Jeremaia 6:4 - Nobonob Baibel

⁴ Kekeɗ dilag okkai ag daup ahilkad amelagppa akkulag. ‘Ag ban hekkulagnu babaitteg! Ahappeg, ig aam ameg tutukkuppa ban hekkunig!’ akkulag. Ag anam akkulag, amge haen ukkeb, ag eɗun, akkulag. ‘Ihinignu am gadon. Aɗinu? Haen malom. Gemunu amahlak iitta mette. Ao, uudoum, gatatu nekkunu hette.

Jeremaia 6:4 Iomraidhean Croise

Job 7:2

Ig begbeg maɗi nid laa, nug laanu uɗat huana haaha, tueb meeb, hik awa daakkunu oo huana hette bia daattem. Ao, ig laa nug laanu uɗat nid, nug uɗat haaha, nuhig daden aokkunu oo huana hette bia daattem.

Solomonnu Ahi 2:17

O danab dahil, na dahilnu oot mauhtte, da na doɗ dakkuɗ gasel, o iitta na doɗ dakkuɗ dia gaiɗ, ag qauko qappakppa daatteb, na anam bia daappe ukkeb, atu haɗaetta, wagkkaɗkkun heebeb, na eɗun dahilppa uɗikkutnu oɗ medattem.

Jeremaia 15:8

Kekeɗ ag danab kuɗum aqadppeg, ah qab huanak, kuɗumnab, abuɗ yu ihippa daatte, amu eɗittak daaglag. Kekeɗ ag danab ah keeke amunu ii dabmetteb haenppa, ag nid bau, ag anilkad ele aqadkkulagnu pahanab ahaglag. Ge, da heppi, baɗak eheɗ nau ele, guittak okkainab ele pahanab nid bau, ag anilkad ele dilagppa uɗiglah.

Jeremaia 15:9

Kekeɗ ag ah laa bekkod nid danab eblaih aɗit ele aqappeg mauhppeg, anilag nug gai-iitta ma, hik aokkunu elele iitta daakku. Tatam nug bekkod ele amunu, nug ehanittak, binag ele, amge kekeɗ heppeg, amu oh iitta mekku. Nug uɗa nak nau guittak ele doya, laa noolagppa nau daakku. Da heppi, Juda danab ah laa ag ban haenppanab ii mauhkkulag amu, ban dimppa kekeɗ ag ag aqadppeg mauhkkulag.” Yawe Nug anam awa atte.

Jeremaia 5:10

Da bu madakkul. Da ahilag kekeɗ amelagppa ahilagnu inam akkul. ‘Juda danab ah imu ag da, Yawe, ag dahiladnab ii daatteb. Ag am dahil grep dad bia, amu danab ag grep dad heeg nauhtte bia, ag Juda danab ah dilag kekeɗ, ag Juda aqeg! Ao, danab ag muɗi grep ebekkud elabnab meppig qiin diitteb, amubia ag kekeɗ ag Juda danab ah aqeg! Amge ag heppeg, aib iitta meum,’ awe akkul.

Jeremaia 6:23

Daup amu ag lat, ban ele aɗatteb. Ag laa dilagnu oo gai-iitta doya oo metta ehanittak ii dootteb. Ag laa guittak mattaglagnu uug ii doon oitteb. Ag hos attan ban hekkulagnu oiyegeg, oqotti huana, yu koɗkoɗ eheɗ nau qette, oqotti amubia otte. O Sion danab ah, daup amu ag ahilag kobolppa huu mena, anam daanna, ag banelag uɗiglagnu daatteb.” Yawe Nug anam awa atte.

Jeremaia 8:20

Anam amu, Juda danab ah ag atteb. “Ee awak haen aakku ukka malom. Oug haen digmekkunu hette, amge ig padal maknu ehanittak laa ii anidmut,” aon atteb.

Joel 3:9

Laa nai imu ag wanppan wan ohppan danab ah amelagppa inam appeg doyeg! “Ag ban hekkulagnu babaitteg! Ag appeg, ban danab aheg! Ahan, ag ban haknu aben gukkuidna gona, ag ban hekkulagnu bappaidna dayeg!

Obadaia 1:1

Imuam tulegleg Yawe Obadaia ippunitte anttom. Imuam Naɗi Yawenu nai, laa Edomnu dooglagnu meum. “Ig Yawe Nug nai awa ukkak danab laa nug wanppan wan laalappa danab amelagppa nai ab dooglagnu me ukkom doomut. Ao, danab Yawe me ukkom ele, nug nai imu ab dooglagnu me ukkom. ‘Ahappeg ig Edom banelag gotu!’ ”

Maika 3:5

Amu Yawe Nug inam atte. “Propet hambuppuak ag dahilad danab ah ib eheɗ ippunadtteb. Laa nug propet hambuppuak ee madette, ag nug maɗoɗ daakkunu atteb. Amge laa nug ee ii madakku dayeb amu, ag uug nau, mauhak keeke, danab amu, nuhigppa bekkunu atteb.

Sepanaia 2:4

⌊Yawe Nug heeb,⌋ danab laa Gasa appa ii daama. Ao, kekeɗ Askelon heppeg, nauha autanab awa daakku. Asdot appa ele kekeɗ ag danab ah lamadppeg, ag pahanab Asdotnu ahan gona malaglag. Aria, kekeɗ ag danab ah Ekron daatteb amu, ag eheɗ lamadppeg, ag ahilag aab uun gokkulag.