. Ao, danab ah ag wanppa haen elab daan oitteb ele amu, ag oinna, ag diignu doyak tutukku aotteb.

Job 15:10

Danab kainonab ag ig ehanigna mattiegeg, ig laa ig ahilag nai bia na amenppa madittem. Ge, danab ag na mamen ii dayom haenppa daappig, ag ig ehanigna mattiegeg, ig ahilag nai bia na amenppa madittem.

Job 21:7

⌊Amuam⌋ aɗinu nau hak danab ag kaino mena, bau daan oitteb? Ao, aɗinu ag ɠagattag tuɗidna aon, anam daan oitteb?

Job 8:8

Na anukkan danab, ig memetankad anukkanu, ag anukka aɗi nai mattiegeg uɗie, gemu ele laa nai amu dootteb ele mattieg doottem amu, na nai amu dabmenana, aɗi ippunigtte doye!

Sam 49:1

Danab ah oh ag imu doyeg! Ao, wanppan danab ah oh ag daulag human doyeg!

Aisaia 34:1

Danab ah wan atu ohppanu ag gumiɗna dona, nai doyeg! Ao, ag wan atu ohppan danab ah, ag daulag human, nai doon, dabmetteg! Ag wanppan danab ah oh, wanppan keeke laa oh ele ag doyeg! Ao, wan atu ohppa danab ah, wanppan keeke ele, ag doyeg!

Aisaia 7:17

Anam bekku, amge ⌊ag oolag ii eɗutte amunu,⌋ geha Yawe Nug heeb, haen nau nahip-ppa, am nahipad danab ah dilagppa, am na baenadppa dilagppa ele uɗikku. Uug bekkunu daatte ele, amuam naunab, anukka uug beppig eɗattak, uug amu bekku. Haen Israel ag oppatna, Juda uun goppig ele, haen amuppa digmak uɗie, gemu batak uug nau bekkunu daatte amubia laa ii beum. Uug nau bekkunu amuam iikku. Yawe Nug geha Asiria dilag king awa uɗieb, ⌊Juda aqa oɗoɗadkku⌋,” awa aum.

Jeremaia 30:7

Haen amuam haen nau. Haen laa am haen amubia ii dayom, gemu ii daatte, butti aɗi ele anambia ii daama. Haen amuppa amu, Jakop buɗub ag uug nau aoglag, amge da ehanadppi, ag ii padal memana.

Jeremaia 5:21

‘O Juda danab ah, ag dabmak tutukku iittappa oitteb. Ag kaaka oitteb. Ag amelag ele, amge ag aɗi keeke ii anidtteb. Ag daulag ele, amge ag nai ii dootteb,’ ” awa aum.

Daniel 12:1

Amu haen amuppa Maikel, nug engel naɗi, nug na, Daniel, nug nahipad danab ah ehanadtte amu, nug aha uɗikku. Haen nug aha uɗikku, haen amuppa uug naunab daakku. Uug amubia deɗ laa wanppa ii neum. Uug amu bekku, amge nahipad danab ah oh, onilag bukppa yaak daatte ele, ag oh ehanittak aon, ena daaglag.

Hosea 4:1

O Israel danab ah, ag ahilag wanppa daatteb amu, Yawe Nug ag aakku diia, hettoɗiakppa waum amunu, ag Yawenu nai doyeg! Nug ahilagnu atte. “Ahilag wanppa amu, oo metta ii uuak kobol, oo mauhaknab kobol ele ii daaeheh, ag ele Kayak nakok laa ii dootteb.

Hosea 5:1

Yawe Nug inam ele atte. “Mana mettak danab, ag nai imu doyeg! Ao, ag Israel dilag ikki danab oh, ag daulag human, doyeg! Ge, ag king baegppan oh, ag daulagppa doyeg! Aɗinu? Danab laa pelem ma, doɗ aotte, amubia ag Mispa appa, kayak hambuppuak dottolkad noolagppa dup nona binalag mena, ag danab ah laa ag ele amu hekkulagnu omalatteg, hipuninppa noppig. Ao, ag danab laa nug uhui ma, ai aotte, amubia ag Tabor appa ag kayak hambuppuak dottolkad noolagppa dup nona binalag mena, ag danab ah laa ag ele amu hekkulagnu omalatteg, hipuninppa noppig. Anam amunu, bu awaknu nai imuam ahilagnu.

Joel 1:14

Ag danab ah oh ag Yawe noobppa ee ohnu kud mena daaglagnu appeg doyeg! Ao, ag oh Yawe noobppa qagmena dup nona Nug binag mekkulagnu deɗ metteg! Ag ikki danab uɗiglagnu eig! Ao, ag wan imuppan danab ah laa oh ele onilagppa eig! Ag Yawe, ahilag Kayak, ag Nug laugppa uɗippeg, ag oh Nug unuqitteg!

Joel 2:2

Deɗ amuam deɗ amahlak ele iitta; nug gatatuib daakku. Ao, deɗ amuam deɗ lombig hinqaknab atu oh tona daye, amahlak iitta daatte bia daakku. Deɗ amuppa tap-lokus uɗiglag. Ag ban danab huu okkai naɗi bia uɗin, wan tonatteb, o aamnu amahlak buttuanab ba he, qauko oh amahaltteb, tap-lokus ag amubia hetteb. Anukka keeke amubia laa ii beum, butti aɗi ele baula anambia laa ii bema.

Amos 3:1

Ag Israel, ag Yawe Nug ag eheɗ heppignu aum amu, ag nai amu doyeg; Nug nai aum amu, Nug ag aun aɗi, Nug ag Isipnu diia uɗiom buɗulkad daatteb amu, Nug ahilagnu aum.

Amos 4:1

Amu Yawe Nug atte. “Samaria ah, ag nai imu doyeg! Ag amu, ag makau, Basan appa ⌊gikkiɗah enaib lanana, beɗulag enaib daatteb,⌋ ag amubia daatteb. Ag daɗek danab ah eheɗ hattanna, ag laa keeke iitta ele am hatteg nauhtteb. Ag amu henana, ag ahilkad danab amelagppa, ‘Le ɠagattag aon doppeg latu!’ aon atteb.

Amos 5:1

O Israel danab ah, da nai oo doyak ele butti aɗi ahilagppa bekku amu, da amunu madippi, ag doyeg!

Maika 1:2

Naɗi Yawe, Nug ⌊Israel⌋ ag eheɗ heppignu ab dooglagnu, Naɗi Nug nuhig mettid lag nuhignu tituanak daatte, Nug appanu ⌊Israel ag eheɗ heppig⌋ ab ag dooglagnu, ag danab ah wan ohppa daatteb, ag doyeg! Ao, ag danab ah ag laih laih ohppa daatteb amu, ag oh daulag humeg!

Maika 3:1

Aria dimppa da ⌊Maika,⌋ da ami. “Ag Jakop buɗub dilag danab okkai ag daulag human, nai imu doyeg! Ao, ag amu dilag gumak danab, ag daulag human, nai imu doyeg! Ag nai doya mala hettoɗia epeɗia elele mettak kobol iite dootteb?

Maika 3:9

Ag Jakop buɗub dilag danab okkai ag daulag human, nai imu doyeg! Ao, ag amu dilag gumak danab, ag daulag human, nai imu doyeg! Ag danab okkai, ag nai doya mala hettoɗia epeɗia elele mettak kobolnu ena iinab dootteb. Ao, ag danab okkai, ag kobol genab tutukku ele oh aona, ag heeg, kaboliak dayeye, kaliak okkai aakku daatte.

Matyu 13:9

Danab nug daug ele dayeb, nug doyaɗ!” awa aum.

Matyu 24:21

Aɗinu? Haen amuppa amu, uug naunab bekku. Uug naunab amubia nug digmak haenppa uɗiak gemu ele laa ii beum, dimppa ele amubia ii daama.

Revelesen 2:7

Danab nug daug ele dayeb, nug Kayak Ouɗi Nug Kristen tamaniak dilkadppa nai mehuqtte doyaɗ! Aun laa nug ban eɗidkku amu, da nug bau hanhan dayaknu ad meu, Kayaknu Paradisppa daatte, medappi lakku,” awa aum.