Joel 1:12 - Nobonob Baibel

¹² Muɗi grep bunaɗppig. Ao, ad fig am mauɗna malappig. Ad pomigranet, ad pam, ad apel ele oh bunaɗppig. Ao, ad oh meu lanaknu daatteb amu, ag oh bunaɗppig. Keeke amu oh nauhna malappig amunu, uug amuppa danab dilag gamag ahak oh am iitta ma malom; ad digma bunaɗkkunu mauɗa malatte, amubia.

Joel 1:12 Iomraidhean Croise

Sam 4:7

O Yawe, haen danab ah ag ee aeg huana aon, wain bau ele huan hena, ag maɗoɗppan gamag ahak naɗi dootteb. Anam amu, na maɗoɗppan gamag ahak amu eɗittak da meɗame.

Sam 92:12

Ad pam enanag ba, okkai mette, amubia genab tutukku hak danab ah aɗi ag ena bena daatteb. Yo, ag am Lebanonnu ad sida, amubia ɠagattag betteb.

Solomonnu Ahi 2:3

Apel adnu dadppa, apel ad laa am apel ad laa oh eɗattak daatte; apel ad laa anam daatte bia amu, laa, nug dahilnu oo mauhtte, nug apel ad amubia nid bau laa oh oolagppa eɗattak daatte. Da apel ad amu waappa, logoppa daakkulnu enanagnab doottem; apel ad meu lakkulnu ele ena doottem. Anamib, da danab dahil ele daagnihnu enanagnab doyeye; keeke aɗi nug da meɗatte amu, da amunu ele da oolppa ena doottem.

Solomonnu Ahi 4:13

Na am dad enanag, amuppa pomigranet ad, meu enanag otteb ele eppak daatteb bia daattem. Dad amuppa keeke muttuɗilkad enanag ele, aria spais ele eppak daatteb. Amuam henna, nad, nad diig laa, safron, kalamus, sinamon, mir, alo, ad frankinsens digdig ele. Aria spais enanag laala ele appa eppak daatteb.

Aisaia 16:10

Dad ooppa am nakok gamag ahak laa ii daama. Grep dad ooppa danab o ah laa ahi ii ettama, o laa oo gamag ahak doyaya ii ema. Grep meu tappa leppu awaknu abenppa, appa laa uɗat ii hema. Gamag ahak laa oh iitta mekku; ii daama.

Aisaia 24:11

Laa amu, wain, danab ah ag lakkulagnu am iitta mekku amunu, aab okkainu ib ohppa ag hippaidna daanna, wain lakkulagnu ekkulag. Uug naunab wan ohppa beeb, oo gamag ahak eɗua, oo uug doyak daakku. Laa oo gamag ahak iinab dooma.

Aisaia 24:7

Grep meu guɗ oh qaɗaiedappeg, muɗi grep ele bunaɗkku. Am danab ah ag wain, grep lebuppan hak, ag amu lakkulagnu gamalag ahatte, danab ah amu ag amunu oolag doyeb, gaan oiglag.

Aisaia 9:3

O Kayak, na heppe, nahipad danab ah ag huan apatkkulag. Ao, na heppe, ag gamalag huan ahakku. Ahilag gamag ahak amu, ag na noomppa na ippunidkkulag. Ao, datta ee oɗuom awak haenppa danab ah ag aonna, gamalag ahehe aotteb, ag amubia hekkulag. O iitta ban danab ag ban hena, ag ban eɗittona, keeke ag aoppig am otin aona, gamalag ahatte, amubia ag gamalag ahakku.

Jeremaia 48:3

Kekeɗ ag aab Horonaim ag aoglagnu ban henana, keeke heppeg nauhebeb, loppaɗak uɗat okkai hebeppeg, Horonaim danab ah ag eheɗ gaan ekkulag.

Jeremaia 48:33

Moap dilag dadppa, ad meu okkunu gamag ahak laa ii daama. Gamag ahak oh am iitta mekku. Da heppi, ag grep meu aon, wain hekkulagnu ele ib oo nak daakku amunu, laa nug grep leppu aokkunu uɗat haaha, gamag ahak doya, huana ii ema. Moap wanppa ewak okkai daakku, amge ewak amuam gamalag aheb ii emana.

Joel 1:10

Dad okkai oh am nauhppig, wan qaɗaiettom; danab daalo am mahilo. Aɗinu? Keeke ee aeg otteb am padal meeg, muɗi grep ele qaɗaiettom. Olip ad, nuhig goɗen iitta meum.

Joel 1:16

Ig anittutut, amenigppa ee ihinig nauhom. Ig Kayaknu mettid lag, amuppa gota, oo gamag ahak doognignu ib iitta meum.

Jona 4:7

Amge wagɗe deɗ amuppa Kayak he, wan gawat laa muɗi amu diig ekkule mauɗa neum.

Hagai 2:19

Ag ee aeg, ee tumu keeke, iitta ele. Ag muɗi grep, ad fig, ad pomigranet, olip ad ele eppan, meu ii aoppig, amge da gemu digmein, itittak ena madakkul,” awa atte.

Malakai 3:11

Amu Yawe Nukka Ɠagattag Oh Ele Nug ele atte. “Ag da amibia hekkulag dayeb amu, oɗe nau, gawat nau ele, da heppi, ag ahilag dadppa ii noppeg, ag ee kuɗum ele daaglag. Da heppi, muɗi grep ii qaɗaiettamna; ag meu okkulag.

Namba 13:23

Haen ag gona, oolnu noak aben laa onig Eskol, ag appa wana amu, ag muɗi grep eppegppanu grep meu aɗa auta awak laippu laa dayom amu anidna, okkulna aoppig. Danab aɗit tuqaippa maopiɗ. Ikki danab ag ad pomigranet, amu ad fig meu laala ele tuqappig.